GALATIŊ 6:15 - JAA TƏMARWAŊ

¹⁵ Hulum jəə la nuutu wəra bə jamə-jeme tənturuŋ ɗaw, wə jəə laŋa bay jama ɗaw, teŋ keɗe kəm paapa kel ba. Kel kəmtəŋ haa minti aŋ koloŋ ne máŋ kaa kəmarwaŋ.

GALATIŊ 6:15 Iomraidhean Croise

ROMEŊ 2:26

Jəəne minti hulum bə tənturu də bay jemeŋ bə humi kosoŋa cəərə kel kə giidə ku giliŋaŋ, Pepeŋ gulu haa damdi hulum bə tənturu də jamə-jeme ana faɗi.

ROMEŊ 2:28

Gud maa mo ji hulum hulum bə Ziwifiŋ, haa paapa ɗe du bə kerkə koŋ kəna anəkayya təwaŋ ba. Tanta də jamə-jeme də gəəzə-gəəziŋ haa paapa tarwa də minti kaŋ asa sar hulumaŋ təwa bə gəm.

ROMEŊ 6:4

Bə minti yə jəŋ batem a áŋ, áŋ meŋ wəra haa duuru faɗi, yə vaŋ áŋ a tələŋkə wəra haa duuru gəm kir minti Pep Abaŋ harə áŋ la wəra dədərgə adordə meŋa damdi wə a haraŋ Kristu wəra dədərgə də səɓaki nuutu də daŋə-deŋeŋ ana gəm. Wə haraŋ áŋ wəra dədərgə haa minti ɗe də áŋ jəə la kimirwi.

ROMEŊ 8:1

Bədoona ana, bə hebkənaŋ, kəəti kə Pepeŋ de kaa gə minti wəra gə tapə-tepe də Yeesu Kristuŋ pəda anə ceki.

I KOREŊTƏŊ 7:19

Tanta də jamə-jemeŋ daana nayta də bay jemeŋ haa paapa kel kəmtəŋ ba. Kəmtəŋ də kel haa humi bə kosoŋ cəərə kel gə minti Pepeŋ wəətəy.

II KOREŊTƏŊ 5:17

Bədoona ta, hulum bə minti wəra bə tapə-tepe də Kristuŋ, wə máŋ hulum kimirwi. Kəya kar gə dayday gə minti wə a bə ɗe guudiŋ pa pəda, wə bə ɗe máŋ haa gud kaayaŋ kəmarwaŋa.

GALATIŊ 5:6

Bədoona taŋ, kə áŋ kaayaŋ gə minti wəra gə tapə-tepe də Yeesu Kristuŋ, tantar áŋ jəəne nuutu wəra də camə-ceme, ɗalba a bay ceme, kel paapa ada ba. Kel kəmtəŋ haa minti áŋ jəə la gə doo-de guudu, kəya áŋ neke yaŋ bə bele kaa kaayaŋa.

EFESIŊ 2:10

Gud maa mo, hel də minti Pepeŋ jəənə gilaŋ keɗeŋ, cəərə awaŋ haa áŋ: gud tepe náŋa də Yeesu Kristu, wə jəŋ áŋ kir minti áŋ jəə la haa joŋre pisi bə minti wə a ɗəmpunu warda hãã ajew da minti áŋ daw ku la wəraŋ.

EFESIŊ 2:15

daana wə arsaŋ *ku gili kə *Moyisiŋ wəra də təbay duŋ daana kel du gə minti a wəra də gədəəgi di bəy-bəy. Wə jəŋ teŋ bədoona haa minti kaanə Ziwifiŋ, də kaa gə minti paapa gə Ziwifiŋ baŋ, tapə la wəra məna'i giidə kusul kimirwi bə minti təpnəy wəra duuruŋ daana bə əyəy kəkaɓiŋ aduubə diŋ.

EFESIŊ 4:24

Aŋ darə tiirəŋ təmarwaŋ la cəərəŋa, tiirəŋ tá də minti Pepeŋ a jəənə bə tó ana'iŋ, kir minti ɗe dəŋ tapə la də kel kə gəəzə-gəəziŋ. Kel teŋ haa minti ɗe dəŋ jəə la wəra ɗeker daana *cetceti.

FILIPIŊ 3:3

Kaa gə camə-ceme tantaŋ gəəziŋ haa áŋ, gud bə minti áŋ ke awalnaŋ a Pepeŋ haa də Tiiru faɗi daana cəərə áŋ gə haa-he apəya haa gud tepe náŋa də Yeesu Kristuŋ. Áŋ paapa gə malə-mele ɗiki də áŋ cəərə to'osi kə kaa kəsarkaŋa bə gəm.

VEƊE 21:5

Kəya hulum bə cəərə jaaŋaŋ əsəŋ bə waate minti: «Aŋ golə la, ten haraŋ bə ji kara wəra kəmarwaŋ keɗe.» Wə waatənan minti: «Jeerə kel teŋ la gud maa mo kel katən haa kel kə gəəzi, yə haa kel ɓeti.»