GALATIŊ 4:6 - JAA TƏMARWAŊ

⁶ Aŋ haa kərmuyu gə gəəzə-gəəzi, gud maa mo wə ayaŋ Tiiru Cetcetaŋ kə kurmuyuŋ ku tarmə áŋa keɗe. Tiiru Cetcetaŋ taŋ ge áŋ bə waate wəra koloŋ minti: «Aba, barən!».

GALATIŊ 4:6 Iomraidhean Croise

MARKƏ 14:36

Wə minti: «Aba, barən, tam bə nakə-neke cəərə kara keɗe. Zenə kopi bə lasi toŋ la wəra sarəna. Səma kel teŋ jəə la paapa damdi giidən bəlaŋ ana ba, yə jəə la damdi giidim bəlaŋ ana.»

LIKI 11:13

Jəəne minti aŋ kaa kə bayməlaŋ asaŋ aye bə kar pəsaŋ a karməyaŋ bə anə hãy ɗaw, máŋ bə Aba bə apəyaŋ mo? Wə aye Tiiru Cetcetaŋ a kaa gə minti manta kəəsuŋ dəŋaŋ aŋ gə minti aye kar pəsaŋ a karməyaŋ.»

LIKI 11:2

Kəya, Yeesu wəətənəy minti: «Bə minti aŋ ɗəlaŋ ne bə tooseŋ, aŋ waatə la minti: Aba, kaŋ tokɗə səmam *cetcetiŋ la gud bə minti tam Pepeŋ. Bəəda a ji kumna nəmtiŋ cəərə are.

Kel pəsaŋ kəmarwaŋ gə minti Zaŋ jiiriniy 14:16

Ten waate Abaŋ yaŋ minti wə ayaŋ Hulum baalaŋ da bə bi a kəyaŋ bə minti ji yaŋ dəərəŋ saksaki.

Kel pəsaŋ kəmarwaŋ gə minti Zaŋ jiiriniy 15:26

Hulum bə Kəyaŋ bə tuuki yaŋ. Wə haa hulum bə minti ten gaŋ dəŋ yaŋ apəy da sar Abaŋ da, wə haa Tiiru də minti veɗe gəəzi də minti bəŋ sar Abaŋ daŋ wəraŋ. Wə də kusru, wə ji bar kəkəy yaŋ wəra cəərəna.

Kel pəsaŋ kəmarwaŋ gə minti Zaŋ jiiriniy 16:7

Anaaŋa ten bə waataŋa haa gəəziŋ: nəətiŋ ha'aŋ, ten kooroŋ ne, marya ɗaw. Gud maa mo, jəəne minti ten koore baŋ, Hulum bə Kəyaŋ bə minti sə a biŋ, wə bi sarəŋa pəda. Səma jəəne minti ten kooroŋ ne, ten gaŋ dəŋ yaŋ da.

Kel pəsaŋ kəmarwaŋ gə minti Zaŋ jiiriniy 3:34

Hulum bə minti Pepeŋ gəənu daŋ, wə joge haa kel kə Pepeŋ, gud maa mo Pepeŋ əyu Tiiruŋ bay gədəəgi də.

Kel pəsaŋ kəmarwaŋ gə minti Zaŋ jiiriniy 7:39

Yeesu waataŋ kel teŋ haa cəərə Tiiru də minti kaa gə minti doŋ guuduŋ bə fəla yaŋ. Də ko toŋ ha'aŋ, Pepeŋ ayaŋ Tiiru a kaa kə doo-de kəm ba, gud maa mo Yeesu a kəm paapa apəy na bə hame boblo nuutuŋ na ba.

JOŊRE 16:7

Bə minti yə ɗeŋ a tuli warna maŋ sar Misi na anəkay, yə a bəlaŋ koore giidə seŋka də Bitini, səma Tiirə Yeesu əynəy kəkəy bə pa.

ROMEŊ 5:5

Ɗiki də áŋ bə malə-mele toŋ kole kese a áŋ ba, gud bə minti Pepeŋ ayaŋ bele nuutuŋ ku tarmə áŋa də Tiiru Cetcetaŋ də minti wə a ayna a áŋ.

ROMEŊ 8:9

Aŋ teŋ ha'aŋ, cəərəŋa abay haa paapa kar gə minti a kusukiŋaŋ ba, cəərəŋa abay haa Tiirə Pepeŋ gud bə minti a də əsə-isi giidəŋaŋ. Hulum bə minti Tiirə Kristu taŋ kəya jəŋ giidu baŋ, wə paapa kə Kristu ba faɗi.

I KOREŊTƏŊ 15:45

Gud maa mo wəra bə jeerə-jeere giidə Kefter kə Pepeŋa minti: Pepeŋ jəŋ hulum bə ajew, Adam, karman bə minti caw dədərgə. Kə Adam bə adoroŋ, Kristu, wə haa karman bə minti a tiiruŋa bə aye dədərgəŋ a kaŋ.

II KOREŊTƏŊ 1:22

Wə ayaŋ Tiiru Cetcetaŋ ku tarmə áŋa bə ge dər minti áŋ kə tó. Tiiru Cetcetaŋ taŋ haa karman bə minti wə deŋeŋ kar gə minti wə bə ɗe yaŋ a əyəy a áŋ dəərəŋ.

II KOREŊTƏŊ 3:17

Barkaŋ haa kənaŋ Tiiru Cetcetaŋ. Tiirə Barkaŋ əsəŋ ne a ko kəmanaŋ, bidiŋ wəra haa a ko toŋa gəm.

EFESIŊ 1:13

Aŋ gə minti əskəŋ kel kə gəəziŋ, *Kel pəsaŋ kəmarwaŋ gə minti aŋ fele seereŋ guudiŋ, aŋ wəra gə tapə-tepe də Kristu. Bədoona ana, aŋ doŋ gud Kristu gəm, kəya Pepeŋ aynaŋ Tiiru Cetcetaŋ də minti wə a waatənaŋ sam wəra a nəənəŋ. A gaŋ dərəŋ haa minti aŋ wəra kaa kə tó.

EFESIŊ 2:18

Gud maa mo, gud Kristu ha'aŋ, áŋ ɓasi keɗe, də keye kə Tiiru Cetcetaŋ tá məna'aŋ, áŋ máŋ gə nakə-neke bə ze sar Bar áŋ Pepeŋa.

EFESIŊ 4:30

Aŋ a jəəti kel kə aye laawe a Tiiru Cetcetaŋ kə Pepeŋ ba. Gud maa mo, Pepeŋ maltaŋ tarwa wəra sarəŋa dəərə bə ge dər minti, dər hi bə minti tó bidi kaŋ wəra duuru bə faɗnə-faɗna, aŋ wəra kaa kə tó gəəzə-gəəzi.

EFESIŊ 6:18

Dər koŋa keɗe, aŋ toosə Pepeŋ la də gidiirə tooseŋ, də manteŋ. Tiiru Cetcetaŋ kəyaŋ a tooseŋa haa tá. Aŋ əsə la wəra gə gunə-guni cəərə tooseŋa, aŋ a yəəku a kəkəya ba. Kaa kə Pepeŋ keɗe, aŋ toosə la ciiri gəm.

FILIPIŊ 1:19

Gud maa mo, ten wəra bə asə-ase minti, kel teŋ gila keɗe ɗe a awe ciiri haa bə seeren, gud bə minti aŋ bə toose cəərəna daana Tiiru kə Yeesu Kristu bə kəyana ada gəm.

1 TESALONIKIŊ 4:8

Gud teŋa ta, hulum bə minti ŋoryoŋ hate toŋ ne wəra kəyaŋ, wə ŋoryoŋ wəra haa paapa ku hulum ba, wə ŋoryoŋ wəra haa ku Pep bə minti aynaŋ Tiiru nuutu Cetcetaŋ.

I PIYER 1:11

Tiiru kə Kristu də minti a jəŋ giidiŋ, a wəətənəy wəra ajewa cəərə lese bə minti Kristu bə ɗe a saw yaŋ daana minti adordə lese toŋa, wə ɗe a fele aŋke yaŋ gəm. Kaa kə jogte ku mini kə Pep teŋ, goldoŋ hel bə ase minti kel teŋ ɗe a ji haa kotnə mo, daana naanaanə moŋ.

ZUDI 1:20

Səma aŋ, aŋ gədaarən, ɗe dəŋ jəə la saksaki bə əsə-isi cəərə de dəŋ *cetcetiŋa. Aŋ toosə la haa də səɓaki kə Tiiru Cetcetaŋ.

VEƊE 19:10

Kəya ten vaŋ də gəgəərən tiinə hulum bə digiŋa bə kaw awalna, səma wə waatənan minti: «A ji teŋ ba! Ten haa hulum bə joŋreŋ damdi tam daana kəsaanam ana toki gə minti doŋ gud kel gə minti Yeesu a jəŋ bar kəkəy diŋ. Kaa awalna la haa a Pepeŋ!» Gud maa mo kel gə minti Yeesu jəŋ bar kəkəy ciiriŋ, haa kel gə minti Pepeŋ kəltənəy warda ku *kaa kə jogte ku mini nuutu daŋ.