I TIMOTE 4:1 - JAA TƏMARWAŊ

¹ Bədoona ta, Tiiru Cetcetaŋ waataŋ wəra kaŋkaŋ minti, ɗe a deye dər ko bə adoroŋa ha'aŋ, sərdə kaa kəman yaake de bə gud Pepeŋ yaŋ wəra. Yə bə ɗe máŋ haa gud kel kə tiiru də ke ku kaŋa, yə he máŋ haa bəlam də hate kə kəwal.

I TIMOTE 4:1 Iomraidhean Croise

MATIYE 18:7

Gəəliŋ kə kaa gə cəərə seŋkaŋ gud kar gə minti bə gaya bə yaake kəkəy bə deŋaŋ! Kar teŋ bese bay ji gil ba, səma gəəliŋ kə hulum bə minti zogte gud kaŋ bə yaake kəkəy bə deŋaŋ.

LIKI 17:1

Yeesu waataŋ *kaa gə guuduŋ minti: «Kel gə minti feke kaŋ dər baymeleŋaŋ raawe wəra cəərə kaŋa bay ji ba, səma gəəliŋ ji yaŋ cəərə hulum bə minti kaŋ ku hulum ne bə ji baymeleŋaŋ.

Kel pəsaŋ kəmarwaŋ gə minti Zaŋ jiiriniy 16:13

Tiiru də veɗe gəəziŋ bə tuluŋ neŋ, a bə kaŋ dərəŋ yaŋ wəra cəərə gəəziŋa keɗe. A bə waate haa paapa dər kel naata ba, a bə waate yaŋ haa kel gə minti a iskiniy ku Pepeŋ daŋ keɗe daana gə minti bə ji yaŋ naŋ gəm.

JOŊRE 13:2

Dər hi kəmana hõy məna, bə minti yə gə tapə-tepe ciiri laki bə ke awalna a Pepeŋ daana yə gə *jaa-je də kuy bay hame tə pə moŋ, Tiiru Cetcetaŋ wəətənəy minti: «Aŋ zen anə Barnabasi la də Sol wəra dəra bə jən joŋre bə minti ten məntənəy wəra cuuruŋ.»

JOŊRE 17:18

Sərdə kaa kə hate kəman ada gə minti doŋ gud hate bə minti yə məntu minti *Epikur, də naayaw toŋ bə minti yə məntu minti *Estoyikiŋ, haŋ neleŋ nuutu də Pol faɗi. Sirdiŋ minti: «Jerweŋ toŋ geye kusru bə hage haa səm mo?» Sirdiŋ bə waate ada gəm minti: «Wə gole dər are damdi wə waate haa sam pepe kə kaa kəman ana.» Yə waataŋ bədoona gud bə minti Pol bə waate kela wəra cəərə Yeesu, daana cəərə hare bə kaŋa wəra dədərgə adordə meŋa.

JOŊRE 20:23

Karman bə minti toŋ də dərən, haa bə minti lasiŋ mo, daŋgay mo, bə mənaŋ. Gud maa mo a gəryi katəna giidə vila cawa keɗeŋ, Tiiru Cetcetaŋ bə waatəna bədoona.

JOŊRE 21:11

Wə bəŋ sar are kəyaŋ, wə humuŋ santir kə Pol, wə əsəŋ bə ənti kuurə kəmpuru də kəəsu duuru. Wə minti: «Waate kel teŋ haa kənaŋ Tiiru Cetcetaŋ minti: hulum bə minti santir nuutuŋ kay kənaŋ, kaanə Ziwifi gə Zeruzalem ɗe a untu bədoona ana gəm. Adoro yə əyu kasi kaa gə minti teŋ paapa gə Ziwifi baŋ.»

JOŊRE 28:25

Bə minti kaanə Ziwifiŋ əsəŋ bə koore wəra sar Polaŋ, kuy bay tepe. Kəya Pol haraŋ bə wəətəy karmana ada məna minti: «Kel té lami gə minti Tiiru Cetcetaŋ kulnuy ku Ezaya, hulum bə jogte ku mini kə Pepeŋ, bə waate kəmoomo dəŋaŋ, yə kel kə gəəzi:

I KOREŊTƏŊ 10:20

Paapa anə ceki! Ten waate haa minti, kaa gə minti Pepeŋ paapa də diri baŋ, ji keereŋ haa a kəwal, paapa a Pepeŋ ba. Ten paapa bə balə-bele minti aŋ jəə la gə tapə-tepe də kəwal ba.

I KOREŊTƏŊ 11:19

Ɓarse bə dər bese bay kalte aduubə dəŋa ba, kir minti aŋ asə kaayaŋ gə aduubə dəŋ gə minti əsəŋ ŋəŋ ku kel té gə guluy kuɗiŋa la.

I KOREŊTƏŊ 12:11

Tiiru də mənaŋ aye aye toŋ gila keɗe haa tá. A əyu a mindi mindi mo hal-hal damdi giidə a bəlaŋ ana faɗi.

I KOREŊTƏŊ 2:10

Pepeŋ vəɗnu wəra a áŋ haa də Tiiruŋ. Gud maa mo, Tiiruŋ də nakə-neke bə gole dər kar wəra keɗe, koo nuutu ɗiki bə ku tarmə Pepeŋ.

II KOREŊTƏŊ 11:3

Səma walka bə jəna minti aŋ yaake hulum bə ɓalkaŋ ɗiki dəŋa kir minti aŋ yaakə de dəŋ kaŋkaŋi daana *cetceti bə gud Kristuŋ la wəra damdi Eva yaakaŋ kusrə bə leŋe wəra ku tiwki kə hənjiŋa anaŋ.

KOLOSIŊ 2:18

Aŋ a yaake kusrəŋ minti kaa kəman ɓətəŋ aŋke nəətiŋ la wəra ba. Kumsə kaa teŋ ha'aŋ, bele ji kusri wəra kəna anəkayya gal taakawa minti té yaŋ bə hare cəərə kusrə té adawra, yə gə ayə-aye kusri haa bə toose *kaa kə digi kə Pepeŋa, daana bə ɗe gud kel neete gə minti vaɗte diriŋ. Ɗiki neete bə minti a kusukiŋa gay bə teke cəərə kusri apəya wəra giidə ko bə booboŋa anəkay faɗi.

II TIMOTE 3:13

Səma kə kaa kə sərkəŋ də kaa kə ji tiniini də kaŋ ha'aŋ, yə ze guudi dər baymeleŋa haa ze ɗaw. Yə ji tiniini də kaa kaayaŋ, daana yə ji tiniini də kusri té toki gəm.

II TIMOTE 4:4

Yə po'te kusni wəra, yə bele iski kel kə gəəziŋ ba, yə mele ɗiki di wəra bə jeɓre haa ajujun də booboŋ.

ZAKI 3:15

Kumsə ase bə zuuri bə kel teŋ kəya bəŋ paapa sar Pepeŋ da ba. Wə bəŋ haa gud ɗiki bə cəərə seŋkaŋa kəna, gud ɗiki kə kaa gə baymeleŋa, daana sar Nərtitiŋ da.

I PIYER 1:20

Də ko bə minti Pepeŋ a kəm bay ji seŋkaŋ, wə a ŋəmaŋ Kristu warda hãã daana wə vəɗnu wəra dər ko tó bə adoroŋa haa guudəŋa.

II PIYER 2:1

Aduubə də kaanə *Israyelaŋ, *kaa kə jogte ku mini bə laŋte kaŋ a jəŋ ada. Gom də kaa kə jogte hate bə baymeleŋ bə ji yaŋ aduubə dəŋa bədoona gəm. Yə kalte hate bə bay bəlam duŋ bə ɓalke kaŋ yaŋ aduubə dəŋa dəgaaya-dəgaaya. Yə bə malte kuy yaŋ wəra cəərə Bərdə kaŋ bə minti a miɗniy ciiriŋ. Gəəli bə bese kaŋ bi yaŋ anə cəlam ciiri da haa gud kel té gə minti yə bə jiyaŋ toki.

II PIYER 3:3

Jəə la wəra də dərəŋ ajewa faɗi minti dər hi bə adoroŋa ha'aŋ, kaa kə dafɗete kaŋ tuli yaŋ sarəŋa, bele bə ji kar kə bayməlaŋ əsəŋ ciiri kumna haa tó.

I ZAŊ 2:18

Karmanti, áŋ hebkəna dər ko bə minti hitiŋ tewe yaŋ wəra adaŋ. Aŋ wəra gə əskə-əski minti hulum bə acukur də Kristu bi yaŋ. Anaaŋa áŋ wəra gə asə-ase minti kaa gə acukur də Kristu ablaw pəŋ diri ne wəra ɗaw. Áŋ asaŋ minti áŋ hebkəna dər ko bə minti hitiŋ tewe yaŋ wəra ada haa gud teŋa ta.

I ZAŊ 4:6

Səma áŋ teŋ kə Pepeŋ. Hulum bə minti Pepeŋ də duruŋ, toŋ əski náŋ. Hulum bə minti toŋ paapa kə Pepeŋ baŋ, wə iski áŋ ba. Áŋ ɓarse aduubə də Tiiru də gəəziŋ wəra də tiiru də ceme teteŋ wəra haa bədoona.

ZUDI 1:18

«A tewe bə koŋaŋ, kaa kə dafɗaŋ ji yaŋ. Kel kə bayməlaŋ gə minti giidi bələy, ɗe diiri haa té.»

ZUDI 1:4

Gud maa mo sərdə kaa gə bay iski ku Pepeŋ, ɓəlwətəŋ aduubə dəŋ na dəgaaya-dəgaaya. Kel gə minti waate sam pisi kə Pepeŋ, yə kulnuy wəra dəra'i də ɗiki neeteŋ minti té jəŋ dəgləŋ ne nuutuŋ, cəərə Pepeŋ gaara yaŋ wəra. Yə koloŋ kirki a Yeesu Kristu, Barkaŋ náŋ, Bərdə náŋ ɗaaməna'iŋ. Kel gə jeerə-jeereŋ a waataŋ warda anə hãã faɗi minti kəəti kə Pepeŋ bə doy.

VEƊE 13:14

Wə lenteŋ kaa gə cəərə seŋkaŋ wəra də miɗi bə minti wə nəkaŋ bə jəw də dər bege bə ajew. Bege tó bə ɓasiŋ haŋ gud kaŋ minti yə ɗampə karman la damdi bege bə ajew ana bə əyu tokɗeŋ. Bege toŋ, yə a ŋiinu də caafay, wə haraŋ wəra dədərgə.

VEƊE 16:14

Yə haa kəwal gə minti jəəti kar gə məɗ-miɗiŋ. Yə bə ɗe yaŋ a golde kəkamna gə cəərə seŋkaŋ da keɗe bə təpəy ciiri bə ɗe a duuriŋ dər hi boblo bə minti Pepeŋ Bar Səɓakiŋ bə bi a jeme kəətiŋ də kaŋ duruŋ.

VEƊE 18:2

Kəya wə əsəŋ bə naakte ku koloŋ minti: «Babilon, vil mootoŋ awaŋ ne wəra adawra, a awaŋ ne wəra adawra. A koloŋ máŋ haa ko bə minti kəwal də gidiirə karmə kəwal keɗe əsti ada. Gidiirə kasko gə liwisiŋ də kaayaŋ gə minti gole jeeɗem əsti haa ada gəm.

VEƊE 18:23

Lampaŋ wele ko wəra gerda hõy pəda. Kaa gə minti tope kəram kəmarwaŋ, hulum iskiy səməy hõy gerda pəda gəm. Kəəti toŋ gila keɗe bə bi cəərə haa gud bə minti kaa kə celeere naataŋ a jəŋ haa kaa kə samsam, daana kaa kə zal naataŋ a kaŋ ku gidiirə kaŋ wəra keɗe minti yə tapə la gud té.

VEƊE 19:20

A ko toŋa kəyaŋ, yə humuŋ bege bə waraŋ də bege bə minti jogte ku mini bə laŋte kaŋ. Bege tó bə ɓasiŋ jəətəŋ miɗiŋ də dər bege bə ajew. Gud miɗi toŋa, wə koloŋ bə lente kaa gə minti yə a məltənəy tarwa kə bege bə ajew siriŋ wəra, gə minti a kaŋ awalna a karman bə minti yə a ɗəmpunu bə he bege bə ajew. Bege toŋ ɓasi keɗe, yə vəənu dədərgə zugi a ko bə cəwa də sufrə hərhəraŋa.

VEƊE 2:11

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi. Hulum bə minti pəŋ bulum neŋ, me bə ɓasiŋ ji karman suru pəda.›»

VEƊE 2:17

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi. Hulum bə minti pəŋ bulum neŋ, hame bə minti yə məntu «man» bə metə-meteŋ, ten əyu du yaŋ. Pərki gibirwi bə minti sam kimirwiŋ bə jeerə-jeere cuuruŋ, ten bə əyu du gəm. Sam kimirwi toŋ haa də dər hulum bə minti fəlaŋ pərki toŋ neŋ təwa.›»

VEƊE 2:29

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi.›»

VEƊE 2:7

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi. Hulum bə minti pəŋ bulum neŋ, ten əyu kəkəy bə hame we də kəbaŋ gə aye dədərgə də bay teweŋ yaŋ ger Pepeŋ na a *Paradisi naŋ.›»

VEƊE 20:10

Kəya yə gaŋ Nərtiti də minti a kəənəy kuy wəra a ko bə cəwa də sufrə hərhəraŋa, sar bege bə waraŋa daana bege bə minti jogte ku mini bə laŋte kaŋ. Yə bə se lasiŋ yaŋ máŋ bə faɗnə-faɗna, daaway də duugŋ keɗe.

VEƊE 20:8

A ɗe a ke ku gidiirə kaa gə cəərə seŋkaŋ yaŋ wəra a koŋa keɗe, haa Gogi daana Magogi. A kote cəərə kaŋ yaŋ wəra guuda bə ɗe a duuriŋ, ablaw di ji yaŋ anə hə̃ə̃'a damdi abəɗəskəŋ də ku kan kəmtəŋa ana.

VEƊE 3:13

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi.›»

VEƊE 3:22

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi.›»

VEƊE 3:6

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi.›»

VEƊE 9:20

Kaa gə minti a yaakaŋ bay aweŋ kasi lasi taŋ, yə koloŋ kirki a kar gə minti yə a bə jəətiya ba. Yə yaakaŋ keerte bə kəwal daana bə kar gə minti yə guluy Pep neeteŋ ba. Yə ɗampaŋ kar té haa də kooso bə gusi awəy-awəy, də kooso pis-pisiŋ akas soloya ana, də kooso maaway, də pərkiŋ, kumundu ba də kəbaŋ. Haa kar gə minti neke bə ase ba, bə iski ba, bə ɗe bə gəm.