GALATIŊ 4:8 - JAA TƏMARWAŊ

⁸ Aŋ kaanə Galatiŋ, aŋ a dayday ha'aŋ, Pepeŋ a paapa də dərəŋ ba. Aŋ a jəŋ haa kafkam kə kar gə minti aŋ məntəy minti anə pepe kəman, doloy ha'aŋ, yə paapa Pep bə gəəziŋ ba.

GALATIŊ 4:8 Iomraidhean Croise

Kel pəsaŋ kəmarwaŋ gə minti Zaŋ jiiriniy 1:10

Wə a jəŋ wəra caw cəərə seŋkaŋa, jəŋ seŋkaŋ haa tó pa. Də teŋ keɗe, kaa gə cəərəŋ əsnu ba.

JOŊRE 14:12

Kəya yə məlaŋ sam a Barnabasi faɗi minti «Zees», yə məlaŋ kə Pol minti «Ermesi» gud bə minti waataŋ daŋge də kel haa tó.

JOŊRE 17:23

Gud maa mo, a kəkəy bə gəryi giidə vil nəətiŋa, ten astaŋ ko bə hərsə-hərsi bə minti aŋ ɗeete a kaate awalna a pepe kəman ada anə pələl. Adəwaldi ha'aŋ, aŋ hərsəŋ ko bə keere ada bə jeerə-jeere suru minti: ‹Toŋ haa a pepe bə minti áŋ əsnu hõy baŋ.› Karman toŋ bə minti aŋ əsnu hõy ba, səma aŋ bə kaw awalnaŋa ha'aŋ, ten bəŋ haa a waataŋ kel du faɗi.

ROMEŊ 1:23

Bə minti yə a kir ke awalna a boblo kə Pep bə minti toŋ saksakiŋ ɗaw, yə kaana máŋ haa a kar gə minti yə jiiniy té də kusri bə hulum kisirki bə me wəraŋ, bə kaskoŋ, bə kar gə kəmpəri waaɗe-waaɗe'iŋ, bə kar gə ɗe cəərə giidiŋaŋ ana faɗi.

ROMEŊ 1:28

Yə bəyaŋ Pepeŋ wəra, yə bəlaŋ əsu ba ŋaanaanə moŋ, wə yəəkənəy warna ku ɗiki neete bə kuntə-kuntiŋ na. Bədoona ana, yə ji máŋ haa kar gə minti a paapa kir ji baŋ faɗi.

I KOREŊTƏŊ 1:21

Pepeŋ gaŋ gud ase nuutuŋ wəra, səma kaŋ də ase neete bobloŋ anə keɗe nəkaŋ bə əsu minti kəna tó ba. Gud teŋa ta, goloŋ duru pisi minti, kel kə waate gə minti kaŋ bə guluya minti yə karman bə tiniiniŋ, tó seere kaa gə minti doŋ gud toŋ haa diiri faɗi.

I KOREŊTƏŊ 12:2

Aŋ wəra gə asə-ase minti, bə minti aŋ a jəŋ kəm kaa gə minti Pepeŋ paapa də diri baŋ, aŋ kaŋ awalna a kar gə minti kaŋ guluy pepe neeteŋ, gə minti paapa gə nakə-neke bə waate kel baŋ. Kar teŋ taɗnaŋ guudi haa də gidiirə kəkəy anə dəra'-dəra'i.

I KOREŊTƏŊ 8:4

Cəərə le ku bə hame bə kusuki bə minti yə jəŋ keere duuru a kar gə minti yə guluy pepe neeteŋ moŋ, wəra də dər áŋ minti, kar teŋ neke bə ɗoote də kusri ba, daana minti Pepeŋ ɗaaməna, baalaŋ paapa.

GALATIŊ 4:3

Áŋ gə Ziwifiŋ ha'aŋ, áŋ a jəŋ ajew haa bə kəmar koncoŋ ana gəm, áŋ a paapa wəra cəərə kusrə áŋa ba. Áŋ a jəŋ haa kafkam kas to'osi də cəərə seŋka də minti áŋ a suŋ warda dəərə siŋ.

EFESIŊ 4:18

Ɗiki di wəra bə kerpə-kerpe daana yə wəra tooto sar dədərgə də minti bi kasi Pepeŋ daŋ, gud bə minti yə hẽŋeŋ ku tərməyi wəra a kel kə Pepeŋa, kəya kel nuutuŋ paapa də diri anə weseka ba.

1 TESALONIKIŊ 1:9

Kaŋ keɗe bə waataŋ səmaŋa minti aŋ doŋ irku də are pis-pisi a ko bə minti are jəŋ gerdeŋ daŋ. Yə tope bəlam də kel gə minti aŋ koloŋ dərəŋ cəərə Pepeŋa bə kole kerkeŋ a kar gə minti kaŋ guluy pepe neeteŋ, bə ji joŋre a Pep bə dədərgəŋ daana bə gəəzə-gəəziŋ,

1 TESALONIKIŊ 4:5

Wə a yaake kusru bə he bəlam də ɗiki bə piwpiwa damdi kaa gə minti Pepeŋ paapa də diri baŋ həənu ana ba.

II TESALONIKIŊ 1:8

Wə bi haa dər cəwa də do'ə-do'e hərhəra bə bi a lese kaa gə minti a bəlaŋ ase Pepeŋ ba, gə minti bəyaŋ *Kel pəsaŋ kəmarwaŋ gə waate sam Barkaŋ náŋ Yeesu wəraŋ gəm.

I PIYER 4:3

Gud maa mo aŋ a fəlaŋ dərəŋ warda anə kaŋkaŋ dər ko bə raawə-raaweŋ da bə ji kar gə minti giidə kaa gə minti Pepeŋ paapa də diri baŋ. Aŋ a jəŋ kaa kə jəəti booboŋ, bə ɗe gud kel kə bayməlaŋ gə minti giidəŋ bələy, aŋ a bə markete saksaki, aŋ jəətəŋ kəɗwəy bə hame daana bə se həryəm-həryəm hãã bə minti aŋ kole harse wəra harseŋ, aŋ a bə tapte bə satete haa kumuy, aŋ a bə ke awalna a kar gə minti aŋ kulnuy Pep nəətiŋ, karman toŋ a wəra baymele hasi. Aŋ a raawe də ji bə kel teŋ ajew na pəda.

I ZAŊ 3:1

Aŋ ɗəkə la cəərə bele boblo bə minti Bar áŋ Pepeŋ juunu cəərə áŋaŋ. Wə bəlaŋ áŋ tə kəm, wə mantaŋ áŋ kərmuyu, áŋ wəra kərmuyu gəəzə-gəəzi! Gud teŋa áŋ paapa də dər kaa kə seŋkaŋ ba, gud bə minti Pepeŋ paapa də diri bə gəm.