I TIMOTE 4:3 - JAA TƏMARWAŊ

³ Yə hate kaŋ minti tope bə kəram haa baymele, daana minti sərdə kar kəman yaŋ, a hame teŋ ba. Anaaŋa Pepeŋ də kusru, wə jəŋ kar teŋ haa minti kaa gə minti doŋ gud Kristuŋ daana gə minti ase gəəziŋ, yə jəə suuse la a Pepeŋ ciiri, adoro yə həməy la.

I TIMOTE 4:3 Iomraidhean Croise

MATIYE 14:19

Kəya wə waataŋ kaŋ minti: «Aŋ baarə la adawra cəərə kaɗəkawa.» Kəya wə humuŋ mappa wiiɗiwaŋ də aska ɓasaŋ kəəsu, wə haŋ duru apəya, wə jəŋ suuse ciiri, adoro wə ɓarsaŋ dər mappaŋ, wə ayna a kaa gə guuduŋ minti yə ɓarsa la wəra a kaa kə ablaw.

MATIYE 15:11

Hulum kole wəra paapa cetceti dər Pepeŋa baŋ, haa paapa gud kar gə hame gə minti kele giiduŋ ba. Karman bə minti kole hulum wəra paapa *cetceti dər Pepeŋa baŋ, haa nayto bə minti kele warda ku daŋ.»

MATIYE 15:36

Wə humuŋ mappa seeɗa'aŋ də askaŋ kəəsu, wə jəŋ suuse a Pepeŋ ciiri jəə, wə ɓərsənəy diri wəra, wə əynəy a kaa gə guuduŋ, yə ɓərsənəy a kaa kə ablaw gəm.

LIKI 24:30

Bə minti wə əsəŋ bə hame diiriŋ, wə haŋ mappaŋ, wə jəŋ suuse a Pepeŋ cəərə, kəya wə ɗoklona dərə, wə əynəy di.

Kel pəsaŋ kəmarwaŋ gə minti Zaŋ jiiriniy 6:23

Kəya sərdə kətartaw kəman tuukuŋ agal də vil də Tiberiyadiŋ da anəkay. Yə məlaŋ wəra a ko bə minti Yeesu a ayaŋ mappaŋ a kaŋ adordə bə minti wə a jəŋ suuseŋ cəərəŋ.

JOŊRE 27:35

Wə waataŋ kel teŋ bədoona waata kəyaŋ, wə haŋ mappa, wə jəŋ suuse a Pepeŋ cuuru tiinə kaŋa gila keɗe, wə jəmnu, wə əsəŋ bə həmu faɗi.

ROMEŊ 14:17

Gud maa mo *Kumna kə Pepeŋ waate paapa cəərə aye bə kəkəy bə kar kə hameŋ daana gə seŋa ba. Kəmtəŋ də kel haa minti áŋ jəə la gə kolə-kole dər Pepeŋa ɗeker, áŋ jəə la kəkaɓi daana dər waaleŋa. Aye kar teŋ a áŋ haa Tiiru Cetcetaŋ.

ROMEŊ 14:3

Hulum bə minti bə nakə-neke bə hame kar keɗeŋ a gole nayto bə bay həməy baahãy ba. Hulum bə minti nəkaŋ bə həməy keɗe baŋ, a jeme kəəti də nayto bə həməy keɗeŋ bə gəm gud bə minti Pepeŋ duunu irku du suru.

ROMEŊ 14:6

Hulum bə minti bə ɗiki minti hiti kəman dəŋaŋ kumsuŋ, wə jəw haa a Barkaŋ. Hulum bə minti bə nakə-neke bə hame kar keɗeŋ, wə jəw haa a Barkaŋ gəm, gud maa mo wə ji suuse a Pepeŋ ciiri. Nayto bə minti paapa bə nakə-neke bə həməy keɗe baŋ, jəw haa a Barkaŋ gəm gud bə minti wə ji suuse a nuunu ciiri gəm.

I KOREŊTƏŊ 6:13

Sərdəŋ waate pa minti kar kə hameŋ gə jəə-ji haa a giidim, daana giidim gə jəə-ji haa cəərə kar kə hameŋa gəm. Bədoona gəəzi, səma Pepeŋ ɗe a ɓalke kar té ɓasiŋ yaŋ wəra hõy. Səma kusuki də áŋ bə jəə-ji haa paapa minti áŋ jəə boobo la duuru ba. Wə haa kə Barkaŋ, kumna cuuru haa Barkaŋ gəm.

I KOREŊTƏŊ 7:28

Ten waataŋ ne nuutu anaŋ, hulum doŋ həlgə neŋ, wə jəŋ paapa baymele ba. Tər terewkaŋ doŋ koŋkor neŋ, a jəŋ paapa baymele bə gəm. Səma kaa kə kəram, kəram gə kaŋkar, yə bə hale gəəli ablaw. Ten a bəlaŋ fətəŋ wəra ku haa fiti.

I KOREŊTƏŊ 8:8

Də teŋ keɗe ze áŋ sar Pepeŋa haa paapa karman bə hame ba. Aŋ həmnu baŋ, aŋ kuŋ paapa ki bə gəm. Aŋ həmnu neŋ, aŋ fele karman ada dəŋaŋ toŋ bə gəm.

KOLOSIŊ 2:16

Gud teŋa ta, aŋ a yaake hulum bə waate kela cəərəŋa, cəərə kar kə hameŋa, kar kə seŋa, anə humi bə kosoŋ cəərə hiti bə kəɗwəya, anə kəɗwəy gə gud kitir bə malteŋ, kumundu cəərə *hi bə faake kə Pepeŋaŋ ba.

KOLOSIŊ 3:17

Dər joŋreŋa daana dər kel gə minti aŋ wəətəy keɗe, aŋ jəy la haa də sam Barkaŋ Yeesu. Aŋ jəə suuse la a Pep Abaŋ haa də səmu gəm.

I TIMOTE 2:4

Kel teŋ daw duru gud bə minti wə golde haa minti kaŋ neŋneŋ keɗe seerə la wəra, daana minti yə kolə la wəra bə ase gəəziŋa.

I TIMOTE 4:4

Gud maa mo, kar gə minti Pepeŋ jiiniy keɗe yə pəsaŋ, karman bə beye paapa ada ba. Səmaŋa áŋ doy la ha'aŋ, áŋ jəə suuse la a Pepeŋ ciiri.

I TIMOTE 5:14

Gud teŋa ta, ten bele minti kəram gə bay kəəcəŋ harə la bə tope kaŋkara, yə waa kəmar koncoŋ la daana yə amə cəərə kuli neete la pisi, kir minti kaa kə acukur náŋ a fele ko bə waate kel kə bayməlaŋ cəərə áŋa gud kel di ba.

HEBEREŊ 13:4

Aŋ humi kosoŋ la cəərə kel gə minti Pepeŋ wəətənəy cəərə kuli bə veŋa, daana hulum koŋkor mo, həlgə mo, a kele wəra taakawa ba. Gud maa mo Pepeŋ bə ɗe a jeme kəəti də kaa kə karway, də kaa kə ji piwpiw gəm.

HEBEREŊ 13:9

Aŋ a yaake kusrəŋ wəra bə laŋte də gidiirə hate kəman bə minti bə tultəŋa kimirwiŋ ba. Gud maa mo karman pisiŋ haa minti áŋ falə səɓaki náŋ la ku tarmə áŋa haa də pisi bə minti Pepeŋ jəw sar kaŋaŋ, paapa də ku gili bə camə-ceme bə cəərə kar kə hameŋ ba. Ku gili bə cəərə kar kə hameŋ toŋ, wə kəyaŋ kaa gə minti ɗeŋ duuruŋ hõy ba.