GALATIŊ 4:4 - JAA TƏMARWAŊ

⁴ Səma, hi bə minti Pepeŋ a ŋəmnuŋ nəkaŋ wəra kəyaŋ, wə gaŋ kurmuyu da faɗi. Wəənu wəra cəərə seŋkaŋa haa həlgə. Wə humuŋ kosoŋ cəərə *ku gili kə kaanə Ziwifiŋa,

GALATIŊ 4:4 Iomraidhean Croise

MATIYE 1:23

Kel teŋ haa minti: «Tər tew bə he məənə yaŋ. A bə we korməya yaŋ, yə bə məlu səmu yaŋ minti Emanuwel, gud sam toŋ haa minti Pepeŋ də áŋ.»

MATIYE 3:15

Səma Yeesu hərnu kel minti: «Doo haa la minti kel teŋ ji bədoona ana kaadəəməy, gud maa mo áŋ de ku kel gə minti giidə Pepeŋ bələy wəra haa də teŋ kəya.» Kəya Zaŋ doŋ haa nuutu faɗi.

MATIYE 5:17

«Ten waataŋ ha'aŋ, aŋ a ɗiki minti ten bəŋ a ɓalke *ku gili kə Moyisiŋ daana hate bə minti *kaa kə jogte ku mini kə Pepeŋ a hatnaŋ dəŋ wəra ba. Ten bəŋ nin haa ɗaw a doy kuy wəra.

MARKƏ 1:15

minti: «Hitiŋ doŋ ku ne wəra. Hebkəna haa ko bə minti Pepeŋ maŋ bə hame kumna nuutuŋ duruŋ. Aŋ kolə kerkeŋ la a baymele nəətiŋ, aŋ doo la gud Kel pəsaŋ kəmarwaŋ kə Pepeŋa.»

LIKI 1:31

Golə la, te he məənə yaŋ daana te we pur koŋkor yaŋ, te məlu səmu yaŋ minti Yeesu.

LIKI 1:35

Hulum bə digiŋ harna kel minti: «Tiiru Cetcetaŋ bi yaŋ ciiri, səɓaki kə Pep bə Daŋə-Deŋeŋ kulɓi yaŋ ciiri akas gəsaatərna ana. Gud teŋa kurmuyi bə minti te bə waw ha'aŋ, wə ji yaŋ kə Pepeŋ. Yə məntu yaŋ Kormə Pepeŋ.

LIKI 2:7

A waŋ kormoya bə ku gawnaŋ, a kulnu də dəməəmə, a gəənu giidə giŋa. Yə jəŋ bədoona gud bə minti yə fəlaŋ ko bə hi giidə kuli bə həəti kə kaa kə gəryiŋa ba.

LIKI 20:44

Jəəne bədoona ana minti Davidi məntu minti ‹Barkaŋ›, wə bə ji naanaanə kaasaw du təwa faɗi mo?»

Kel pəsaŋ kəmarwaŋ gə minti Zaŋ jiiriniy 1:14

‹Kel kə Waateŋ› koloŋ wəra hulum kisirki. Hulum toŋ a jəŋ aduubə də are, are asaŋ boblo nuutu də dər are. Boblo toŋ wə fulnu haa kasi Buru, gud minti wə haa kurmuyu tó ɗaaməna'iŋ faɗi. Pisi bə minti wə jəw sar kaŋaŋ də anə kel gə gəəzə-gəəziŋ, wə wəra bə ɗosə-ɗose duuru.

Kel pəsaŋ kəmarwaŋ gə minti Zaŋ jiiriniy 10:36

Katən ha'aŋ, Barən ŋamnan, wə gaanan cəərə seŋkaŋ da. Aŋ bə waatan minti ten sarte sam Pepeŋ gud minti ten waataŋ minti ten kəna Kurmuyuŋ, haa naanaanə mo?

Kel pəsaŋ kəmarwaŋ gə minti Zaŋ jiiriniy 3:16

Gud maa mo Pepeŋ bəlaŋ kaa gə adawraŋ wəra kə ablaw. Gud teŋa ta, wə ayaŋ kurmuyu məna'iŋ da minti mindi mindi mo doŋ ne guuduŋ, wə a bese wəra ba, səma wə falə nuutu la haa dədərgə də bay teweŋ.

Kel pəsaŋ kəmarwaŋ gə minti Zaŋ jiiriniy 6:38

Gud maa mo ten bəŋ apəy da haa bə bi a ji kar gə minti giidə Pep bə minti gaanan daŋ bələy, paapa gə minti giidən bələy ba.

Kel pəsaŋ kəmarwaŋ gə minti Zaŋ jiiriniy 8:42

Wə minti: «Pepeŋ a jəə la bəraŋ gəəziŋ, aŋ sə a bəlan, gud maa mo ten faŋ haa suru da minti ten bəŋ kənaŋ. Ten bəŋ paapa də ɗiki dən gadi faɗi ba, gaanan da haa tó.

JOŊRE 1:7

Yeesu hərnəy kel minti: «Ko toŋ daana hiti toŋ, jəmnu warda haa Barən ŋel məna. Kel teŋ ase kaasəŋa ba, yə paapa kel nəətiŋ ba.

ROMEŊ 1:3

Kel teŋ waate haa cəərə Kurmuyuŋa. A kusukiŋa, wə bəŋ haa a kaasaw də kumna *Davidi da.

ROMEŊ 15:8

Ten waate haa gəəziŋ minti Kristu bəŋ cəərə seŋkaŋa ha'aŋ, bə bi a ji hulum bə joŋre kə kaanə Ziwifiŋ. Wə gəənəy diri cəərə ɓeti kə Pepeŋa a kəkəy bə minti wə doŋ ku kel gə minti Pepeŋ a wəətənəy səməy warda a kəmoomo diŋ.

ROMEŊ 5:6

Gəəzi, bə minti áŋ a saksaki paapa bə he baymele bə sar áŋa wəra baŋ, Kristu bəŋ a me wəra gud áŋ kaa kə ji baymeleŋa bə pəw wəraŋ. A ŋəmaŋ ko toŋ haa Pepeŋ.

ROMEŊ 8:3

Bədoona ana ta, Pepeŋ jəŋ karman bə minti *ku gili kə *Moyisiŋ a nəkaŋ bə jəw ba gud bə minti hulum a kusukiŋa wəra də dewe hasi bə ɗe də ku giliŋ. Wə jəŋ karman toŋ haa də bə minti wə gaŋ Kurmuyu derra'iŋ da də kusrə hulum kisirkiŋ suru damdi bə sar kaa kəsarkaŋ gə minti jəəti baymeleŋ ana gəm, bə əyu damdi karman bə keere ana cəərə baymeleŋa. Haa də hel taŋ minti wə təwaŋ baymele bə giidə kusrə kaa bə hatə-hate də baymeleŋ wəraŋ.

ROMEŊ 9:5

Yə a kaasaw də kəmoomo di gə Hebere gə samsam da. Kristu waŋ bə hulum kisirki ana haa a kaasaw di da gəm, tó bə minti wə haa Pepeŋ bə əsə-isi cəərə kara keɗeŋ. Tokɗeŋ jəə la nuutu bə faɗnə-faɗnaŋ! *Amen!

EFESIŊ 1:10

daana tó ɗe a gaara cəərə wəra a tewe də laateŋa. Hel taŋ haa minti, kar gə minti apəyaŋ, də kaayaŋ gə adawraŋ keɗe, tó bə təpəy ciiri yaŋ kasi kumna məna'i: kumna toŋ haa Kristu.

KOLOSIŊ 2:14

Gud maa mo, kefter bə waate sam kel gə minti áŋ a jiitiniy a kuɗiŋa damdi ku giliŋ waate ana baŋ, wə ɓəlkunu wəra. Kefter toŋ paapa bəy pəda, gud bə minti wə ɓəlnu wəra də Kristu a kəbaŋ gə largaŋa.

I TIMOTE 2:6

Wə ayaŋ kusru wəra bə miɗi kaŋ wəra keɗe. Wə jəŋ bədoona ha'aŋ bə ge dər kaŋ wəra a ko duŋa anə ɓeti minti Pepeŋ bele haa minti kaŋ keɗe seerə la wəra.

I TIMOTE 3:16

Gəəzi kel kəmtəŋ té gə minti Pepeŋ vəɗnəy wəraŋ, haa kel gə minti ge dər áŋ a ɗe bə gud Pepeŋaŋ. Hulum neke bə malte ku cəərə kel teŋa kəya ba. Yə haa minti bəŋa: Kristu vəɗaŋ kusru wəra hulum kisirki. Tiiru Cetcetaŋ gəənu guudu wəra minti wə ɗeker. *Kaa kə digi kə Pepeŋ əsnu wəra. Gidiirə kaŋ wəətunu kel nuutuŋ wəra. Giidə koŋa wəra keɗe, kaŋ doŋ gud kel nuutuŋa. Pepeŋ həənu warna apəy na a ko bə məyan na.

HEBEREŊ 2:14

Bədoona ana, kərmuyu té gə minti wə wəətənəy simiy kənaŋ, yə haa kaa kəsarkaŋ də kusuki di daana kor di siri gadi faɗi. Tó də kusru wə koloŋ bə té ana gəm, kir minti tó ɓalkə səɓaki kə Nərtitiŋ la wəra də me kə toŋ, gud bə minti kaŋ fele meŋ gud kel də.

HEBEREŊ 9:10

Gud maa mo, ke bə awalna taŋ də əsə-isi haa cəərə ke bə gədəəgi də kar kə hame kəmana, kar kə se, daana anə gidiirə baade bə minti kole kaŋ wəra cetcetiŋ. To'osi taŋ haa cəərə kar gə minti áŋ bə əsəya wəra kəna gal taakawaŋ. Pepeŋ jiiniy bə isi anə sawəwa təwa, hãã bə minti tó kole karman baalaŋ kimirwi a kuɗi.

I ZAŊ 4:14

Are ji kəmnə də kəkəy haa cəərə kel gə minti are əsnəy də kusrə areŋ minti: Bar áŋ Pepeŋ gaŋ Kurmuyuŋ da minti wə jəə la Hulum bə seere kaa gə cəərə seŋkaŋ.

I ZAŊ 4:2

Haa kənaŋ kəkəy bə minti aŋ ase wəra minti haa Tiirə Pepeŋ mo, paapa moŋ: hulum bə minti waate wəra kəkər minti Yeesu Kristu waŋ a kusukiŋaŋ, Tiirə Pepeŋ giidu.