GALATIŊ 5:1 - JAA TƏMARWAŊ

¹ Kristu bədəŋ áŋ wəra ku *ku gili kə kaanə Ziwifiŋa minti áŋ a ji kafkam kə karman pəda anə hasi. Bədoona ta, aŋ əsə la wəra ŋəŋ cəərə kusrəŋa, aŋ a yaake kusrəŋ bə hare kafkam pəda.

GALATIŊ 5:1 Iomraidhean Croise

MATIYE 23:4

Yə malte kar gə eele gə bay tekeŋ cəərə kaŋa. Té də kusri ha'aŋ, yə paapa bə kəyəya də kəəsi bə təkəy kar teŋa ciiri ba.

LIKI 5:38

Marya diŋ gaa kumuy kimirwiŋ bə minti kəm bə de siipəŋa kimirwiŋ la giidə mandəhaŋ golgo kimirwiŋa gəm.

JOŊRE 15:10

Doloy bədoona tə kəm, aŋ gole koɗ Pepeŋ haa səm mo a kəkəy bə minti aŋ bele mele eele toŋ cəərə kaa kə doo-deŋa? Eele toŋ ha'aŋ, koo kəmoomo də áŋ gə dayday, koo nuutu áŋ də kusrə áŋ gəm, hulum nəkaŋ bə həlu ba.

ROMEŊ 6:14

Bədoona ana ta, baymeleŋ bə ji abay cəərəŋa pəda gud bə minti aŋ paapa kir kasi *ku giliŋ ba, aŋ máŋ kir kasi pisi bə minti Pepeŋ jəw cəərə kaŋaŋ.

ROMEŊ 6:18

Aŋ wəra gə bədə-bidi ku baymeleŋa, aŋ koloŋ máŋ kafkam kə kel ɗekeriŋ.

ROMEŊ 7:3

Bədoona ana, jəəne minti gedraŋ kəm caw, a kooroŋ ne a isi gud koŋkor baalaŋaŋ, yə manta həlgə də jəə-ji piwpiw. Səma gedraŋ meŋ ne wəraŋ, a wəra də bədə-bidi ku ku giliŋa. Kəkəy cəərə bə ɗe a de koŋkor baalaŋ, a jəŋ paapa piwpiw ba.

ROMEŊ 7:6

A dayday áŋ a a daŋgaya kasi ku giliŋa, səma bə hebkənaŋ adəwaldə áŋ wəra də ɓarsə-ɓarse duuru, wə paapa abay cəərə áŋa pəda. Kəya áŋ gə nakə-neke bə ji joŋre a Pepeŋ də kəkəy kimirwi bə minti Tiiru Cetcetaŋ ge dər áŋ cuuruŋ, paapa də nayto bə tawə-tewe bə minti bə əsə-isi cəərə kel gə jeerə-jeere gə giidə ku giliŋ pəda.

ROMEŊ 8:15

Tiiru də minti aŋ falnaŋ koloŋ kafkam ba, a haraŋ dər walkaŋa bə gəm. A koloŋ ana ɗaw ha'aŋ karmə Pepeŋ. Ge áŋ bə mante Pepeŋa minti: «Aba, Barən!», haa tá faɗi.

ROMEŊ 8:2

Gud maa mo Tiiru Cetcetaŋ də minti aye dədərgəŋ a kaŋ gud tepe neeteŋa də Yeesu Kristuŋ, abay cəərəna haa tá, daana doonon wəra ku abay kə baymele bə minti bə əsə-isi cəərəna bə ɗe a məlan a meŋa, haa tá gəm.

I KOREŊTƏŊ 15:58

Gud teŋa ta, aŋ kəsaanan gə minti giidən bəlaŋ, aŋ əsə la ŋəŋ, aŋ a yaake kusrəŋ bə daɓye ba. Aŋ jəə joŋre kə Barkaŋ la pisi jəə saksaki gud bə minti aŋ wəra gə asə-ase minti, joŋre bə minti aŋ jəw gud tepe nəətiŋa də Barkaŋ bese wəra boobo ba.

I KOREŊTƏŊ 16:13

Aŋ jəə la wəra gə gunə-guni, aŋ jəə la gə əsə-isi ŋəŋ a deŋa, aŋ əntə giidiŋ la, aŋ jəə la də səɓaki a kəkəy kə Pepeŋa.

I KOREŊTƏŊ 7:22

Gud maa mo, kafkam bə minti Pepeŋ məntunu wəra bə tepe də Barkaŋ, haa kafkam bə minti Barkaŋ wəra bə bədə-bidi duuru. Kə hulum bə minti Pepeŋ a məntunu, wə a paapa kafkam baŋ, wə haa kafkam kə Kristu ɗaw.

II KOREŊTƏŊ 11:20

Kaa teŋ jəŋ damdi aŋ kafkam ana, yə jəətəŋ tiniini dəŋ, yə humtuŋ kar nəətiŋ, yə roŋte kirki dəərəŋ daana yə lətaŋ warna gabyaŋ na, də teŋ keɗe aŋ duuniy sarəŋa!

II KOREŊTƏŊ 3:17

Barkaŋ haa kənaŋ Tiiru Cetcetaŋ. Tiirə Barkaŋ əsəŋ ne a ko kəmanaŋ, bidiŋ wəra haa a ko toŋa gəm.

GALATIŊ 2:4

Də teŋ keɗe kaa kəman yaŋ ada, jəŋ kusri damdi té kaa kə doo-de ana, anaaŋa paapa anə ceki. Yə a goldoŋ haa minti Titi jamə tənturu la wəra me'i. Yə vaŋ aduubə də are da dəgaaya-dəgaaya, bə bi a ase hel də kel gə minti Yeesu Kristu bədəŋ are wəra ku *ku gili kə *Moyisiŋa gud tepe naareŋa duuruŋ. Yə a goldoŋ doloy ha'aŋ minti té hare are kafkam kə ku gili toŋ pa.

GALATIŊ 3:25

Hebkəna haa ko bə minti are de gud Kristuŋ, bədoona ta ku giliŋ paapa akas hulum bə gole cəərə are ana pəda.

GALATIŊ 4:26

Səma Sara taŋ a paapa kafkam ba, kel də ŋəraŋ haa də Zeruzalem də minti apəy naŋ ana gəm, vil də gəəzə-gəəzi kə Pepeŋ. Kaa gə minti giidə vil taŋaŋ, paapa kafkam kə hulum ba. Bədoona ta, Sara koloŋ máŋ haa bə nər áŋ ana'i.

GALATIŊ 4:31

Bədoona ana ta kəsaananti, áŋ paapa damdi kormə tər kafkam ana ba. Áŋ teŋ haa damdi kormə həlgə də minti taŋ a paapa kafkam baŋ ana'i.

GALATIŊ 4:9

Ana hebkəna bə minti aŋ asaŋ Pepeŋ wəraŋ, ten sə a waate haa kəna minti Pepeŋ asnaŋ wəraŋ ɗaw, bə jəŋ naanaanə minti aŋ haraŋ dərəŋ gud to'osi tá də boobo də minti paapa də nakə-neke karman baŋ, bə maa pə mo? Aŋ bele minti aŋ harə la kafkam kə to'osiŋ taŋ haa səm pə mo?

GALATIŊ 5:13

Nəətiŋ ha'aŋ kəsaananti, Pepeŋ mantənaŋ warda haa minti aŋ a ji kafkam kə ku giliŋ pəda. Səma, aŋ a ɗiki minti aŋ paapa kafkam pəda, haa bə ɗe a ji kar anə hayam-hayam damdi kusrə áŋ bə hatə-hate də baymeleŋ bele ana'iŋ, aŋ a ɗiki bədoona ba. Daŋgeŋ ana ɗaw ha'aŋ, aŋ balə kumsəŋ la adəwaldə kumsəŋa daana aŋ kayə kumsəŋ la.

EFESIŊ 6:14

Aŋ əsə la wəra máŋ gə ganə-gene. Gəəziŋ jəə la tawraŋa damdi aŋ ge karkataawa tawraŋa ana. Ɗeker jəə la saraŋa damdi aŋ tere koroŋ saraŋa ana.

FILIPIŊ 1:27

Səma, ɗe dəŋ jəə la bə tapə-tepe haa də *Kel pəsaŋ kəmarwaŋ kə Kristuŋ. Bədoona ta, jəəne minti ten bə ɗe yaŋ na a goloŋ, kumundu ten ɗe na baŋ, ten əskəŋ səmaŋ la haa minti aŋ yaŋ gə əsə-isi saksaki ŋəŋ də ɗiki dəŋ məna'i, daana aŋ bə duuri haa də ku tarməyaŋ tapi gud de bə minti fəlaŋ kəsar du a Kel pəsaŋ kəmarwaŋ daŋ.

1 TESALONIKIŊ 3:8

Are haraŋ ne wəra bə biiri gud bə minti aŋ gə əsə-isi pisi gə gargə-garge də Barkaŋ.

II TESALONIKIŊ 2:15

Bədoona ana kəsaanə areŋ, aŋ əsə la ŋəŋ daana aŋ doo hate bə minti are hatnaŋ dəŋ də ku are mo, də kefter naare moŋ la saksaki ŋəŋ gəm.

HEBEREŊ 10:23

Áŋ əsə la ŋəŋ dər de náŋ bə gud Pep bə minti áŋ bə waate kaŋa wəra cuuru minti wə haa bə gəəzə-gəəzi. Gud maa mo, Pepeŋ ɓeti, wə de ku kar gə minti wə a wəətənəy simiy wəra a áŋ gəm.

HEBEREŊ 3:14

Jəəne minti áŋ əsəŋ ne ŋəŋ a de náŋ bə minti áŋ a doŋ də ajew bədoonaŋ hãã a tewe də hiti náŋaŋ, áŋ haa kaa gə minti bə ji joŋre də Kristu keɗe.

HEBEREŊ 3:6

Səma kə Kristuŋ ha'aŋ, wə jəŋ nuutuŋ a kuɗuŋa haa bə Kormə Pepeŋ ana bə minti gole cəərə kuli nuutuŋ. Áŋ jəəne gə əsə-isi ŋəŋ də karman bə minti áŋ əsnu wəra cəərə áŋa kaŋkaŋ, daana áŋ jəəne wəra holoŋ-holoŋ də karman bə minti áŋ gə malə-mele ɗiki də áŋ cuuruŋ, áŋ haa bə kuli nuutuŋ ana.

HEBEREŊ 4:14

Doloy *kumna náŋ boblo bə keere bə minti kooroŋ apəya hãã bə ɗe a tuli warna tiinə Pepeŋ na yaŋ, haa Yeesu Kormə Pepeŋ. Gud teŋa ta, áŋ əsə la ŋəŋ dər de bə minti áŋ bə wəətu səmu wəra minti wə haa de bə gəəzə-gəəziŋ.

I PIYER 2:16

Ɗe dəŋ jəə la bə kə hulum bə bədə-bidi ana. Səma, aŋ a ɗiki minti aŋ wəra gə bədə-bidiŋa, aŋ ji kel kə bayməlaŋ giidəŋ beleŋ, aŋ a ɗiki bədoona ba. Ɗe dəŋ jəə la haa bə kə kaa kə ji joŋre kə Pepeŋ ana ɗaw.

II PIYER 2:19

Yə wəətətəy sam bidiŋ, anaaŋa té də kusri, yə kafkam kə kar gə minti yə hataŋ bə jiya bə ɓalke kusri wəra, gud maa mo, mindi mindi mo haa kafkam kə karman bə əsə-isi kumna cuuru.

ZUDI 1:3

Gədaarən gə agŋ-agŋ, ten a bə bandə-bande bə jeereŋ kefter cəərə kel kə seere bə minti áŋ keɗe, áŋ fəlnuŋ. Bə hebkənaŋ, wə koloŋ máŋ karman bə han guudən minti ten jeereŋ la bə zeŋ guudəŋ minti aŋ duurə la gud kel kə de gə minti Pepeŋ jugnuy a kaa nuutuŋ na kampa ɗaaməna faɗiŋ.

VEƊE 2:25

Nəətiŋ təwa ha'aŋ, aŋ əsə la ŋəŋ də kel gə minti aŋ duuniy, hãã dər hi bə minti ten hare daŋ.

VEƊE 3:3

Cəərəŋ harə la bə ɗiki kel gə minti aŋ a fəlnəy daana aŋ a iskiniy. Aŋ doy la, aŋ kolə kerkeŋ la a baymele nəətiŋ. Jəəne minti aŋ haraŋ bə guni baŋ, ten bə tuli haa damdi hulum bə dəgaayaŋ ana, bay minti aŋ ase cəwa də minti ten hare da dərəŋ.