GALATIŊ 4:3 - JAA TƏMARWAŊ

³ Áŋ gə Ziwifiŋ ha'aŋ, áŋ a jəŋ ajew haa bə kəmar koncoŋ ana gəm, áŋ a paapa wəra cəərə kusrə áŋa ba. Áŋ a jəŋ haa kafkam kas to'osi də cəərə seŋka də minti áŋ a suŋ warda dəərə siŋ.

GALATIŊ 4:3 Iomraidhean Croise

MATIYE 11:28

Aŋ kaa gə minti gəyaŋ wəra kasi eele bə hale ku giliŋ, aŋ bəəda sarən da, ten ayaŋ faake yaŋ.

Kel pəsaŋ kəmarwaŋ gə minti Zaŋ jiiriniy 8:31

Kəya Yeesu waataŋ kaanə Ziwifi gə minti doŋ guuduŋ minti: «Aŋ əsəŋ ne ɓeti də kel katən, aŋ bə ji yaŋ kaa gə guudən gəəzi,

JOŊRE 15:10

Doloy bədoona tə kəm, aŋ gole koɗ Pepeŋ haa səm mo a kəkəy bə minti aŋ bele mele eele toŋ cəərə kaa kə doo-deŋa? Eele toŋ ha'aŋ, koo kəmoomo də áŋ gə dayday, koo nuutu áŋ də kusrə áŋ gəm, hulum nəkaŋ bə həlu ba.

ROMEŊ 7:14

Áŋ wəra gə asə-ase minti *ku giliŋ haa a tiiruŋa, səma ten toŋ haa a kusukiŋa, bə gusə-gusi wəra kafkam a baymeleŋ.

ROMEŊ 8:15

Tiiru də minti aŋ falnaŋ koloŋ kafkam ba, a haraŋ dər walkaŋa bə gəm. A koloŋ ana ɗaw ha'aŋ karmə Pepeŋ. Ge áŋ bə mante Pepeŋa minti: «Aba, Barən!», haa tá faɗi.

II KOREŊTƏŊ 11:20

Kaa teŋ jəŋ damdi aŋ kafkam ana, yə jəətəŋ tiniini dəŋ, yə humtuŋ kar nəətiŋ, yə roŋte kirki dəərəŋ daana yə lətaŋ warna gabyaŋ na, də teŋ keɗe aŋ duuniy sarəŋa!

GALATIŊ 2:4

Də teŋ keɗe kaa kəman yaŋ ada, jəŋ kusri damdi té kaa kə doo-de ana, anaaŋa paapa anə ceki. Yə a goldoŋ haa minti Titi jamə tənturu la wəra me'i. Yə vaŋ aduubə də are da dəgaaya-dəgaaya, bə bi a ase hel də kel gə minti Yeesu Kristu bədəŋ are wəra ku *ku gili kə *Moyisiŋa gud tepe naareŋa duuruŋ. Yə a goldoŋ doloy ha'aŋ minti té hare are kafkam kə ku gili toŋ pa.

GALATIŊ 3:19

Ãhãã, a jəəne doloy bədoona tə kəm, pisi bə ku giliŋ bə jəŋ haa maa mo? Pepeŋ a əynu a are haa bə ke dər are cəərə kel kə bayməlaŋ gə minti are a bə jiyaŋ. Wə a əynu kəm haa kaadəəməy kir minti kaasaw də Abraham tó bə minti Pepeŋ a wəətunu səmu wəraŋ, bəə la wəra kəm. Pepeŋ ayaŋ ku gili da a *kaa kə digi nuutuŋ minti yə ɗee la a jugu wəra a kaa kəsarkaŋ. A ko toŋa kəya, yə doŋ hulum aduubə də kaŋa də Pepeŋ bə harte də kel.

GALATIŊ 4:2

Kaŋ kəm bə jəw gud kar nuutuŋa, bə jəw guudu gəm, hãã bə minti buru ɗeŋ a ase hi bə nakə-neke bə əyu begeŋ a nuunuŋ.

GALATIŊ 4:24

Kel teŋ haa kənaŋ ge dər áŋ cəərə karmana: kəram té ɓasi gə ŋarə-ŋere haa də *jaa ɓasa də minti Pepeŋ topna də kaŋ. Agar, həlgə kafkam, haa damdi jaa də minti Pepeŋ doona də *Moyisi cəərə pərki bə minti yə məntu minti Sinay ana. Sara haa damdi jaa də minti Pepeŋ doona də Abraham ana gəm. Agar we karməyaŋ, yə kafkam tə bə moŋ, kaa gə minti bə ɗe gud ku gili kə Moyisiŋaŋ, yə haa akas kafkama ana gəm.

GALATIŊ 4:25

Áŋ a asaŋ hebkəna da ha'aŋ, minti Agar haa damdi jaa də minti Pepeŋ doona də Moyisi cəərə pərki bə Sinay bə minti giidə seŋka də Arabiŋaŋ ana. A ɗikiŋaŋ, kel də Agar ŋəraŋ haa də kel də vil də Zeruzalem ana'i. Kaa gə giidə vil də Zeruzalem də hebkənaŋ ha'aŋ, yə haa akas kafkama ana gud bə minti yə ɗe haa gud ku giliŋ kə Moyisiŋa.

GALATIŊ 4:31

Bədoona ana ta kəsaananti, áŋ paapa damdi kormə tər kafkam ana ba. Áŋ teŋ haa damdi kormə həlgə də minti taŋ a paapa kafkam baŋ ana'i.

GALATIŊ 4:8

Aŋ kaanə Galatiŋ, aŋ a dayday ha'aŋ, Pepeŋ a paapa də dərəŋ ba. Aŋ a jəŋ haa kafkam kə kar gə minti aŋ məntəy minti anə pepe kəman, doloy ha'aŋ, yə paapa Pep bə gəəziŋ ba.

GALATIŊ 4:9

Ana hebkəna bə minti aŋ asaŋ Pepeŋ wəraŋ, ten sə a waate haa kəna minti Pepeŋ asnaŋ wəraŋ ɗaw, bə jəŋ naanaanə minti aŋ haraŋ dərəŋ gud to'osi tá də boobo də minti paapa də nakə-neke karman baŋ, bə maa pə mo? Aŋ bele minti aŋ harə la kafkam kə to'osiŋ taŋ haa səm pə mo?

KOLOSIŊ 2:20

Aŋ wəra gə mee-me də Kristu daana aŋ wəra gə bədə-bidi ku səɓaki kə kəwal gə minti gə əsə-isi kəkamna cəərə seŋkaŋaŋ. Bədoona ana tə kəm, aŋ bə ji kusrəŋ damdi aŋ kəm kir kasi kar té gə cəərə seŋka ana, bə tope haa də sar ku gili tó kay-kayiŋ minti:

KOLOSIŊ 2:8

Aŋ əsə la wəra gə gunə-guni kir minti hulum kəman a humuŋ amaaya də ase bə ji tiniini də kaŋ, bə minti keye baŋ bə gəm. Golde bə gud hate bə ɗiki toŋ bəŋ paapa sar Kristu da ba. Kəsar du faŋ haa gud hate bə to'osi kə kaa kəsarkaŋ da anə hãã daana cəərə kəwal gə minti gə əsə-isi kəkamna cəərə seŋkaŋaŋ.

HEBEREŊ 5:12

Hitiŋ gila keɗe a máŋ bə nakə-neke bə minti aŋ a máŋ kəna kaa kə hate. Ana pə ɗaw, aŋ bə jəŋ kəm də caadə minti hulum hataŋ kel kə Pep gə minti kaŋ hətəy a kəkəy bə minti yə de kəm deŋ. Bə minti aŋ a sə a hame máŋ karman gagraŋiŋ, aŋ haraŋ də caadə kaw damdi kəmar koncoŋ koloy-koloy ana.

HEBEREŊ 7:16

Wə koloŋ hulum bə keere haa paapa gud kel kə ku giliŋa gə minti waate minti wə sə a waa la haa a gidiirə hulum kəmana anəkay me'iŋ ba. Wə koloŋ haa gud kel də səɓaki də dədərgə du də minti ji yaŋ bə faɗnə-faɗnaŋ.