GALATIŊ 4:24 - JAA TƏMARWAŊ

²⁴ Kel teŋ haa kənaŋ ge dər áŋ cəərə karmana: kəram té ɓasi gə ŋarə-ŋere haa də *jaa ɓasa də minti Pepeŋ topna də kaŋ. Agar, həlgə kafkam, haa damdi jaa də minti Pepeŋ doona də *Moyisi cəərə pərki bə minti yə məntu minti Sinay ana. Sara haa damdi jaa də minti Pepeŋ doona də Abraham ana gəm. Agar we karməyaŋ, yə kafkam tə bə moŋ, kaa gə minti bə ɗe gud ku gili kə Moyisiŋaŋ, yə haa akas kafkama ana gəm.

GALATIŊ 4:24 Iomraidhean Croise

MATIYE 13:35

kir minti kel gə minti *hulum bə jogte ku mini kə Pepeŋ a wəətənəy wəraŋ doo kuy la wəra minti: «Ten bə wəətətəy kel yaŋ də ku kumti. Kel gə minti gə metə-mete a mele bə gud koŋ da anə hãã, ten kay guudi yaŋ wəra.»

ROMEŊ 8:15

Tiiru də minti aŋ falnaŋ koloŋ kafkam ba, a haraŋ dər walkaŋa bə gəm. A koloŋ ana ɗaw ha'aŋ karmə Pepeŋ. Ge áŋ bə mante Pepeŋa minti: «Aba, Barən!», haa tá faɗi.

I KOREŊTƏŊ 10:11

Kel teŋ jəŋ siri gila keɗe haa bə ge kosnə kaŋ minti yə a ji bədoona ba. Yə gə jeerə-jeere giidə Kefter kə Pepeŋa gəm haa minti áŋ hatə la ada. Gud maa mo áŋ hebkəna dər ko bə minti wəra máŋ a tawte duŋa.

I KOREŊTƏŊ 10:4

daana yə saŋ kan gə minti Pepeŋ əynəy diŋ té keɗe gəm. Kan teŋ ãyaŋ warda sar pərki kəman bə minti Pepeŋ a əynəy diŋ, bə minti bə zeede guudi gəm. Pərki toŋ a haa Kristu də kusru faɗi.

GALATIŊ 4:25

Áŋ a asaŋ hebkəna da ha'aŋ, minti Agar haa damdi jaa də minti Pepeŋ doona də Moyisi cəərə pərki bə Sinay bə minti giidə seŋka də Arabiŋaŋ ana. A ɗikiŋaŋ, kel də Agar ŋəraŋ haa də kel də vil də Zeruzalem ana'i. Kaa gə giidə vil də Zeruzalem də hebkənaŋ ha'aŋ, yə haa akas kafkama ana gud bə minti yə ɗe haa gud ku giliŋ kə Moyisiŋa.

GALATIŊ 4:3

Áŋ gə Ziwifiŋ ha'aŋ, áŋ a jəŋ ajew haa bə kəmar koncoŋ ana gəm, áŋ a paapa wəra cəərə kusrə áŋa ba. Áŋ a jəŋ haa kafkam kas to'osi də cəərə seŋka də minti áŋ a suŋ warda dəərə siŋ.

GALATIŊ 5:1

Kristu bədəŋ áŋ wəra ku *ku gili kə kaanə Ziwifiŋa minti áŋ a ji kafkam kə karman pəda anə hasi. Bədoona ta, aŋ əsə la wəra ŋəŋ cəərə kusrəŋa, aŋ a yaake kusrəŋ bə hare kafkam pəda.

HEBEREŊ 11:19

A wəra cəərə Abrahama kaŋkaŋ minti Pepeŋ bə nakə-neke bə hare hulum bə mee-meŋ wəra dədərgə. Gəəzi ha'aŋ, Pepeŋ bə hərnu kurmuyuŋ a nuunu. Kel teŋ ge dər haa cəərə karman bə minti bə ji yaŋ ajew naŋ.

HEBEREŊ 12:24

Aŋ dəyaŋ maŋ haa sar Yeesu, hulum bə minti bə əsə-isi aduubə də kaŋa də Pepeŋ cəərə de bə *jaa təmarwaŋaŋ, daana sar kor du bə minti a jeteŋ wəra bə poore kaŋ. Kor du toŋ dayna bə waate kela a áŋ dəŋaŋ kə Abel.

HEBEREŊ 13:20

Pepeŋ bə kəkaɓiŋ haraŋ Barkaŋ náŋ Yeesu wəra dədərgə adordə meŋa. Wə kulnu hulum boblo bə ameŋ bə gole cəərə áŋ, daana wə doŋ *jaa təmarwa də faɗnə-faɗna də kaŋ haa gud kor du.

HEBEREŊ 7:22

Bədoona ana ta, *jaa təmarwa də daŋə-deŋe yaŋ; Yeesu haa bərdə kəkəy də minti a ji yaŋ pal-pal.