GALATIŊ 6:10 - JAA TƏMARWAŊ

¹⁰ Gud teŋa kəya ta, bə minti dər áŋ kəm də falə-feleŋ, áŋ jəə pisi la wəra sar kaŋa keɗe. Áŋ jəw la daŋgeŋ haa sar kəsaanə áŋ gə doo-de gə gud Yeesuŋa faɗi.

GALATIŊ 6:10 Iomraidhean Croise

MATIYE 10:25

Yə mante kasi hulum bə hateŋa minti wə kole la wəra gəga'i də hulum bə hətuŋ təwa, daana minti hulum bə joŋreŋ kolə la wəra gəga'i də burduŋ gəm. Kaŋ waataŋ cəərə bərdə kuliŋa minti wə kəna *Belzebul tə bə moŋ, kəkəy bə ji ciiri máŋ pisi jəə minti yə waatə la bədoona cəərə kaa gə girduŋa gəm.»

MATIYE 12:50

Gud maa mo, mindi mindi mo bə minti ji karman bə minti giidə Barən Pep bə minti apəy daŋ bəluŋ, hulum toŋ haa seenən, nawrən, nərən faɗi gəm.»

MATIYE 25:40

Kəya kumnaŋ wəətəy yaŋ minti: ‹Gəəzi ten waataŋ, saksaki də bə minti aŋ jəŋ kumsə kel teŋ ne kəya sar kəsaanaŋ té gə kerpə-kerpeŋa lakaŋ, aŋ jəŋ kel teŋ haa sarəna faɗi.›

MATIYE 5:43

«Aŋ a əskəŋ wəra pa minti: ‹Balə kumsum la›, hulum bə acukur nəmtiŋ, bəyu la wəra.

MARKƏ 3:4

Yeesu laŋ ku kaŋ minti: «Dər hi bə faakeŋaŋ, kəkəy bə ayə-aye haa minti tam jəə hulum la pisi mo, ɗalba jəw la baymele mo? Tam siiru dədərgə du la wəra mo, awə la wəra mo?» Kəya hulum bəŋəŋ ku wəra anə ɓehi ba.

LIKI 6:35

Ana ɗaw, aŋ balə kaa gə acukur nəətiŋ la. Aŋ jəə pisiŋ la siri daana aŋ cəməy bal la bay ɗiki minti yə bə werkeŋ dəŋ yaŋ wəra. Bədoona, aŋ fele werke boblo yaŋ, aŋ ji yaŋ karmə Pep bə Daŋə-Deŋeŋ. Gud bə minti wə ji pisiŋ a kaa gə minti jəw suuse baŋ daana a kaa kə sərkəŋ.

Kel pəsaŋ kəmarwaŋ gə minti Zaŋ jiiriniy 12:35

Wə minti: «Pəɗakiŋ kəm adəwaldəŋa, a bə isi haa anə sawəwa bagŋ. Aŋ raawə la bə ɗe də ko bə minti Pəɗakiŋ kəm adəwaldəŋaŋ kir minti tilməŋ a ge cəərəŋa ba. Gud maa mo hulum bə minti ɗe dər tilməŋaŋ, ko bə minti wə ɗe adaŋ paapa də duru ba.

Kel pəsaŋ kəmarwaŋ gə minti Zaŋ jiiriniy 9:4

Bə minti koŋ kəm daaway, áŋ kir ji haa joŋre kə hulum bə minti a gaanan daŋ. Ko bə duugŋ wəra maŋ, a ko toŋa hulum neke bə ji joŋre pəda.

JOŊRE 6:7

Daŋgeŋ ha'aŋ, kel kə Pepeŋ wəra bə duusi pisi duusa. Aŋke də kaa kə doo-deŋ əsəŋ bə zuli pisi zulə Zeruzalema. *Kaa kə keere Pepeŋ ablaw əsəŋ bə humi kosoŋa cəərə de bə gud Yeesuŋa.

II KOREŊTƏŊ 2:8

Bədoona ana ta, ten jəənəŋ kamkam minti aŋ gaa gud bele nəətiŋ la wəra suru.

GALATIŊ 1:23

Yə əskəŋ haa kel gə minti kaŋ bə wəətiya cəərəna minti ba: «Aŋ asaŋ ne, hulum bə minti a dayday bə lese áŋaŋ, bə minti a jəŋ anə keɗe-keɗe bə awe Kel pəsaŋ kəmarwaŋ wəraŋ, máŋ hebkəna bə wəətiya a kaŋ haa tó ɗaw.»

EFESIŊ 2:19

Gud teŋa ta, aŋ paapa kə irku kumundu ba kaa kə aŋay pəda, aŋ máŋ doloy gəga də kaa kə doo-deŋ, aŋ máŋ gə ger kaa kə Pepeŋ gəm.

EFESIŊ 3:15

Kaŋ gə camə-ceme gud kəmni ta'-ta'i apəy na daana adawra kəna, yə haŋ kel teŋ haa kəəsu; mindi mindi mo də buru.

EFESIŊ 4:28

Hulum bə minti a jəŋ ne bə jəəti dəgaayaŋaŋ, wə yaakə la wəra. Wə jəə la máŋ ɗaw haa joŋre ɗeketiŋ kir minti wə falə karman la bə keye kaa kə caacaŋ də kəəsu.

EFESIŊ 5:16

Dərəŋ fəlaŋ ne nuutu a ko anə weseka bə zuuri kel, aŋ jəy la faɗi, gud maa mo ko bə minti áŋ hebkəna duruŋ, baymeleŋ kəlaŋ ada ablaw.

FILIPIŊ 4:10

Ten ji suuse a Barkaŋ daana ten də waale ablaw gəm, gud bə minti bele nəətiŋ haraŋ bə pi duru wəra dayna sarənaŋ. Ten waataŋ paapa minti cəərəŋ a gaanan wəra haa ge ba, səma aŋ fəlaŋ dərəŋ ba haa fele bagŋ.

KOLOSIŊ 4:5

Aŋ jəə la də hel sar kaa gə minti kəm paapa gə doo-de gud Kristu baŋ. Də ko bə minti dərəŋ fəlaŋ neŋ keɗe, aŋ gay diri la wəra cəərə kusrəŋa minti aŋ haa kaa kə doo-deŋ.

1 TESALONIKIŊ 5:15

Aŋ amə kusrəŋ la pisi, kir minti mindi mo guudəŋa a werke baymeleŋ də kumsu baymeleŋ ba, səma aŋ goldə la haa saksaki ji bə pisiŋ aduubə də kumsəŋa daana sar kaŋa keɗeŋ gəm.

1 TESALONIKIŊ 5:21

Səma aŋ golə dər kar la keɗe, aŋ doo pəsaŋ di la.

TITI 2:14

Tó də kusru wə ayaŋ kusru wəra bə miɗi áŋ wəra ku kel kə bayməlaŋa, bə kole áŋ wəra dər kaa nuutu gə minti wə pooroŋ wəra ciiri, daana gə minti məlaŋ ɗiki di wəra keɗe bə ji haa joŋre pisiŋ.

TITI 3:8

Teŋ haa kəya kel kə gəəzə-gəəzi daana ten bele minti tam dugtuy la də səɓaki, kir minti kaa gə minti doŋ gud Pepeŋaŋ ayə kusri la bə ji haa joŋre pisiŋ. Haa kəya kel pəsaŋ gə minti keye kaŋ.

HEBEREŊ 13:16

Aŋ jəə la wəra anə kaŋkaŋ bə ji pisiŋa daana bə keye kumsəŋa aduubə də kumsəŋa. Haa kəya gom də keere bə minti bə doo-de dər Pepeŋ faɗi.

HEBEREŊ 3:6

Səma kə Kristuŋ ha'aŋ, wə jəŋ nuutuŋ a kuɗuŋa haa bə Kormə Pepeŋ ana bə minti gole cəərə kuli nuutuŋ. Áŋ jəəne gə əsə-isi ŋəŋ də karman bə minti áŋ əsnu wəra cəərə áŋa kaŋkaŋ, daana áŋ jəəne wəra holoŋ-holoŋ də karman bə minti áŋ gə malə-mele ɗiki də áŋ cuuruŋ, áŋ haa bə kuli nuutuŋ ana.

HEBEREŊ 6:10

Gud maa mo Pepeŋ paapa gula ba. Cuuru paapa bə gaa-ge joŋre nəəti bə minti aŋ bə jəw duŋ daana minti aŋ bə bəluŋ ba. Wə bə asə-ase haa cəərə keye bə minti aŋ a kaytaŋ kaa nuutuŋ daana aŋ kəm bə kəyəya hebkəna paŋ.

I PIYER 2:5

Aŋ jəə la haa damdi pərki bə dədərgəŋ ana gəm, kir minti Pepeŋ hərsə kuli nuutuŋ la dəərəŋ. Haa kuli bə minti Tiiru Cetcetaŋ isi adaŋ. Giidə kuli toŋa, bə jəəti keere bə minti Tiiru Cetcetaŋ waataŋ səmu, bə minti de dər Pepeŋ gud Yeesu Kristuŋ, haa aŋ.

I PIYER 4:17

Koŋ wəra maŋ bə minti Pepeŋ ɗele jeme kəəti də kaŋ, wə məlu guudu acekjew haa cəərə kaa kə doo-deŋa faɗi. Jəəne minti wə jeme ajew haa kəəti də kaa nuutuŋ ɗaw, gəəli ablaw cəərə kaa gə minti doŋ gud *Kel pəsaŋ kəmarwaŋ nuutuŋa baŋ!

I ZAŊ 5:1

Mindi mo doŋ ne minti Yeesu haa *Hulum bə minti Pepeŋ ŋəmnuŋ, hulum toŋ haa kormə Pepeŋ. Mindi mo bə minti bele Bar áŋ Pepeŋ, wə bele kərmuyuŋ gəm.

III ZAŊ 1:10

Gud teŋa ta, bə minti ten tuukuŋ ne səraŋ naŋ, ten kaŋ gud kel kə bayməlaŋ gə minti wə bə jiitiyaŋ wəra keɗe. Wə waate kel kə bayməlaŋ cəərə are, də teŋ keɗeŋ kel teŋ nəknu ba, wə bele de irku də kaa kə doo-deŋ girdu ba, daana kaa gə minti də taynə doy irku diŋ, wə hay kuy wəra daana wə sərməy wəra ada sarəma adəwaldə kaa kə Tapiŋa.

III ZAŊ 1:11

Tam bə minti giidən bəlam ablaw, a he bəlam də baymeleŋ ba, səma haa la haa bəlam də pisiŋ. Hulum bə minti ji pisiŋ, wə kə Pepeŋ. Hulum bə minti ji baymeleŋ asaŋ Pepeŋ ba.

III ZAŊ 1:3

Ten jəŋ də waale ku tarməna ablaw gud bə minti kəsaanə áŋ bəŋ kənaŋ, yə waataŋ sam ɗe nəmti bə gud kel kə gəəziŋ, minti tam bə ɗe guudi də ku tarməyam keɗe.