I PIYER 1:3 - JAA TƏMARWAŊ

³ Aŋ tokɗə Pep Bar Barkaŋ náŋ Yeesu Kristu la! Gud ji bə giidu pəsaŋ nuutu bə ablawa tə bə moŋ, wə ayaŋ dədərgə təmarwaŋ a áŋ gud hare bə Yeesu Kristu wəra dədərgə adordə meŋa, kir minti ɗiki də áŋ jəə la wəra bə malə-mele cuuru kaŋkaŋ.

I PIYER 1:3 Iomraidhean Croise

Kel pəsaŋ kəmarwaŋ gə minti Zaŋ jiiriniy 1:13

Yə koloŋ wəra karmə Pepeŋ haa paapa gud we kə kaa kəsarkaŋa ba, paapa gud bə minti kəmni jəŋ də caadə kumsiŋ bə gəm, gud ɗiki kə hulum kisirkiŋa bə gəm. Pepeŋ bəlaŋ minti yə jəə la karmə toŋ haa tó.

ROMEŊ 12:12

Aŋ jəə la də waale gud karman bə minti ɗiki dəŋ bə malə-mele cuuruŋ, aŋ məə la ku gəəliŋa, aŋ jəə la saksaki bə toose Pepeŋa gəm.

ROMEŊ 15:13

Pepeŋ, hulum bə minti mele bə ɗikiŋ bi haa kəəsu daŋ, ɗosoŋ tarməyaŋ la wəra də waaleŋ daana kəkaɓiŋ gud de nəəti bə guuduŋa. Kəya ɗiki dəŋ bə malə-meleŋ ji yaŋ wəra ablaw hasi gud səɓaki kə Tiiru Cetcetaŋa.

ROMEŊ 4:25

Pepeŋ əynu wəra a meŋ gud baymele náŋa, wə hərnu wəra dədərgə haa minti tó kole áŋ la wəra dər tó ɗeker.

ROMEŊ 5:10

A dayday bə minti áŋ a kəm acukur də Pepeŋ, wə haraŋ bə tepe áŋa duuru də me də Kurmuyuŋ. Bədoona ta minti áŋ wəra gə tapə-tepe duuruŋ, wəra cəərə áŋa faɗi minti wə ɗe a de ku seere áŋ yaŋ wəra gud bə minti Kurmuyuŋ dədərgə caw gəm.

ROMEŊ 8:11

Ada pa, jəəne minti Tiirə Pep bə minti a haraŋ Yeesu wəra dədərgə adordə meŋaŋ də əsə-isi giidəŋaŋ, tó bə minti haraŋ Yeesu Kristu wəra dədərgəŋ aye dədərgəŋ yaŋ a kusrəŋ bə minti me wəraŋ. Bə ji kel teŋ haa Tiiru də minti də əsə-isi giidəŋaŋ.

ROMEŊ 8:24

Gud maa mo Pepeŋ seereŋ áŋ wəra, səma kəm haa dər ɗiki də áŋ bə malə-meleŋa. Jəəne minti karman bə minti áŋ məlaŋ ɗiki də áŋ cuuru meleŋ, áŋ bə əsu də dər áŋ, áŋ mante toŋ mele bə ɗiki pəda, gud bə minti hulum mele ɗiki du na mele cəərə karman bə minti wə bə əsu wəra də duruŋ pəda faɗi.

I KOREŊTƏŊ 13:13

Hebkəna ha'aŋ, kar soope té kayiŋ ji yaŋ saksaki: deŋ, ɗiki bə malə-mele bə cəərə Pepeŋ daana beleŋ. Səma guudiya keɗe, dəŋnəy haa beleŋ.

I KOREŊTƏŊ 15:20

Səma paapa bədoona ana ba, Kristu haraŋ wəra dədərgə adordə meŋa gəəzə-gəəzi. Gaŋ ku hare bə dədərgəŋ haa tó, bə ge dər wəra minti kaa kə mee-meŋ hare yaŋ wəra dədərgə adordə meŋa gəm.

II KOREŊTƏŊ 1:3

Tokɗeŋ jəə la kə Pep Bar Barkaŋ náŋ Yeesu Kristuŋ, Bar áŋ bə minti ji giidu pəsaŋ sar kaŋaŋ, Pep bə teŋe dər kaŋ ku kela keɗeŋ.

GALATIŊ 6:16

Bədoona ta, kaa gə minti əsəŋ ne cəərə kəmtəŋ də kela ta'i kənaŋ, yə haa kaa kə Pep gə gəəzə-gəəziŋ. Doŋ kir minti wə əyəy kəkaɓiŋ la, wə jəə giidu pəsaŋ la siri.

EFESIŊ 1:17

Ten bə mante kasi Pep kə Barkaŋ náŋ Yeesu Kristuŋa, Aba bə minti bobloŋ nuutuŋ, minti də Tiiru Cetcetaŋ nuutuŋ, wə ayaŋ né bə minti vəɗu wəra a nəənəŋ la daana bə minti gaŋ dərəŋ la wəra cuuru kaŋkaŋ.

EFESIŊ 1:3

Doŋ kir minti tokɗeŋ jəə la kə Pep Bar Barkaŋ náŋ Yeesu Kristuŋ. Wə jəŋ pisiŋ sar áŋa gud tepe náŋa də Kristu haa a kəkəy bə minti wə ayaŋ gidiirə kar pəsaŋ gə apəyaŋ gə minti a tiiruŋaŋ wəra a áŋ keɗe'iŋ.

EFESIŊ 1:7

Gud maa mo, gud kor də Kristu bə minti a gaŋ wəra tə bə moŋ, áŋ wəra gə bədə-bidi daana áŋ fəlaŋ vəəgi bə giidu ne wəra cəərə baymele náŋa. Bədoona ana ta, Pepeŋ gaŋ gud boblo bə pisi nuutuŋ wəra, daana wə juunu sar áŋa ablaw faɗi, haa a kəkəy bə minti wə ayaŋ

EFESIŊ 2:4

Səma Pepeŋ ha'aŋ, giidu wəra pəsaŋ ablaw hasi cəərə kaŋa. Bədoona ana, gud bele nuutu boblo bə minti wə bəlaŋ áŋ duuruŋ tə bə moŋ,

EFESIŊ 3:20

Tokɗeŋ jəə la a Pep bə minti, də səɓaki də minti bə ji joŋre giidə áŋaŋ, wə bə nakə-neke bə ji kar ablaw gə daŋə-deŋe cəərə kaayaŋ gə minti áŋ bə məntəya kəəsuŋ kumundu ba áŋ bə ɗikiyaŋ.

KOLOSIŊ 1:23

Səma aŋ kir isi saksaki dər deŋa, gud maa mo, gud karman bə malə-mele bə minti aŋ gə əsə-isi cuuruŋ, haa tó. Aŋ kir isi duru ŋəŋ kir minti karman a haŋ giidəŋ wəra sar *Kel pəsaŋ kəmarwaŋ gə minti aŋ a iskiniy wəraŋ ba. Yə haa kel gə minti aŋ məlaŋ ɗiki dəŋ ciiriŋ, daana yə wəra gə waatə-waate a kaa gə minti kəna adawra neŋneŋ keɗe. Ten Pol koloŋ hulum bə joŋre diŋ.

KOLOSIŊ 1:27

Gud maa mo, Pepeŋ a bəlaŋ gay diri cəərə pisi də hel nuutu də metə-meteŋa də fele bə guudəŋ ada keɗe, də minti wə a ɗampəna a gidiirə kaŋ keɗeŋ. Hel tá də metə-meteŋ haa minti Kristu gal giidəŋa. Məlaŋ ɗiki dəŋ wəra kaŋkaŋ minti aŋ ɗe a fele boblo kə Pepeŋ yaŋ haa tó.

1 TESALONIKIŊ 1:3

Bədoona ana, a tooseŋa tiinə Pep Bar áŋaŋ, are bə ɗiki cəərə joŋre bə minti aŋ bə jəwa gud de nəəti bə gud Yeesu Kristuŋ, cəərə bele nəəti bə minti ji joŋre, daana cəərə mele bə ɗiki bə minti aŋ məlnu wəra anə kaŋkaŋ bə mi Barkaŋ náŋ Yeesu Kristuŋ.

1 TESALONIKIŊ 4:13

Kəsaanə areŋ, are bele minti aŋ əskə kel də kaa kə mee-meŋ la wəra gəm kir minti aŋ a ji dər laawe damdi kaayaŋ gə minti məlaŋ ɗiki di baŋ ana ba.

II TESALONIKIŊ 2:16

Barkaŋ náŋ Yeesu Kristu də kusru daana Bar áŋ Pepeŋ bəlaŋ áŋ ablaw daana gud pisi bə minti yə jəw sar kaŋaŋ, yə ayaŋ teŋe bə dər daana ɗiki bə malə-mele pisi gə minti tewe baŋ a áŋ.

I TIMOTE 1:14

Bədoona ana, Barkaŋ náŋ jəŋ pisiŋ sarəna pisi jəə, wə aynan deŋ daana beleŋ gud tepe náŋa də Kristu Yeesu.

TITI 2:13

Áŋ əsə la bədoona ana bə mi hi pisi bə minti ɗiki də áŋ bə malə-mele cuuru hebkənaŋ, akaceŋa dər hi tó bə minti məyan kə Yeesu Kristu, Pep náŋ bobloŋ, Hulum bə seere áŋ, pəŋ dərə ne wəraŋ.

HEBEREŊ 3:6

Səma kə Kristuŋ ha'aŋ, wə jəŋ nuutuŋ a kuɗuŋa haa bə Kormə Pepeŋ ana bə minti gole cəərə kuli nuutuŋ. Áŋ jəəne gə əsə-isi ŋəŋ də karman bə minti áŋ əsnu wəra cəərə áŋa kaŋkaŋ, daana áŋ jəəne wəra holoŋ-holoŋ də karman bə minti áŋ gə malə-mele ɗiki də áŋ cuuruŋ, áŋ haa bə kuli nuutuŋ ana.

ZAKI 1:18

Gud giidu, wə jəŋ áŋ minti áŋ falə dədərgə la haa də kel gə gəəzi nuutuŋ. Wə jəŋ teŋ bədoona ana haa minti, kar gə minti tó jiiniy keɗe'i, áŋ kolə la kaa kə ajew aduubə də kar teŋa haa áŋ faɗi.

I PIYER 1:13

Gud teŋa ta, aŋ ɗampə ɗiki dəŋ la wəra kir minti aŋ jəə la wəra maŋ bə ji joŋre kə Pepeŋ. Aŋ əsə ɗiki dəŋ la soki, aŋ məlu la wəra keɗe cəərə pisi bə minti Pepeŋ ɗe a ayaŋ dəŋ dər hi bə minti Yeesu Kristu veɗe kusru yaŋ wəra a kaŋ.

I PIYER 1:21

Gud Kristu tə bə moŋ, aŋ doŋ gud Pep bə minti hərnu wəra dədərgə adordə meŋa daana bə minti əynu tokɗeŋ. Bədoona ana, de nəətiŋ daana ɗiki dəŋ wəra bə malə-mele cuuru.

I PIYER 1:23

Aŋ fəlaŋ dədərgə təmarwaŋ də səɓaki də Kel kə dədərgə kə Pepeŋ gə minti tewe wəra hõy baŋ. Aynaŋ dədərgə taŋ haa Pep bə minti koloŋ bəraŋ. Wə paapa damdi hulum kisirki bə minti me wəra hõy ana ba, wə saksaki dədərgə.

I PIYER 2:2

Aŋ jəə la bə bele kel cetceti kə Pepeŋa damdi beebe konce bə kasi nuru bele kaw də nuruŋ ana gəm, kir minti aŋ say la bə si hãã a ko bə minti Pepeŋ ɗe a de ku seereŋ wəra a nəənəŋ.

I PIYER 3:15

Səma, aŋ haa cəərə Kristu Barkaŋ nəətiŋ la apəya ku tarməyaŋa. Hulum mundu mundu mo laanaŋ kuŋ ne cəərə karman bə minti aŋ məlaŋ ɗiki dəŋ cuuruŋ, aŋ jəə la saksaki wəra gə ɗampə-ɗampe bə daw guudu a nuunu.

I PIYER 3:21

Kan té gə minti yə seereŋ diri daŋ, ge dər haa cəərə batema. Baade bə minti tam fəlu a ji bə batema ha'aŋ, toŋ paapa bə baadam zodi bə səram wəra ba. Wə haa bə ge dər minti hulum bə doo-deŋ haa ɗiki du wəra bay kel tiinə Pepeŋa, bə aye kusru a ɗe bə guuduŋa. Kel teŋ nəkaŋ bə ji wəra keɗe haa gud bə minti Yeesu Kristu haraŋ wəra dədərgə adordə meŋa.

I PIYER 3:5

Kəram gə dayday gə minti a bə ɗe gud Pepeŋa daana gə malə-mele ɗiki di cuuruŋ, a kəkəy bə tope ku kaŋkar neeteŋaŋ, a bə gante haa bədoona.

I ZAŊ 2:29

Aŋ wəra gə asə-ase minti Kristu, wə ɗeker. Gud teŋa ta, aŋ asə la wəra gəm minti, mindi mindi mo bə minti bə ji kel ɗekeriŋaŋ, wə haa kormə Pepeŋ.

I ZAŊ 3:3

Mindi mo bə minti məlaŋ ɗiki du ne cuuru bədoona anaŋ, wə ame kusru ku baymeleŋa saksaki minti tó jəə la *cetceti, damdi Kristu də kusru wəra cetcetiŋ ana.

I ZAŊ 3:9

Hulum bə minti jəəne kormə Pepeŋ, wə jəəti baymele pəda, gud bə minti dədərgə də ger Pepeŋ giidu. Wə neke bə jəəti baymeleŋ pəda gud bə minti Pepeŋ buru.

I ZAŊ 4:7

Aŋ kaa gə minti giidən bəlaŋ ablaw, áŋ balə kumsə áŋ la adəwaldə kumsə áŋa gud bə minti beleŋ bəŋ haa sar Pepeŋ da. Mindi mo keɗe bə minti ji beleŋ, wə haa kormə Pepeŋ daana Pepeŋ də duru gəm.

I ZAŊ 5:1

Mindi mo doŋ ne minti Yeesu haa *Hulum bə minti Pepeŋ ŋəmnuŋ, hulum toŋ haa kormə Pepeŋ. Mindi mo bə minti bele Bar áŋ Pepeŋ, wə bele kərmuyuŋ gəm.

I ZAŊ 5:18

Áŋ gə asə-ase minti, mindi mo bə minti koloŋ kormə Pepeŋ ɗe də ji bə baymeleŋ ajewa ba, gud bə minti Kormə Pepeŋ bə əmu cuuru, daana Nər Sərkəŋ fele ko bə jəw baymele bə pa.

I ZAŊ 5:4

gud bə minti kormə Pep mundu mundu mo keɗe də səɓaki bə pi bulum cəərə kar gə cəərə seŋkaŋa. Hel də minti áŋ pi bulum ciiri dəərəŋ haa de náŋ bə gud Yeesu Kristuŋ.