GALATIŊ 5:4 - JAA TƏMARWAŊ

⁴ Aŋ kaa gə minti bə ɗiki minti aŋ kole yaŋ ɗeker dər Pepeŋa gud de bə ku giliŋ kə Moyisiŋa wəra a kuɗuŋa, aŋ teŋ jəmaŋ adəwaldəŋ wəra də Kristu haa jeme faɗi daana aŋ neke bə fele pisi kə Pepeŋ bə minti wə jəw cəərəŋa pəda gəm.

GALATIŊ 5:4 Iomraidhean Croise

ROMEŊ 11:6

Wə ŋəmnəy haa gud pisi nuutuŋa səm moŋ, ŋeme toŋ ji paapa gud joŋre bə minti yə a juunuŋ ba. A jəə la ana baŋ, yə mante pisi nuutu toŋ minti pisi bə ji sar kaa pəda.

ROMEŊ 3:20

Haa gud teŋa ta minti, jəəne nuutu minti hulum kəman a ɗee la gud ku giliŋa keɗeŋ, Pepeŋ kole hulum anə məna duru ɗeker cəərə teŋ ba. Gud maa mo ku giliŋ keye hulum haa bə ase minti wə jəŋ baymeleŋ təwa faɗi.

GALATIŊ 2:21

Ten ge pisi kə Pepeŋ warna bə hasi. Gud maa mo, a jəə la kəna minti Pepeŋ kole hulum ɗeker duru haa gud ku giliŋaŋ, Kristu meŋ máŋ wəra haa boobo.

GALATIŊ 5:2

Aŋ jeɓrə la wəra pisi. Waataŋ kel haa ten Pol minti: jəəne minti aŋ yaakaŋ kusrəŋ ne minti yə *cəmaŋ tantəraŋ la kəm me'i paŋ, kel teŋ ge dər haa minti joŋre bə minti Kristu juunu wəra cəərəŋaŋ nəkaŋ karman ba.

HEBEREŊ 12:15

Aŋ amə kusrəŋ la pisi kir minti hulum guudəŋa anə məna a kole kirku a pisi kə Pepeŋ ba. Wə a kole damdi kəbaŋ gəlag-gəlagi ana ba, gə minti ɓalke aduubə də kaŋ wəra daana gə minti bə jogte kaa ablaw gəm.

HEBEREŊ 4:1

Pepeŋ waataŋ wəra minti ko bə faake kə tó yaŋ, kaŋ ɗee la a isi ada. Ko bə faake toŋ, səmu kəm dayna bə waatə-waate haa a áŋ gəm. Gud teŋa ta, áŋ amə kusrə áŋ la pisi kir minti hulum guudəŋa anə məna a he kel kə bay kele a ko bə faake toŋ naŋ cuuru ba.

VEƊE 2:5

Aŋ ləŋaŋ haa a ko muntu moŋ, aŋ harə la bə ɗiki cuuru. Aŋ kolə kerkeŋ la a baymele nəətiŋ. Joŋre bə minti aŋ a jəŋ bə jəwa ajew, aŋ harə la bə jəwa. Aŋ doŋ haa ne bə kole kerkeŋ a baymele nəətiŋ baŋ, ten bi yaŋ a he lampa nəətiŋ wəra a ko bə minti a də malə-mele adaŋ.