GALATIŊ 6:5 - JAA TƏMARWAŊ

⁵ Mindi mindi mo kir ji haa joŋre bə minti Pepeŋ əynu du tó də kusruŋ.

GALATIŊ 6:5 Iomraidhean Croise

MATIYE 16:27

Gud maa mo *Kormə Hulúm dər məyan kə Buruŋa bə tuuki yaŋ də *kaa kə digi nuutuŋ guudu. Kəya wə bə werke mindi mindi keɗe haa gud joŋre bə minti wə a juunuŋ.

I KOREŊTƏŊ 3:8

Hulum bə minti gaŋ dər karman adawraŋ, hulum bə minti kəənu kan, bə daŋə-deŋe kumsu paapa guudi ba. Pepeŋ bə ɗe a aye werkeŋ a mindi mindi mo guudi haa də aŋar də joŋre bə minti wə a juunuŋ.

I KOREŊTƏŊ 4:5

Gud teŋa ta, aŋ a jeme kəəti də hulum wəra ajew-ajew ba jamə ba, aŋ məə hare kə Barkaŋ la kəm. Bi a ke gud kar gə minti gə ŋoyə-ŋoye wəra dər tilməŋa daana bi a veɗe ɗiki bə ku tarmə kaŋ wəra haa tó. A ko toŋa, mindi mindi mo fele aŋke nuutu yaŋ kasi Pepeŋa də aŋar də joŋre bə minti wə a juunuŋ.

VEƊE 2:23

Ten bə awa karməyaŋ yaŋ wəra. Kəya kaa kə Tapiŋ keɗe ase yaŋ wəra minti ten haa hulum bə gole dər ɗikiŋ daana dər kel gə minti hulum bələy. Ten werke mindi mindi mo aduubə dəŋa də aŋar də joŋre bə minti wə a juunuŋ.

VEƊE 22:12

Yeesu minti: «Aŋ jeɓrə la pisi! Ten wəra maŋ bə bi. Ten bi haa də werke kə kaŋ kaasəna, ten werke mindi mindi mo haa də aŋar də joŋre bə minti wə a juunuŋ.