Kel pəsaŋ kəmarwaŋ gə minti Zaŋ jiiriniy 10:3 - JAA TƏMARWAŊ

³ Hulum bə gole ku hiw buŋu ku wəra. Kaamaŋ usku durdu, wə məntəy də səməy məna-məna keɗe daana wə vay wəra tiilima.

Kel pəsaŋ kəmarwaŋ gə minti Zaŋ jiiriniy 10:3 Iomraidhean Croise

Kel pəsaŋ kəmarwaŋ gə minti Zaŋ jiiriniy 10:14

Səma ten toŋ haa bərdə kaamaŋ. Yə də dərən, ten də diri gəm.

Kel pəsaŋ kəmarwaŋ gə minti Zaŋ jiiriniy 10:16

Kaamaŋ katən gaalaŋ yaŋ, teŋ paapa giidə hiwa kəna ba. Ten kir kele tiini bə ɗe a əməy gəm. Yə əskən dordən yaŋ, yə tepe yaŋ wəra də kumsi kaayaŋ məna, ten əməy yaŋ məna gəm.

Kel pəsaŋ kəmarwaŋ gə minti Zaŋ jiiriniy 10:4

Wə vəənəy ne wəra keɗeŋ, wə kele tiiniya, yə tepe guudu faɗi gud minti durdu də diri.

Kel pəsaŋ kəmarwaŋ gə minti Zaŋ jiiriniy 10:9

Ten haa damdi ku kuli ana, hulum bə minti kəlaŋ ne cəərəna tew, toŋ seere yaŋ wəra. Wə neke yaŋ bə kele a hiwa daana bə kele wardaŋ, wə fele hame yaŋ gəm.

Kel pəsaŋ kəmarwaŋ gə minti Zaŋ jiiriniy 6:37

Kaa gə minti Barən ayan dən, yə bi sarəna keɗe. Hulum bə minti bəŋ ne sarənaŋ, ten həru duru warna ba anə ceki.

Kel pəsaŋ kəmarwaŋ gə minti Zaŋ jiiriniy 6:45

*Kaa kə jogte ku mini kə Pepeŋ a jeereŋ warda minti: ‹Kaŋ keɗe Pepeŋ hətəy yaŋ haa tó›. Mindi mindi mo əskəŋ ku Barən neŋ, wə doŋ hate nuutu neŋ, toŋ bi sarəna.

ROMEŊ 8:30

Kaayaŋ gə minti wə haŋ ɗikiŋ bə zey wəra dəra'i a kusruŋ, wə məntənəy wəra gəm minti yə kolə la kə tó. Té gə minti wə a məntənəy wəraŋ, wə kulnuy wəra duru ɗeker gəm. Té gə minti wə kulnuy wəra duru ɗeker, wə əynəy boblo nuutuŋ gəm.

I KOREŊTƏŊ 16:9

Gud maa mo, kəkəy boblo bəŋəŋ wəra tiinəna kəna bə ji joŋre kə Pepeŋ, koo kaa kə acukur nin jəəne nuutu kəna ablaw ɗaw.

FILIPIŊ 4:3

Ten bə waatəma gəm, tam seenən bə minti jəŋ joŋreŋ dəərən anə ɓet-ɓetiŋ, kayə kəram té ɓasiŋ la bə tepe kuya, gud bə minti are kuuruŋ bə waate *Kel pəsaŋ kəmarwaŋa wəra a kaŋ haa də kumsə are keɗe. Kelemaŋ də kaa gə minti are jəŋ joŋreŋ diiri keɗe, gə minti Pepeŋ jiiriniy səməy giidə kefter kə kaa gə minti fəlaŋ dədərgə də bay teweŋ, jəŋ joŋreŋ də are gəm.

KOLOSIŊ 4:3

Aŋ əsəŋ ne bə tooseŋ, aŋ toosə la cəərə are gəm kir minti Pepeŋ bəŋ kəkəy la a are bə waate kel nuutuŋ wəra. Kel teŋ haa hel nuutu də metə-mete də waate sam Kristuŋ, ten hebkəna a daŋgaya haa guudi.

II TIMOTE 2:19

Səma kel gə gəəzi kə Pepeŋ teŋ kole ba. Yə damdi gud kuli bə minti Pepeŋ gəənu tó də kusru ana, wə daɓye ba. Gud kuli toŋ wəra bə jeerə-jeere cuuru minti: «Barkaŋ ha'aŋ kaa nuutuŋ də duru», daana pa minti: «Hulum bə minti waataŋ ne wəra də ku minti tó kəna kə Barkaŋ, wə yaakə ji bə baymeleŋ la».

I PIYER 1:12

Pepeŋ vəɗnəy kel wəra minti, kel gə minti yə bə wəətiya ha'aŋ, yə ɗe a ji diri ba, səma yə haa kel nəəti. Kaa gə minti bə waate *Kel pəsaŋ kəmarwaŋa hebkənaŋ, yə waatənaŋ kel teŋ wəra. Yə wəətənəy haa paapa də səɓaki neete ba, yə wəətənəy haa də səɓaki kə Tiiru Cetcetaŋ də minti bəŋ apəy daŋ. *Kaa kə digi kə Pepeŋ də kusri bə golde haa minti té asə gud kel teŋ la gəm ɗaw.

I ZAŊ 4:6

Səma áŋ teŋ kə Pepeŋ. Hulum bə minti Pepeŋ də duruŋ, toŋ əski náŋ. Hulum bə minti toŋ paapa kə Pepeŋ baŋ, wə iski áŋ ba. Áŋ ɓarse aduubə də Tiiru də gəəziŋ wəra də tiiru də ceme teteŋ wəra haa bədoona.

III ZAŊ 1:14

Ten bə ɗiki minti ten ɗe yaŋ gerdem na hõy ga'i. A ko toŋa áŋ bə nele yaŋ máŋ ku kumsə áŋa.

VEƊE 20:15

Mindi mindi mo bə minti səmu paapa bə jeerə-jeere giidə kefter bə dədərgəŋa baŋ, yə gəənu dərə gəm.

VEƊE 3:20

Aŋ golə la, ten bə əsə-isi ku kuliŋa, ten bə lete ku kuliŋa cəərəŋa minti ten kele na. Hulum bə minti əskənən dordən neŋ, wə bəŋəŋ ku kuli neŋ, ten kele girdu, are hame yaŋ də kumsi.

VEƊE 7:17

Gud maa mo, Kormə Taaməka bə minti bə əsə-isi aduubə də jaaŋaŋa bə guluy ciiri yaŋ damdi hulum bə ameŋ ana. Wə ɗe yaŋ a məltəy ku vor bə minti kan pəsaŋ bə ãye adaŋ. Kəya Pepeŋ sətəy kan kə diri yaŋ wəra neŋneŋ keɗe.»