GALATIŊ 5:19 - JAA TƏMARWAŊ

¹⁹ Kusrə áŋ bə hatə-hate də baymeleŋ bə minti bə jəətiŋ, wəra də dər áŋ anə pəɗaki. Haa anə ji bə booboŋ daana kel kə zeɓə-zeɓeŋ, anə jəəti bə kel kə jeeɗem-jeeɗem adəwaldə kumsiŋ,

GALATIŊ 5:19 Iomraidhean Croise

Kel pəsaŋ kəmarwaŋ gə minti Zaŋ jiiriniy 3:6

Beebe bə minti hulum kisirkiŋ wəənuŋ, suru haa kusuki kə kəmnu. Hulum bə minti Tiirə Pepeŋ wəənuŋ, toŋ haa a tiiruŋa gəm.

ROMEŊ 7:18

Gud maa mo, ten wəra bə asə-ase minti pisiŋ paapa giidəna ba. Ten waate haa sam kusrən a kusukiŋa. Ku tarməna haa caadə ji pisiŋ, səma ten paapa bə nakə-neke bə jəw ba,

ROMEŊ 7:5

Bə minti áŋ a kəm bə ɗe a kusukiŋaŋ, ɗiki bə baymele bə ku tarmə áŋ a koloŋ də səɓaki haa gud ku giliŋa. Wə jəŋ joŋreŋ də áŋ daana cuuru awaŋ haa me bə kaŋ.

ROMEŊ 8:13

Jəəne minti aŋ ɗe haa guuduŋ, aŋ me yaŋ wəra. Səma aŋ awaŋ kel kə bayməlaŋ gə minti aŋ jəy a kusukiŋa ne wəra də Tiirə Pepeŋ, aŋ ji yaŋ dədərgə.

ROMEŊ 8:3

Bədoona ana ta, Pepeŋ jəŋ karman bə minti *ku gili kə *Moyisiŋ a nəkaŋ bə jəw ba gud bə minti hulum a kusukiŋa wəra də dewe hasi bə ɗe də ku giliŋ. Wə jəŋ karman toŋ haa də bə minti wə gaŋ Kurmuyu derra'iŋ da də kusrə hulum kisirkiŋ suru damdi bə sar kaa kəsarkaŋ gə minti jəəti baymeleŋ ana gəm, bə əyu damdi karman bə keere ana cəərə baymeleŋa. Haa də hel taŋ minti wə təwaŋ baymele bə giidə kusrə kaa bə hatə-hate də baymeleŋ wəraŋ.

ROMEŊ 8:5

Gud maa mo kaa gə minti ciiri abay haa kusri bə hatə-hate də baymeleŋ, humi kosoŋ haa cəərə karman bə minti a kusukiŋaŋ gəm. Səma kaayaŋ gə minti Tiirə Pepeŋ ciiri abay, humi kosoŋ haa cəərə karman bə minti a tiiruŋaŋ gəm.

ROMEŊ 8:9

Aŋ teŋ ha'aŋ, cəərəŋa abay haa paapa kar gə minti a kusukiŋaŋ ba, cəərəŋa abay haa Tiirə Pepeŋ gud bə minti a də əsə-isi giidəŋaŋ. Hulum bə minti Tiirə Kristu taŋ kəya jəŋ giidu baŋ, wə paapa kə Kristu ba faɗi.

I KOREŊTƏŊ 3:3

gud bə minti aŋ kəm a kusukiŋa. Giidiŋ bə yaakte cəərə kumsəŋa daana aŋ a gəbaŋa də kumsəŋ. Aŋ bə ji bədoona tə gəm, aŋ haa a kusukiŋa daana aŋ ji kel haa damdi kaa kəsarkaŋ ana derra faɗi.

I KOREŊTƏŊ 6:18

Aŋ haa giidiŋ la wəra sar jəəti bə booboŋa! Baymele nayto bə minti hulum neke bə jəw keɗe, jəw karman dər kusuki du ba. Səma hulum bə jəəti booboŋ ɓalke kusru wəra neŋneŋ keɗe haa tó də kusru gadi faɗi.

GALATIŊ 5:13

Nəətiŋ ha'aŋ kəsaananti, Pepeŋ mantənaŋ warda haa minti aŋ a ji kafkam kə ku giliŋ pəda. Səma, aŋ a ɗiki minti aŋ paapa kafkam pəda, haa bə ɗe a ji kar anə hayam-hayam damdi kusrə áŋ bə hatə-hate də baymeleŋ bele ana'iŋ, aŋ a ɗiki bədoona ba. Daŋgeŋ ana ɗaw ha'aŋ, aŋ balə kumsəŋ la adəwaldə kumsəŋa daana aŋ kayə kumsəŋ la.

GALATIŊ 5:17

Gud maa mo, kel gə minti kusrə aŋ bə hatə-hate də baymeleŋ bələy, yə tepe də té gə minti Tiiru Cetcetaŋ bələy ba. Kel gə minti Tiiru Cetcetaŋ bələy, yə tepe də kusrə náŋ bə gəm. Yə tepe də kumsi anə weseka bə tə gəm, karman bə minti aŋ bele jəw, aŋ neke bə jəw ba.

GALATIŊ 6:8

Jəəne minti hulum toŋ a bə jəəti haa kar gə daw duruŋ gud kusrə áŋ bə hatə-hate də baymeleŋ, karman bə minti wə ɗe a fəluŋ, haa meŋ. Səma wə jəəne bə jəəti haa kar gə minti Tiiru Cetcetaŋ bələy, a bə əyu haa dədərgə də bay teweŋ gəm.

TITI 3:3

Gud maa mo, áŋ də kusrə áŋ ha'aŋ, áŋ a jəŋ dayday haa kaa gə minti kel paapa də dər áŋ ba, paapa bə de ku huluma ba, áŋ a wəra gə lentə-lente. Áŋ a jəŋ kafkam gə saane gidiirə kar keɗe gə minti giidə áŋ bələy. Áŋ a zugi haa dər sərkəŋa daana də lemlem də kar kə kaa. Kaŋ a maltaŋ dər áŋ wəra, áŋ maltaŋ dər kumsə áŋ wəra gəm.

HEBEREŊ 13:4

Aŋ humi kosoŋ la cəərə kel gə minti Pepeŋ wəətənəy cəərə kuli bə veŋa, daana hulum koŋkor mo, həlgə mo, a kele wəra taakawa ba. Gud maa mo Pepeŋ bə ɗe a jeme kəəti də kaa kə karway, də kaa kə ji piwpiw gəm.

VEƊE 21:8

Kə kaa gə minti gəgan-gəgani a de neeteŋaŋ, gə bay deŋ, gə jəəti kel kə zeɓə-zeɓeŋ, gə minti awtaŋ titiŋ, gə booboŋ, gə jəəti zal, gə ke awalna a kar gə minti yə guluy pepe neeteŋ, daana gə ŋete kel keɗe, yə bə vay yaŋ a daŋgaya a ko bə cəwa də sufrə hərhəraŋa, haa me bə ɓasiŋ.»

VEƊE 22:15

Səma kaa gə minti jəəti kel gə zeɓə-zeɓeŋ, zal, booboŋ, awte titiŋ, ke awalna a kar gə minti yə guluy pepe neeteŋ, hataŋ kusri wəra bə ŋete kelaŋ, kaa teŋ keɗe yə yaake wəra tiilima.