GALATIŊ 4:9 - JAA TƏMARWAŊ

⁹ Ana hebkəna bə minti aŋ asaŋ Pepeŋ wəraŋ, ten sə a waate haa kəna minti Pepeŋ asnaŋ wəraŋ ɗaw, bə jəŋ naanaanə minti aŋ haraŋ dərəŋ gud to'osi tá də boobo də minti paapa də nakə-neke karman baŋ, bə maa pə mo? Aŋ bele minti aŋ harə la kafkam kə to'osiŋ taŋ haa səm pə mo?

GALATIŊ 4:9 Iomraidhean Croise

MATIYE 11:27

Kəya Yeesu əsəŋ bə waate kaŋa minti: «Barən aynan kar wəra keɗe. Hulum anə məna asaŋ minti Kormə Pepeŋ haa mindi mo ba; əsnu ha'aŋ Abaŋ ɗaaməna. Hulum asaŋ minti Abaŋ haa mindi mo ba; əsnu ha'aŋ Kurmuyuŋ ɗaaməna daana hulum bə minti Kurmuyuŋ bele vəɗu du wəraŋ.

LIKI 5:38

Marya diŋ gaa kumuy kimirwiŋ bə minti kəm bə de siipəŋa kimirwiŋ la giidə mandəhaŋ golgo kimirwiŋa gəm.

Kel pəsaŋ kəmarwaŋ gə minti Zaŋ jiiriniy 10:14

Səma ten toŋ haa bərdə kaamaŋ. Yə də dərən, ten də diri gəm.

Kel pəsaŋ kəmarwaŋ gə minti Zaŋ jiiriniy 10:27

Kaamaŋ katən əskən dordən, yə də dərən, yə ɗe guudəna gəm.

Kel pəsaŋ kəmarwaŋ gə minti Zaŋ jiiriniy 17:3

Fele bə dədərgə də bay teweŋ, haa ase bə tam Pep bə gəəzə-gəəzi ɗaaməna'i daana ase bə ten Yeesu Kristu bə minti tam gaanan daŋ gəm.

ROMEŊ 8:29

Gud maa mo kaa gə minti wə əsnəy warda ajew, wə haŋ ɗiki wəra ciiri faɗi gəm minti tó zey wəra dəra'i a tó kir minti yə kolə la bə he Kurmuyuŋa anə dege'-dege'i faɗi. Bədoona ana wə ji yaŋ beskeŋ də kəsəənu gə ablaw.

ROMEŊ 8:3

Bədoona ana ta, Pepeŋ jəŋ karman bə minti *ku gili kə *Moyisiŋ a nəkaŋ bə jəw ba gud bə minti hulum a kusukiŋa wəra də dewe hasi bə ɗe də ku giliŋ. Wə jəŋ karman toŋ haa də bə minti wə gaŋ Kurmuyu derra'iŋ da də kusrə hulum kisirkiŋ suru damdi bə sar kaa kəsarkaŋ gə minti jəəti baymeleŋ ana gəm, bə əyu damdi karman bə keere ana cəərə baymeleŋa. Haa də hel taŋ minti wə təwaŋ baymele bə giidə kusrə kaa bə hatə-hate də baymeleŋ wəraŋ.

I KOREŊTƏŊ 13:12

Bə hebkənaŋ, áŋ gole kar haa damdi áŋ bə guluya giidə kotrom bubunbubuni ana. Də hi tó bə ateŋaŋ, áŋ əsəy yaŋ wəra də dər áŋ faɗi. Bə hebkənaŋ ase katən kəm haa bə bay de kuŋ. Də hi tó bə ateŋaŋ, ase bə kar katən de ku yaŋ wəra, damdi Pepeŋ bə asna wəra hebkəna keɗe ana gəm.

I KOREŊTƏŊ 15:34

Aŋ harə la a ɗiki pisiŋa, aŋ a ji baymeleŋ pəda! Gud maa mo sərdəŋ guudəŋa saksaki kəm paapa bə tepe də Pepeŋ ba. Kese sə a doŋ gud kel té gə minti ten a waatənaŋ dəŋ.

I KOREŊTƏŊ 8:3

Səma hulum bə minti bele Pepeŋ, Pepeŋ bə asə-ase duuru minti wə kə tó gəm.

II KOREŊTƏŊ 11:20

Kaa teŋ jəŋ damdi aŋ kafkam ana, yə jəətəŋ tiniini dəŋ, yə humtuŋ kar nəətiŋ, yə roŋte kirki dəərəŋ daana yə lətaŋ warna gabyaŋ na, də teŋ keɗe aŋ duuniy sarəŋa!

II KOREŊTƏŊ 4:6

Pepeŋ a waataŋ warda minti: «Pəɗakiŋ walə ko bə tilməŋ la wəra.» Wəlaŋ koŋ wəra ku tarmə áŋa haa tó də kusru bə ge áŋ bə ase boblo nuutu bə minti bə welɗe wəra dər Kristu anəkayyaŋ.

GALATIŊ 3:3

Aŋ bə jəŋ wəra kəna kaa kə bay kəkəl gə cəərəŋ bədoona day, naanaanə mo? Aŋ məlaŋ gud joŋre də səɓaki kə Tiiru Cetcetaŋ ɗaw pəta, aŋ golde máŋ hebkəna minti aŋ ɗe a gaw cuuru də səɓaki dəŋ naanaanə pə mo?

GALATIŊ 4:3

Áŋ gə Ziwifiŋ ha'aŋ, áŋ a jəŋ ajew haa bə kəmar koncoŋ ana gəm, áŋ a paapa wəra cəərə kusrə áŋa ba. Áŋ a jəŋ haa kafkam kas to'osi də cəərə seŋka də minti áŋ a suŋ warda dəərə siŋ.

EFESIŊ 1:17

Ten bə mante kasi Pep kə Barkaŋ náŋ Yeesu Kristuŋa, Aba bə minti bobloŋ nuutuŋ, minti də Tiiru Cetcetaŋ nuutuŋ, wə ayaŋ né bə minti vəɗu wəra a nəənəŋ la daana bə minti gaŋ dərəŋ la wəra cuuru kaŋkaŋ.

II TIMOTE 2:19

Səma kel gə gəəzi kə Pepeŋ teŋ kole ba. Yə damdi gud kuli bə minti Pepeŋ gəənu tó də kusru ana, wə daɓye ba. Gud kuli toŋ wəra bə jeerə-jeere cuuru minti: «Barkaŋ ha'aŋ kaa nuutuŋ də duru», daana pa minti: «Hulum bə minti waataŋ ne wəra də ku minti tó kəna kə Barkaŋ, wə yaakə ji bə baymeleŋ la».

HEBEREŊ 7:18

Bədoona ana ta, gədəəgi də kel gə minti Pepeŋ a kəənəy, wə paapa bə əŋkəya cuuru pəda, gud bə minti yə kerpeteŋ wəra ku kela, yə nəkaŋ bə keye kaŋ bə gəm.

II PIYER 2:20

Kaa gə minti a ɓətəŋ kusri warda ku kar gə bayməlaŋ gə laŋte kaa gə cəərə seŋkaŋ daŋ kas minti Barkaŋ náŋ Yeesu Kristu, Hulum bə seereŋ də diriŋ, yə bə yaakaŋ kusri ne bə humi daana bə kole kafkam kə kar té paŋ, kel gə siriŋ bə ji máŋ wəra bayməlaŋ hasi dəŋaŋ gə ajew.

I ZAŊ 5:20

Áŋ asaŋ wəra minti Kormə Pepeŋ a bəŋ ne wəra. Wə ayaŋ hel də əskiŋ a áŋ minti áŋ asə Pep bə gəəziŋ la. Áŋ də Pep bə gəəziŋ saksaki gud tepe náŋa də Kurmuyu Yeesu Kristuŋ. Yeesu haa Pep bə gəəziŋ, wə dədərgə də bay teweŋ gəm.