GALATIŊ 5:13 - JAA TƏMARWAŊ

¹³ Nəətiŋ ha'aŋ kəsaananti, Pepeŋ mantənaŋ warda haa minti aŋ a ji kafkam kə ku giliŋ pəda. Səma, aŋ a ɗiki minti aŋ paapa kafkam pəda, haa bə ɗe a ji kar anə hayam-hayam damdi kusrə áŋ bə hatə-hate də baymeleŋ bele ana'iŋ, aŋ a ɗiki bədoona ba. Daŋgeŋ ana ɗaw ha'aŋ, aŋ balə kumsəŋ la adəwaldə kumsəŋa daana aŋ kayə kumsəŋ la.

GALATIŊ 5:13 Iomraidhean Croise

LIKI 4:18

«Tiirə Barkaŋ dəərən gud bə minti wə zeenen wəra dəra'i bə waate *Kel pəsaŋ kəmarwaŋ nuutuŋ a kaa kə caacaŋ. Wə gaanan a waate kaa kə daŋgay minti yə bədəŋ ne wəra, a waate kaa kə bəwə-bəwiŋ minti diri pəŋtəŋ ne wəra, a bidi kaa gə minti kaŋ bə ləsəyaŋ wəra,

JOŊRE 20:35

Də joŋre bə minti ten juunu a koŋa keɗeŋ, ten gaanaŋ dərəŋ haa minti, bə kole bə keye kaa kə caacaŋaŋ, aŋ kir ji joŋre də səɓaki bədoona gəm. Kel gə minti Barkaŋ Yeesu wəətənəy jəə la cəərəŋa ɗəkə gəm minti: ‹Tam ayaŋ karman ne a hulum, tam də waale dəŋaŋ bə minti yə ayam karman ayeŋ.›»

I KOREŊTƏŊ 8:9

Kəkəy cəərəŋa bə hame karman bə minti giidəŋ bəluŋ. Səma aŋ jəə la pisi də kel teŋ, kir minti kaayaŋ gə minti paapa də səɓaki a deŋa baŋ a kole bə awte dər baymele gud kel dəŋa ba.

I KOREŊTƏŊ 9:19

Kəkəy wəra cəərəna hoŋ keɗe. Də teŋ keɗe, ten yaakaŋ kusrən bə ji kafkam kə kaŋ keɗe kir minti ten falə kaa la ablaw a Kristu gə minti ten bə nakə-neke kir fələy.

II KOREŊTƏŊ 12:15

Katən ha'aŋ, ten ɓalkaŋ kar gə kaasən ne wəra guudəŋaŋ, koo ten gəyaŋ kusrən ne wəra keɗe guudəŋaŋ, ten ji yaŋ də waale faɗi. Ten bə bəlaŋa ablaw bədoona anaŋ, aŋ hare ku bele nəəti bə sarən wəra adoro ɗaw tə mo?

II KOREŊTƏŊ 2:8

Bədoona ana ta, ten jəənəŋ kamkam minti aŋ gaa gud bele nəətiŋ la wəra suru.

II KOREŊTƏŊ 3:17

Barkaŋ haa kənaŋ Tiiru Cetcetaŋ. Tiirə Barkaŋ əsəŋ ne a ko kəmanaŋ, bidiŋ wəra haa a ko toŋa gəm.

II KOREŊTƏŊ 4:5

Gud maa mo, are waate haa paapa sam kusrə are ba, are waate haa sam Yeesu Kristu Barkaŋ faɗi. Jəəne cəərə are kənaŋ, are waataŋ wəra anə faɗi haa minti are kaa kə joŋre nəəti gud Yeesu.

GALATIŊ 2:4

Də teŋ keɗe kaa kəman yaŋ ada, jəŋ kusri damdi té kaa kə doo-de ana, anaaŋa paapa anə ceki. Yə a goldoŋ haa minti Titi jamə tənturu la wəra me'i. Yə vaŋ aduubə də are da dəgaaya-dəgaaya, bə bi a ase hel də kel gə minti Yeesu Kristu bədəŋ are wəra ku *ku gili kə *Moyisiŋa gud tepe naareŋa duuruŋ. Yə a goldoŋ doloy ha'aŋ minti té hare are kafkam kə ku gili toŋ pa.

GALATIŊ 4:22

Áŋ goloŋ neŋ, Kefter kə Pepeŋ wəra bə jeerə-jeere minti *Abraham waŋ kəmar kaŋkar ɓasi. Məna, wə waŋ toŋ də tər kəman kafkam, sam minti Agar. Wə waŋ naayaw toŋ də muru də minti taŋ paapa kafkam baŋ, sam tá minti Sara.

GALATIŊ 5:1

Kristu bədəŋ áŋ wəra ku *ku gili kə kaanə Ziwifiŋa minti áŋ a ji kafkam kə karman pəda anə hasi. Bədoona ta, aŋ əsə la wəra ŋəŋ cəərə kusrəŋa, aŋ a yaake kusrəŋ bə hare kafkam pəda.

GALATIŊ 5:14

Gud maa mo, ku gili neŋneŋ keɗe wəra bə gaa-ge cuuru giidə ku gili tó məna'iŋa, bə minti waate minti: «Tam balə kumsum la damdi kusrum ana faɗi.»

GALATIŊ 5:22

Səma kar gə minti Tiiru Cetcetaŋ jəy giidə hulumaŋ, yə haa kəna: kaŋ kole wəra bə bele kumsi, yə wəra də waale, yə isi kəkaɓiŋ aduubə di, yə ase mi bə kusri bə ku kel, yə ɗiki də kumsi pisi, yə ji pisi sar kumsi, yə kaa gə minti yə ɗeketi,

GALATIŊ 6:2

Aŋ kayə kumsuŋ la adəwaldə kumsəŋa bə hale gəəliŋa. Aŋ jəŋ ne bə ji bədoonaŋ, aŋ doŋ haa *ku gili kə Kristuŋ faɗi.

EFESIŊ 5:21

Aŋ topə ku kumsu la aduubə də kumsəŋa gud bə minti aŋ bə ji kese də Kristuŋ.

1 TESALONIKIŊ 1:3

Bədoona ana, a tooseŋa tiinə Pep Bar áŋaŋ, are bə ɗiki cəərə joŋre bə minti aŋ bə jəwa gud de nəəti bə gud Yeesu Kristuŋ, cəərə bele nəəti bə minti ji joŋre, daana cəərə mele bə ɗiki bə minti aŋ məlnu wəra anə kaŋkaŋ bə mi Barkaŋ náŋ Yeesu Kristuŋ.

I PIYER 2:16

Ɗe dəŋ jəə la bə kə hulum bə bədə-bidi ana. Səma, aŋ a ɗiki minti aŋ wəra gə bədə-bidiŋa, aŋ ji kel kə bayməlaŋ giidəŋ beleŋ, aŋ a ɗiki bədoona ba. Ɗe dəŋ jəə la haa bə kə kaa kə ji joŋre kə Pepeŋ ana ɗaw.

II PIYER 2:19

Yə wəətətəy sam bidiŋ, anaaŋa té də kusri, yə kafkam kə kar gə minti yə hataŋ bə jiya bə ɓalke kusri wəra, gud maa mo, mindi mindi mo haa kafkam kə karman bə əsə-isi kumna cuuru.

ZUDI 1:4

Gud maa mo sərdə kaa gə bay iski ku Pepeŋ, ɓəlwətəŋ aduubə dəŋ na dəgaaya-dəgaaya. Kel gə minti waate sam pisi kə Pepeŋ, yə kulnuy wəra dəra'i də ɗiki neeteŋ minti té jəŋ dəgləŋ ne nuutuŋ, cəərə Pepeŋ gaara yaŋ wəra. Yə koloŋ kirki a Yeesu Kristu, Barkaŋ náŋ, Bərdə náŋ ɗaaməna'iŋ. Kel gə jeerə-jeereŋ a waataŋ warda anə hãã faɗi minti kəəti kə Pepeŋ bə doy.