GALATIŊ 5:21 - JAA TƏMARWAŊ

²¹ yə kaa kə həryəm-həryəm, yə kaa kə markete bə anə lam, yə tapte bə jəəti waale bə jəəti hayam-hayama də kumsiŋ, yə jəəti gidiirə baymele baalaŋ-baalaŋ bə teke sar toŋ kəya faɗi. Ten a gaanaŋ kosnoŋ ne wəra ajewa, hebkəna ten hare bə gaŋ kosnoŋa pa minti, kaa gə minti jəəti kumsə kel teŋ kəyaŋ, yə ɗe a ve a *Kumna kə Pepeŋa ba.

GALATIŊ 5:21 Iomraidhean Croise

MATIYE 25:34

Kəyaŋ, wə waate kaa kaayaŋ gə kəəsu kemer yaŋ minti: ‹Aŋ kaa gə minti Barən gaanaŋ pisiŋ cəərəŋaŋ, aŋ bəəda a de kumna bə minti Pepeŋ a ɗampənaŋ dəŋ warda anə hãã a mele bə gud ko daŋ.

LIKI 21:34

«Aŋ amə kusrəŋ la pisi minti ɗiki dəŋ a hoye wəra gud kar gə minti aŋ həməy daana kar gə minti aŋ say ba, cəərə kel gə cəərə seŋkaŋa bə gəm. Aŋ jəŋ bədoona baŋ, hi toŋ həŋ yaŋ gurusi,

ROMEŊ 13:13

Ɗe náŋ jəə la pisi, bə kə kaa gə minti bə ɗe dər pəɗakiŋaŋ ana. Áŋ a isi a kəɗwəy gə minti kaŋ jəəti kel kə boŋ adaŋ ba, áŋ a markete ba, áŋ a ji kel kə əsti də kaŋ daana booboŋ ba, áŋ a jəəti gəbaŋ daana giidə áŋ a hate áŋ cəərə kaŋ bə gəm.

ROMEŊ 8:13

Jəəne minti aŋ ɗe haa guuduŋ, aŋ me yaŋ wəra. Səma aŋ awaŋ kel kə bayməlaŋ gə minti aŋ jəy a kusukiŋa ne wəra də Tiirə Pepeŋ, aŋ ji yaŋ dədərgə.

I KOREŊTƏŊ 15:50

Bədoona ana kəsaananti, karman bə minti ten waataŋ diŋ haa minti: kusrə áŋ bə minti kəm də kusukiŋ daana də kor suru bədoona anəkay, neke bə mele kəmpuru a *Kumna kə Pepeŋ na ba. Karman bə minti me wəra daana bə minti me wəra baŋ, neke bə tepe a ko bə məna bə gəm.

I KOREŊTƏŊ 5:11

Paapa bədoona ba. Ten bəlaŋ waataŋ na anə taki faɗi haa minti: hulum bə minti waate minti tó hulum bə doo-de, doloy ɗe du damdi kə kaa kə jəəti booboŋ, kaa kə həryəm-həryəm, kaa gə minti gole kar pepe neeteŋ, kaa kə waate sam kumsiŋ baymeleŋ, kaa kə ayə-aye kusri wəra a kumuy, kaa kə dəgaayaŋ anaŋ, aŋ a tepe duuru ba. Koo a hame bə soŋa, aŋ a hame duuru bə gəm.

EFESIŊ 5:18

Aŋ a markete wəra də kumuy ba, gud bə minti wə ɗe a koloŋ bə ji hayam-hayama. Səma aŋ yaakə kusrəŋ la a Tiiru Cetcetaŋ bə ɗosoŋ ku tarməyaŋ wəra.

KOLOSIŊ 3:6

Wáŋ kə Pepeŋ awte cəərə kaa gə minti paapa bə humi kosoŋa cuuru baŋ, haa gud kumsə kel teŋa kay kəya faɗi.

1 TESALONIKIŊ 5:7

Kaa gə minti awe kin, yə əwəy haa duugŋ; kaa gə minti marketeŋ, yə marke haa duugŋ gəm.

II TESALONIKIŊ 2:5

Cəərəŋ ɗəkə la bə minti ten gerdeŋ daŋ, ten waatənaŋ kel teŋ.

HEBEREŊ 13:4

Aŋ humi kosoŋ la cəərə kel gə minti Pepeŋ wəətənəy cəərə kuli bə veŋa, daana hulum koŋkor mo, həlgə mo, a kele wəra taakawa ba. Gud maa mo Pepeŋ bə ɗe a jeme kəəti də kaa kə karway, də kaa kə ji piwpiw gəm.

I PIYER 4:3

Gud maa mo aŋ a fəlaŋ dərəŋ warda anə kaŋkaŋ dər ko bə raawə-raaweŋ da bə ji kar gə minti giidə kaa gə minti Pepeŋ paapa də diri baŋ. Aŋ a jəŋ kaa kə jəəti booboŋ, bə ɗe gud kel kə bayməlaŋ gə minti giidəŋ bələy, aŋ a bə markete saksaki, aŋ jəətəŋ kəɗwəy bə hame daana bə se həryəm-həryəm hãã bə minti aŋ kole harse wəra harseŋ, aŋ a bə tapte bə satete haa kumuy, aŋ a bə ke awalna a kar gə minti aŋ kulnuy Pep nəətiŋ, karman toŋ a wəra baymele hasi. Aŋ a raawe də ji bə kel teŋ ajew na pəda.

VEƊE 21:27

Karman bə minti paapa cetceti baŋ bə kele giidə vil taŋ da ba, hulum bə minti jəəti dəgləŋ daana ŋete kel kele ada na bə gəm. Ve ada na haa kaa gə minti səməy a wəra gə jeerə-jeere giidə kefter bə dədərgə kə Kormə Taaməkaŋaŋ təwa'i.

VEƊE 22:15

Səma kaa gə minti jəəti kel gə zeɓə-zeɓeŋ, zal, booboŋ, awte titiŋ, ke awalna a kar gə minti yə guluy pepe neeteŋ, hataŋ kusri wəra bə ŋete kelaŋ, kaa teŋ keɗe yə yaake wəra tiilima.