GALATIŊ 4:5 - JAA TƏMARWAŊ

⁵ kir minti wə məɗə kaa gə minti a jəŋ wəra kafkam kas ku gili toŋaŋ la wəra daana minti wə kolə áŋ la wəra karmə Pepeŋ.

GALATIŊ 4:5 Iomraidhean Croise

MATIYE 20:28

Gud maa mo, *Kormə Hulúm bəŋ haa paapa minti kaa jəw joŋre la ba. Wə bəŋ haa minti wə jəə joŋre la a kaŋ ɗaw daana bə aye dədərgə du wəra bə miɗi kaa ablaw.»

LIKI 1:68

«Tokɗeŋ jəə la kə Barkaŋ, Pep kə kaanə *Israyel, gud bə minti wə kəyaŋ kaa nuutuŋ, wə ɓitniy wəra.

Kel pəsaŋ kəmarwaŋ gə minti Zaŋ jiiriniy 1:12

Kaa kaayaŋ keɗe gə minti duunu irku du daana doŋ guuduŋ, wə əynəy kəkəy minti yə kolə la wəra karmə Pepeŋ.

JOŊRE 20:28

Aŋ amə ɗe dəŋ la, kaa gə minti Tiiru Cetcetaŋ a aynaŋ dəŋ kaasəŋa bə goleŋ keɗe, aŋ əməy la gəm. Kaa kə Tapi kə Pep gə minti wə kulnuy wəra kaa nuutu də kor də Kurmuyuŋ, aŋ jəy guudi la pisi.

ROMEŊ 10:4

Gud maa mo Kristu təwaŋ səɓaki də *ku giliŋ wəra, kir minti Pepeŋ kolə la duru ɗeker haa kaa gə minti doŋ neŋ keɗe.

ROMEŊ 8:14

Gud maa mo kaa gə minti Tiirə Pepeŋ bə ɗe diiri haa taŋ, yə karmə Pepeŋ.

ROMEŊ 8:15

Tiiru də minti aŋ falnaŋ koloŋ kafkam ba, a haraŋ dər walkaŋa bə gəm. A koloŋ ana ɗaw ha'aŋ karmə Pepeŋ. Ge áŋ bə mante Pepeŋa minti: «Aba, Barən!», haa tá faɗi.

ROMEŊ 8:19

Gud maa mo, kar gə minti Pepeŋ jiiniy keɗe bə mi hiŋa bə anə laki bə minti wə veɗe kərmuyu wəra pəɗaki duruŋ.

ROMEŊ 8:23

Bə nuumi paapa té təwa ba: áŋ gəm, áŋ gə minti Pepeŋ ayaŋ Tiiruŋ a áŋ damdi ku kar gə minti wə bə əyəy yaŋ a áŋ anaŋ, áŋ bə nuumi tarmə áŋa a kəkəy bə miŋa minti Pepeŋ kole áŋ kərmuyu gə gəəzə-gəəziŋ, haa minti wə bidi kusrə áŋ yaŋ wəra keɗe.

ROMEŊ 9:4

Yə haa kaasaw də moomo di *Israyel, Pepeŋ jəŋ kir minti yə kolə la wəra karmə tó, wə gəənəy diri wəra cəərə boblo nuutuŋa, wə topoŋ *jaa diiri, wə əynəy *ku giliŋ, wə kəənəy diri a kəkəy bə kaw awalnaŋa, wə wəətətənəy sam kar gə minti tó bə jiitiy di yaŋ gəm.

GALATIŊ 3:13

Kəəti kə Pepeŋ a humuŋ áŋ gud bə minti áŋ paapa bə ɗe gud ku giliŋa wəra ɓet-ɓeti keɗe ba. Bə hebkəna, Kristu bəŋ a kole kusru wəra a koɗ áŋa minti kəəti toŋ doo la máŋ haa tó. Bədoona ta, wə ɓətəŋ áŋ wəra ku. Gud maa mo Kefter kə Pepeŋ wəra bə jeerə-jeere minti: «Hulum bə minti kaŋ ɓəlnu ne wəra a kəbaŋaŋ, kəəti kə Pepeŋ duunu ne wəra ɗaw.»

GALATIŊ 3:26

Aŋ keɗe, aŋ koloŋ wəra karmə Pepeŋ haa gud bə minti aŋ doŋ gud Yeesu Kristuŋ. Kəya aŋ máŋ wəra tapi duuru.

GALATIŊ 4:21

Aŋ kaa gə minti golde minti aŋ ɗe nəətiŋ gud *ku giliŋaŋ, aŋ gosə waatan la kəm mo, gud kel gə minti ku giliŋ wəətəy paapa də dərəŋ bə mo?

GALATIŊ 4:7

Bədoona ta, mindi mindi mo adəwaldəŋa paapa kafkam pəda, aŋ haa karmə Pepeŋ ɗaw. Aŋ karmə Pepeŋ tə bə moŋ, kar gə minti Pepeŋ əyəy keɗe a kərmuyuŋ, aŋ bə fələy gəm.

EFESIŊ 1:5

Pepeŋ bəlaŋ áŋ səm moŋ, wə ɗampaŋ ɗiki du warda hãã ajew da minti tó bə kole áŋ wəra kərmuyu gud Yeesu Kristu. Haa karman bə minti wə a bəlaŋ minti wə jəə la bədoona gud giidu pəsaŋaŋ,

EFESIŊ 1:7

Gud maa mo, gud kor də Kristu bə minti a gaŋ wəra tə bə moŋ, áŋ wəra gə bədə-bidi daana áŋ fəlaŋ vəəgi bə giidu ne wəra cəərə baymele náŋa. Bədoona ana ta, Pepeŋ gaŋ gud boblo bə pisi nuutuŋ wəra, daana wə juunu sar áŋa ablaw faɗi, haa a kəkəy bə minti wə ayaŋ

EFESIŊ 5:2

Ɗe dəŋ haa la gud beleŋa tew-tew, damdi ɗe də Kristu a haŋ guuduŋ ana gəm. Gud maa mo, wə bəlaŋ áŋ ablaw daana wə ayaŋ kusru wəra a Pepeŋ gud áŋa damdi karman bə ayə-aye daana keere bə minti siisi duŋ siisunu warna fərəy-fərəy ana.

TITI 2:14

Tó də kusru wə ayaŋ kusru wəra bə miɗi áŋ wəra ku kel kə bayməlaŋa, bə kole áŋ wəra dər kaa nuutu gə minti wə pooroŋ wəra ciiri, daana gə minti məlaŋ ɗiki di wəra keɗe bə ji haa joŋre pisiŋ.

HEBEREŊ 1:3

Aŋke boblo bə sar Pepeŋ keɗe wəra bə gaa-ge guudu suru, kar gə minti aŋ fələy sar tó Pepeŋaŋ, wəra suru dege'-dege'i gəm. Kar kəm lam keɗe haa kir kasi kel gə waatə-waate gə ku gə səɓak-səɓakiŋ. Adordə minti wə pəŋ baymele kə kaŋ wəraŋ, wə ɗeŋ a isi warna apəy na a kasi kemer kə Pep bə minti səɓakiŋ kəəsu keɗeŋ.

HEBEREŊ 9:12

Wə kəlaŋ a *ko cetceti bə deŋe kumsuŋ naŋ kampa ɗaaməna faɗi. Wə kəlaŋ də kor kəəsu na bə ɗe a aye a Pepeŋ, haa paapa kor də kəparkaw ba, paapa kor də karmə kərkəw bə gəm, səma haa də kor du gadi faɗi. Wə ɓətəŋ áŋ wəra bə faɗnə-faɗna haa bədoona ana.

HEBEREŊ 9:15

Kristu jəŋ bədoona tə kəm, wə aduubə də kaŋa də Pepeŋ minti *jaa təmarwaŋ doo la, daana minti kefter kimirwi bə waate sam gubliŋ jəə la bəy haa sə teŋ. Wə jəŋ bədoona kir minti kaa gə minti Pepeŋ məntənəy wardaŋ, yə nakə la bə fele kar pəsaŋ gə bay tewe gə minti wə a wəətənəy səməy warda a niiniŋ. Kel teŋ neke bə ɗe a ji wəra bədoona, haa gud bə minti hulum a meŋ wəra daana wə bədəŋ kaŋ wəra ku baymele bə minti yə a juutunu dər jaa də ajew daŋ.

I PIYER 3:18

Kristu də kusru ləsaŋ warna gud baymele kə kaŋ na kampa məna faɗi. Tó bə minti jəŋ baymele hõy baŋ, wə ləsaŋ a koɗ kaa kə baymeleŋa kir minti tó ɗee la dəərəŋ a Pepeŋ. Kaŋ awaŋ haa kusuki du, səma Tiiru Cetcetaŋ haraŋ bə əyu dədərgəŋa.

VEƊE 14:3

Kaa 144.000 gə əsə-isi tiinə jaaŋa də kumnaŋa, tiinə kar waaɗe'iŋ gə dədərgəŋa, tiinə kaa kəmtəŋ gə tiinə kaŋa gəm. Yə gaŋ gudul kimirwi bə minti hulum baalaŋ nəkaŋ bə hətu ba, hətnu haa kaa té gə minti wə miɗniy ciiri warda adawra daŋ təwa.

VEƊE 5:9

Yə bə ge gudul kimirwi bə tokɗe Kormə Taaməkaŋa minti: «Tam bə nakə-neke bə he kefter, daana bə poke kaknay gə kuŋ wəra. Gud maa mo yə awnam wəra bə ji keereŋ, tam məɗəŋ cəərə kaŋ a Pepeŋ də kor dəm gə aduubə də kaasaw də kaŋ keɗe, ku kaŋ keɗe, gidiirə kaŋ keɗe, gə giidə seŋkaŋ keɗe gəm.