GALATIŊ 6:12 - JAA TƏMARWAŊ

¹² Kaa gə minti bə jəŋ doole dəŋa minti aŋ *camə tantəraŋ la wəra me'iŋ, haa kaa té gə minti golde aŋke kə kaŋ. Yə ji bədoona haa minti té a se gəəli ba. Yə sə a jəə la kəna bə waate kela wəra a kaŋ cəərə me də Kristu a kəbaŋ gə largaŋaŋ, kaŋ sə a ləsəy gəm.

GALATIŊ 6:12 Iomraidhean Croise

MATIYE 23:27

Gəəliŋ nəəti aŋ kaanə Farisiyeŋ də kaa kə hate ku gili kə Pep gə minti waate kel nəətiŋ də kuŋ təwaŋ! Gud maa mo aŋ haa damdi teɗker də satə-sate wəra bərwaŋ ana, də minti gole máŋ wəra pasa baanə baŋ, səma giidə də ɗosə-ɗose də kəskəŋ də kaa gə mee-meŋ daana də kar kə cimə-cimiŋ.

MATIYE 23:28

Aŋ haa bədoona ana gəm. Kerkəŋa anəkay ha'aŋ, aŋ gole dər kaŋa wəra kaa ɗekeri, ana doloy ha'aŋ, ku tarməyaŋ wəra bə ɗosə-ɗose haa də kel gə minti aŋ wəətəy də kuŋ təwa daana də baymeleŋ.

MATIYE 23:5

Kar gə minti yə jəy keɗe ha'aŋ, yə bele veɗe kusri wəra minti kaŋ asə té la. Kəya yə gaɓtaŋ kopi kəmtəŋ siri, ku dəməəmə neeteŋ də tanə-tene kempeleŋ anə bəjər-bəjərəŋa.

MATIYE 5:10

Waaleŋ kə kaa gə minti bə se lasiŋa gud ɗe neete ɗeker bə gud Pepeŋaŋ, gud bə minti Kumna kə Pepeŋ haa neete.

MATIYE 6:16

«Bə minti aŋ jəəne bə *je də kuŋ, aŋ a kole kusrəŋ wəra laawe damdi kaa gə minti waate kel neeteŋ də kuy təwa'iŋ ana ba. Kaa teŋ kole kusri wəra laawe kirka minti kaŋ asə la wəra keɗe minti té bə je də ku té. Gəəzi, ten waataŋ, yə fəlaŋ werke neeteŋ ne wəra.

MATIYE 6:2

Bədoona ana, tam ɗəlaŋ ne aye karman a hulum bə caacaŋ, a naakte kum cuuru minti kaŋ asam la ba. Jəəti bədoona haa kaa gə minti waate kel neeteŋ də kuy təwa giidə *kuli bə toose kə kaanə Ziwifiŋa daana agəjaŋ də kəkəya minti kaŋ aŋkə té la, səma ku tərməyi paapa ada baŋ. Gəəzi, ten waataŋ, kaa teŋ ha'aŋ, yə fəlaŋ werke neeteŋ ne wəra.

MATIYE 6:5

«Bə minti aŋ ɗəlaŋ ne tooseŋ, aŋ a ji kusrəŋ akas kaa gə minti waate kel neeteŋ də kuy anəkay təwaŋ ba. Yə bele toose neeteŋ haa sə kampa gil-gil giidə *kuli bə toose kə kaanə Ziwifiŋa, daana agəjaŋ də kəkəya minti kaŋ astə té la. Gəəzi, ten waataŋ, yə fəlaŋ werke neeteŋ ne wəra.

LIKI 16:15

Yeesu wəətənəy minti: «Aŋ, aŋ haa kaa gə minti ji kusrəŋ ɗeker dər kaŋaŋ, səma Pepeŋ asaŋ ku tarməyaŋ. Kel gə minti dər kaŋa pəsaŋ baanə baŋ, yə dər Pepeŋa bayməlaŋ.»

LIKI 20:47

Kaa teŋ tope kar kə kəram gə bay, səma yə əsəŋ ne bə tooseŋ, yə toose anə taa-taa-taa minti té kaa pəsaŋ ŋaanaanə mo. Pepeŋ bə ɗe a jəy daŋgay di yaŋ ablaw dəŋaŋ kə kaa kaayaŋ gud kel teŋa kəya.» – 20 21

Kel pəsaŋ kəmarwaŋ gə minti Zaŋ jiiriniy 7:18

Hulum bə minti waate dər kel nuutuŋ, wə golde haa minti kaŋ aŋkə tó la. Hulum bə minti toŋ bele nuutu minti tokɗeŋ jəə la kə hulum bə minti gaŋ tó daŋ, wə waate haa gəəziŋ faɗi, ŋete bə kel paapa ku ba.

JOŊRE 15:1

Kəya sərdə kaa kəman tuluŋ wəra Antiyosi ada gəm, yə a pətəŋ giidə seŋka də Zudeŋ da. Yə əsəŋ bə hate kaa kə doo-deŋa bə wəətiya minti: «Jəəne minti aŋ ceme tantəraŋ damdi *ku gili kə *Moyisiŋ a waataŋ bədoona ana baŋ, aŋ neke bə fele seereŋ ba.»

JOŊRE 15:5

Səma sərdə kaa kə doo-de kəman gə minti a jəŋ gud kaanə *Farisiyeŋ daŋ pətəŋ bə waate minti: «Kaa kə doo-de gə minti teŋ paapa gə Ziwifi baŋ *camə təntəri la wəra doole, yə ɗee la haa a ku gili kə Moyisiŋa gəm.»

II KOREŊTƏŊ 10:12

Sərdə kaa teŋ gole kusri haa minti té karman. Are paapa gə nakə-neke bə gede ŋeɓe kusrə are diiri bə ɗaw, are dəyaŋ bə ŋere kusrə are diiri bə gəm. Yə gole kusri té toki, yə isi bə waate faɗi minti: «Hulum waataŋ ne minti tó jəə la hulum bobloŋ, wə jəə la damdi are bə ji ha'aŋ ana.» Kəya yə isi bə ŋaɓte kusri haa də kel teŋ faɗi. Toŋ haa bəwiŋ ta!

II KOREŊTƏŊ 11:13

Kaa teŋ ha'aŋ, yə paapa *kaa kə vaa-ve gə gəəzə-gəəzi ba. Yə ji tiniini də kaŋ də joŋre neeteŋ, yə ji kusri bə kaa kə vaa-ve kə Kristuŋ ana faɗi.

GALATIŊ 2:14

Bə minti ten ɗeŋ a ase kay minti yə paapa bə ɗe ɗeker a kəkəy bə gəəzi bə *Kel pəsaŋ kəmarwaŋ kə Pepeŋa baŋ, ten waataŋ Piyer wəra anə pəɗaki tiinə kaŋa faɗi minti: «Tam də kusrum, tam hulum bə Ziwifi, səma tam paapa bə ji kusruma bə hulum bə Ziwifi ana pəda tə kəm, tam bə he gud kaa gə minti teŋ paapa gə Ziwifi baŋ bə ji kusri bə kaanə Ziwifiŋ ana bə maa mo?»

GALATIŊ 2:3

Titi, hulum bə guudən, a nuutu hulum bə Gereki ŋaanaanə moŋ, hulum həənu guudu bə *jeme tənturu wəra anə me'i minti wə kolə la hulum bə Ziwifi ba.

GALATIŊ 5:11

Kəsaananti, katən ha'aŋ, kaŋ bə ɗiki haa minti ten bə waate minti kaŋ kir ceme təntəri wəra bə kole kusri ɗeker dər Pepeŋa. Sə a jəə la kəna bədoonaŋ, kaanə Ziwifiŋ sə a ləsan ba. Kel gə minti Pepeŋ kole kaŋ wəra diiri ɗeker gud me kə Yeesuŋa wəra a kəbaŋ gə largaŋa, yə sə a gay warna bə gəm.

GALATIŊ 6:13

Kaa té gə minti wəra gə camə-ceme təntəriŋ, paapa bə ɗe gud ku gili kə Moyisiŋa kəm ba anə gadi ɗaw. Yə bele minti aŋ camə tantəraŋ la wəra me'i haa minti té hage sam kusrə té dəərəŋ.

FILIPIŊ 1:15

Sirdi yaŋ aduubə di gəəziŋ, teŋ waate sam Kristu wəra ha'aŋ, gud bə minti giidi bə hətəya cəərəna də ɗikiŋ minti té gan la wəra adordə té. Səma sirdi kaayaŋ, teŋ waate sam Kristu wəra haa də ɗiki pisiŋ.

FILIPIŊ 2:4

Doŋ kir minti mindi mindi mo adəwaldəŋa a golde agal pəsaŋ a kusru təwa ba, wə goldə agal kə kaa kaayaŋ la gəm.

FILIPIŊ 3:18

Ten a waatətənaŋ ne nuutu wəra kampa ablaw, hebkəna ten bə dogoŋ dəŋa máŋ haa bə hage də kan kə dərən, gud maa mo ɗe də kaa kə ablaw wəra bə ge dəra minti yə acukur də kel gə minti Kristu jiiniy a kəbaŋ gə largaŋaŋ.

KOLOSIŊ 2:23

Gəəzi ha'aŋ, gom də kel teŋ gole dər kaŋa damdi hel mooto ada ana, gud bə minti ke bə awalna a kar kə kaa teŋ wəra bə vaa-ve ciiri kəwal-kəwal, yə ji kusri damdi té bə hare cəərə kusrə té adawra ana daana yə ke kusri daŋgay gəm. Səma kel té gə minti yə jəy gila keɗeŋ, yə paapa gə nakə-neke bə əməy ku kel gə minti kusri bə hatə-hate də baymeleŋ bələy ba.