GALATIŊ 5:22 - JAA TƏMARWAŊ

²² Səma kar gə minti Tiiru Cetcetaŋ jəy giidə hulumaŋ, yə haa kəna: kaŋ kole wəra bə bele kumsi, yə wəra də waale, yə isi kəkaɓiŋ aduubə di, yə ase mi bə kusri bə ku kel, yə ɗiki də kumsi pisi, yə ji pisi sar kumsi, yə kaa gə minti yə ɗeketi,

GALATIŊ 5:22 Iomraidhean Croise

MATIYE 12:33

«Kəbaŋ jəəne pəsaŋ, we diŋ ji haa pəsaŋ gəm. Kəbaŋ jəəne bayməlaŋ, we diŋ ji haa bayməlaŋ gəm. Aŋ ase kəbaŋ haa gud we diŋa.

LIKI 13:9

Ɗalba yə we yaŋ máŋ waŋka ɗawmay mo? Jəəne paapa paŋ, tam ŋey yaŋ máŋ wəra ta.›»

Kel pəsaŋ kəmarwaŋ gə minti Zaŋ jiiriniy 15:16

Aŋ ŋamnan paapa aŋ ba, ŋamnaŋ haa ten. Ten vaanaŋ minti aŋ jəə joŋre la də səɓaki, joŋre tó suu la haa ajew na saksakiŋ. Kəya ha'aŋ, kar gə minti aŋ məntəy kasi Abaŋa də səman, wə ayaŋ dəŋ yaŋ.

Kel pəsaŋ kəmarwaŋ gə minti Zaŋ jiiriniy 15:2

Kaasən gə sarən gə minti paapa bə we baŋ, wə ŋitiy wəra. Gə weŋ, wə po'e teŋ wəra məna-məna keɗe kir minti yə kolə la wəra *cetceti daana yə harə la bə we ablaw pisi waa.

Kel pəsaŋ kəmarwaŋ gə minti Zaŋ jiiriniy 15:5

Ten haa kəbaŋ gə atələələma, aŋ haa kaasa gəm. Hulum bə minti bə gargə-garge sarəna daana ten bə gargə-garge suru gəm, wə bə ji kar pəsaŋ ablaw gud maa mo bay ten, aŋ neke bə ji karman ba anə hasi.

ROMEŊ 14:17

Gud maa mo *Kumna kə Pepeŋ waate paapa cəərə aye bə kəkəy bə kar kə hameŋ daana gə seŋa ba. Kəmtəŋ də kel haa minti áŋ jəə la gə kolə-kole dər Pepeŋa ɗeker, áŋ jəə la kəkaɓi daana dər waaleŋa. Aye kar teŋ a áŋ haa Tiiru Cetcetaŋ.

ROMEŊ 15:14

Kəsaananti, ten toŋ wəra bə asə-ase cəərəna kaŋkaŋ minti aŋ haa kaa kə ji pisi ablaw faɗi daana minti ase bə kar keɗe bə minti aŋ kir əsuŋ, aŋ gə asə-ase duuru. Aŋ gə nakə-neke bə keye kumsəŋ də kel kə waate gəm.

ROMEŊ 15:3

Gud maa mo Kristu goldoŋ haa paapa karman bə de dər kusruŋ təwa ba. Səma kel jəŋ suru damdi wəra bə jeerə-jeere giidə Kefter kə Pepeŋa ana minti: «Sarte bə minti kaŋ a sartənam duuruŋ, bəŋ a awte haa cəərəna.»

ROMEŊ 15:30

Kəsaananti, gud Barkaŋ náŋa Yeesu Kristu daana bele bə minti Tiiru Cetcetaŋ əyu a áŋ, ten bə jəŋ kamkama minti aŋ tapə la dəərən a duuriŋa dər toose bə minti aŋ bə tuusu a Pepeŋ guudənaŋ.

ROMEŊ 6:22

Səma aŋ wəra hebkəna gə bədə-bidi ku baymeleŋa, aŋ máŋ gə kolə-kole kafkam kə Pepeŋ. Karman bə minti aŋ fəlu adaŋ haa minti ɗe dəŋ kole wəra cetceti daana wə ɗe a awe cuuru dəərəŋ a dədərgə də bay teweŋa.

ROMEŊ 7:4

Kəsaananti, kel dəərəŋ haa bədoona ana gəm. Gud tapi nəətiŋa də Kristuŋ, aŋ meŋ wəra duuru bə minti wə meŋ wəra a kəbaŋ gə largaŋaŋ, kəya me dəŋ ɓarsənaŋ wəra də ku giliŋ. Aŋ máŋ kə hulum baalaŋ, hulum tó bə minti haraŋ wəra dədərgə adordə meŋaŋ, kir minti aŋ jəə la haa kar gə keye agal kə Pepeŋa.

ROMEŊ 8:5

Gud maa mo kaa gə minti ciiri abay haa kusri bə hatə-hate də baymeleŋ, humi kosoŋ haa cəərə karman bə minti a kusukiŋaŋ gəm. Səma kaayaŋ gə minti Tiirə Pepeŋ ciiri abay, humi kosoŋ haa cəərə karman bə minti a tiiruŋaŋ gəm.

I KOREŊTƏŊ 13:13

Hebkəna ha'aŋ, kar soope té kayiŋ ji yaŋ saksaki: deŋ, ɗiki bə malə-mele bə cəərə Pepeŋ daana beleŋ. Səma guudiya keɗe, dəŋnəy haa beleŋ.

GALATIŊ 5:13

Nəətiŋ ha'aŋ kəsaananti, Pepeŋ mantənaŋ warda haa minti aŋ a ji kafkam kə ku giliŋ pəda. Səma, aŋ a ɗiki minti aŋ paapa kafkam pəda, haa bə ɗe a ji kar anə hayam-hayam damdi kusrə áŋ bə hatə-hate də baymeleŋ bele ana'iŋ, aŋ a ɗiki bədoona ba. Daŋgeŋ ana ɗaw ha'aŋ, aŋ balə kumsəŋ la adəwaldə kumsəŋa daana aŋ kayə kumsəŋ la.

EFESIŊ 4:23

Aŋ doŋ kir yaake kusrəŋ bə kole kimirwi a kəkəy bə minti aŋ kole bə ame ɗiki dəŋa.

EFESIŊ 5:9

Gud maa mo, karman bə minti hulum fəlu gud ɗe bə dər pəɗakiŋa ha'aŋ, haa bə minti wə kole wəra hulum pisi, ɗekeri, daana bə gəəzə-gəəzi.

FILIPIŊ 1:11

Kəya ɗe dəŋ ji yaŋ saksaki ɗeker gud səɓaki kə Yeesu Kristuŋa, kir minti kaŋ haa cəərə Pepeŋ la apəya, yə tukɗu la gud teŋa gəm.

KOLOSIŊ 1:10

Bədoona ta, aŋ ji yaŋ wəra gə nakə-neke a ɗe dəŋa damdi kə Barkaŋ ana, bə daw duru wəra cəərə kara keɗe gəm. Gud maa mo, ɗe dəŋ ɗe a awe cuuru haa cəərə gidiirə pisiŋa keɗe, aŋ zeede yaŋ pisi zeeda bə ase Pepeŋa wəra gəm.

II TESALONIKIŊ 3:2

daana minti are seerə la wəra ku kaa kə sərkəŋa daana kə bayməlaŋ, gud bə minti kaŋ keɗe paapa gə doo-de ba.

I TIMOTE 3:11

Bədoona gəm, kəram jəə la kəram gə minti kaŋ humi kosoŋ ciiri. Yə a ji kəram gə juti kel ba. Yə jəə la kəram gə minti ame kusri daana wəra ɗeketi a kela keɗe.

I TIMOTE 4:12

A yaake hulum kəman bə ləsam anul dəma ba. Tam jəə la haa ɗaw hulum bə minti kaa kə Pepeŋ gole kel pəsaŋ kaasəma. Yə golə la sə kel kə waate nəmtiŋa, sə ɗe nəmtiŋa, sə bele nəmtiŋa, sə de nəmti bə gud Pepeŋa, də hel də minti tam ame kusrum *cetceti dəərəŋ.

I PIYER 1:22

Aŋ humuŋ kosoŋ cəərə gəəzi kə Pepeŋa, kəya baymele nəətiŋ fəlaŋ vəəgə bə giidu ne gəm. Aŋ koloŋ gə nakə-neke bə bele kumsəŋ gəəzə-gəəzi. Bədoona ta, aŋ balə kumsu la adəwaldə kumsəŋa saksaki wəra də ku tarməyaŋ soki məna.

I PIYER 1:8

Aŋ asaŋ Yeesu Kristu kəm hõy də dərəŋ ba, də teŋ keɗe aŋ bə bəlu. Hebkəna aŋ əsnu kəm bə pa, də teŋ keɗe aŋ gə doo-de guudu. Bədoona ana, waale boblo bə minti hulum neke bə wəətu səmu də ku baŋ, ɗosnoŋ ku tarməyaŋ ne wəra

I PIYER 5:12

Kormə kefter bə minti ten jeereneŋ dəŋ kaynaŋ, jeerenen dən haa Silasi. Wə dərəna seenən bə doo-de kaŋkaŋi gud Kristu. Ten jiirunu haa bə teŋeŋ dərəŋ daana bə waataŋ wəra kaŋkaŋ minti, pisi kə Pep bə minti aŋ gə əsə-isi duruŋ, haa pisi bə gəəzə-gəəziŋ!