Kel pəsaŋ kəmarwaŋ gə minti Zaŋ jiiriniy 13:4 - JAA TƏMARWAŊ

⁴ Kəya wə faŋ apəya a ko bə hameŋa, wə pəŋ dəməəmə nuutu də cəərə kumsuŋ wəra, wə humuŋ dəməəmə də sete kusrum, wə əntənə təwru.

Kel pəsaŋ kəmarwaŋ gə minti Zaŋ jiiriniy 13:4 Iomraidhean Croise

LIKI 12:37

Waaleŋ ji yaŋ cəərə kaa kə joŋre gə minti bərdə kuliŋ bi a fələy wəra gə kuntə-kuntiŋ! Gəəzi ten waataŋ, wə dere dəməəmə nuutu də joŋre yaŋ, kəya wə əsti kaa kə joŋre nuutuŋ yaŋ wəra a ko bə hameŋa cin-cin, adoro wə əyəy hameŋ.

LIKI 17:7

«Mindi aduubə dəŋa minti də hulum bə joŋre bə keɗe mo, ɗalba bə ame bege mo, wə haraŋ də ne minti akaŋ, wə wəətu yaŋ minti: ‹Bəəda, ɗee la a hame so cəlam› mo?

LIKI 17:8

Wə wəətu paapa bədoona ba, wə wəətu yaŋ ɗaw haa minti: ‹Waɗə so la wəra, kolə dəməəmə də joŋre la sarəma, ayan kar la hãã bə minti ten təwaŋ hame bə soŋ ne wəra daana ten saŋ ne wəraŋ gəm. Adordə teŋa, tam neke kəm bə hame, daana bə se gəm ta.›

LIKI 22:27

Hulum bobloŋ ha'aŋ mindi tə mo? Haa hulum bə minti bə hame soŋa mo, bə minti bə ji joŋreŋa mo? Haa hulum bə minti bə hame soŋa bə mo? Golə la ten də kusrən, ten aduubə dəŋa akas hulum bə joŋre nəəti ana.

Kel pəsaŋ kəmarwaŋ gə minti Zaŋ jiiriniy 13:12

Wə bəədənəy kəmpəri wəra baada kəyaŋ, wə haraŋ bə dere dəməəmə nuutuŋa, wə haraŋ cəərə hameŋa faɗi. Wə wəətənəy minti: «Karman bə minti ten jəənəŋ dəŋ sarəŋa ha'aŋ, aŋ uskunu guuduŋ nuutu mo?

II KOREŊTƏŊ 8:9

Gud maa mo pisi bə minti Barkaŋ náŋ Yeesu Kristuŋ juunu sar kaŋaŋ, wə də dərəŋ. Wə a haa hulum bə hurmaŋ ɗaw, wə koloŋ kusru wəra də caaca guudəŋa minti aŋ kolə la də hurma gud caaca kə toŋa.

I ZAŊ 3:11

Haa kənaŋ ku mini bə minti aŋ a uskunu hãã a de dəŋ bə gud Pepeŋ daŋ, minti áŋ balə kumsə áŋ la adəwaldə kumsə áŋa.