GALATIŊ 4:19 - JAA TƏMARWAŊ

¹⁹ Gəəzi karmanti, ten haraŋ bə se lasi kəm kampa məna guudəŋa pa. Lasi taŋ kəyaŋ, haa damdi kə həlgə də doo-de weŋ ana'i. Ten ji yaŋ dərə saksaki hãã bə minti aŋ haŋ sar kel kə Kristu ne wəra kəm dege'-dege'i gəm.

GALATIŊ 4:19 Iomraidhean Croise

LIKI 22:44

A ko toŋa kəya, tarmə Yeesu cəmaŋ wəra ablaw. Wə haraŋ bə toose də səɓaki pisi toosa pa. Həɓi du koloŋ wəra akas kora ana bə tuuti adawra.]

ROMEŊ 13:14

Aŋ ganə la haa də Barkaŋ Yeesu Kristu. Aŋ yaakə ɗiki bə kar gə minti kusrəŋ bə hatə-hate də baymeleŋ bele minti aŋ jəy laŋ la faɗi.

ROMEŊ 8:29

Gud maa mo kaa gə minti wə əsnəy warda ajew, wə haŋ ɗiki wəra ciiri faɗi gəm minti tó zey wəra dəra'i a tó kir minti yə kolə la bə he Kurmuyuŋa anə dege'-dege'i faɗi. Bədoona ana wə ji yaŋ beskeŋ də kəsəənu gə ablaw.

II KOREŊTƏŊ 12:14

Ten wəra bə ɗampə-ɗampe bə hare gerdeŋ na kampa bə soopeŋ, ten bə ɗe a yaake kusrən bə eele huluma guudəŋa bə pa. Ten də caadəŋ aŋ də kusrəŋ, ten paapa də caadə soloy nəətiŋ ba. Gud maa mo, paapa joŋre kə kəmar koncoŋ minti yə kotə cəərə soloy la a kəmniŋ ba, səma kote cəərə soloy a kəmar koncoŋ haa kəmniŋ ɗaw.

EFESIŊ 4:13

Bədoona ana ta, áŋ neke yaŋ keɗe bə ji tapi dər de náŋa daana dər ase náŋa cəərə Kormə Pepeŋa. Áŋ kole yaŋ wəra kaa kə jeŋə-jeŋe daana kaa gə minti si yaŋ hãã bə ɗe a de ku áŋ wəra, damdi ku Kristu wəra bə doo-de ana gəm.

EFESIŊ 4:24

Aŋ darə tiirəŋ təmarwaŋ la cəərəŋa, tiirəŋ tá də minti Pepeŋ a jəənə bə tó ana'iŋ, kir minti ɗe dəŋ tapə la də kel kə gəəzə-gəəziŋ. Kel teŋ haa minti ɗe dəŋ jəə la wəra ɗeker daana *cetceti.

FILIPIŊ 1:8

Gəəzi, Pepeŋ bə asə-ase minti ten bə bəlaŋa keɗe haa də bele kə Yeesu Kristuŋ.

FILIPIŊ 2:17

Jəəne nuutu minti yə awan wəraŋa awe, ten də waale. Gud maa mo, kor dən bə gaa-ge wəraŋ bə ji haa karman bə ayə-aye bə minti tepe də keere bə minti aŋ juunu a Pepeŋ; keere toŋ haa de nəəti bə guuduŋ. Bədoona kəya ten ji waale dəərəŋ keɗe.

FILIPIŊ 2:5

Aŋ jəə kusrəŋ la adəwaldə kumsəŋa bədoona, gud bə minti kaa gə minti gə tapə-tepe də Yeesu Kristuŋ kir ji haa karman toŋ faɗi.

KOLOSIŊ 1:27

Gud maa mo, Pepeŋ a bəlaŋ gay diri cəərə pisi də hel nuutu də metə-meteŋa də fele bə guudəŋ ada keɗe, də minti wə a ɗampəna a gidiirə kaŋ keɗeŋ. Hel tá də metə-meteŋ haa minti Kristu gal giidəŋa. Məlaŋ ɗiki dəŋ wəra kaŋkaŋ minti aŋ ɗe a fele boblo kə Pepeŋ yaŋ haa tó.

KOLOSIŊ 2:1

Bədoona ana, kuuri bə minti ten bə kuuru guudəŋaŋ, gud kəsaanan gə Lawdiseŋa daana kaayaŋ gə ablaw gə minti asnan hõy də diri baŋ, gəəliŋ naanaanə me'i moŋ, aŋ asə la wəra.

KOLOSIŊ 3:10

Aŋ koloŋ hebkəna damdi kaa kəmarwaŋ ana faɗi. Pep bə minti a jəənəŋ, kolnoŋ wəra kəmarwaŋ haa tó. Wə bə ji joŋre sarəŋa saksaki bə koloŋ wəra damdi tó ana kir minti aŋ nakə la bə əsu wəra kaŋkaŋ.

KOLOSIŊ 4:12

Epafrasi, hulum nəətiŋ, bə mirkiŋ na gəm. Wə haa hulum bə joŋre kə Yeesu Kristuŋ, wə bə kuuri də tooseŋ guudəŋa kir minti aŋ əsə la ŋəŋ a deŋa, aŋ jəə la wəra gə naa-ne daana aŋ jəə la wəra máŋ gə ayə-aye ɗiki dəŋ bə ji karman bə minti giidə Pepeŋ bəluŋ keɗe.

1 TESALONIKIŊ 2:7

Are *kaa kə vaa-ve kə Kristuŋ tə pə moŋ, are gə nakə-neke bə waate minti are ji cəərəŋa bə kəkamna ana. Səma, are jəŋ bədoona ba, are a jəŋ aduubə dəŋa sããya zugi damdi nər kəmar koncoŋ jəy guudiy ana.

I TIMOTE 1:2

Ten gam kefter toŋ kaynaŋ a nəənəm tam Timote, tam kormon bə gəəzə-gəəzi gud de nəmtiŋa gud Kristu Yeesuŋ. Pisiŋ, ji bə giidu pəsaŋ, də kəkaɓiŋ kə Pep Abaŋ daana kə Kristu Yeesu Barkaŋ náŋ jəə la cəərəŋa.

TITI 1:4

Ten bə jeerem kefter toŋa a nəənəm tam Titi, tam kormon bə gəəziŋ gud tepe náŋa a de bə gud Pepeŋa. Pisiŋ daana kəkaɓi kə Pep Abaŋ də Kristu Yeesu Hulum bə seere áŋ jəə la cəərəma.

Filemoŋ 1:10

ten bele jəm kamkam cəərə kormon Onesima. Wə koloŋ kormon a ko bə minti ten wəra kəna a daŋgayaŋ.

Filemoŋ 1:19

Ten jeerem kel teŋ day ta'i kəna ten Pol də kaasən minti: ten bə werkem yaŋ wəra. Tam də kusrum gəm, cəərəm a ge wəra bə gəm minti dədərgə də bay teweŋ ha'aŋ, tam əskənə kel də haa kunaŋ.

HEBEREŊ 5:7

Bə minti Yeesu a jəŋ kəm caw cəərə seŋkaŋaŋ, wə wəra bə asə-ase minti Pepeŋ bə nakə-neke bə de tó wəra ku meŋa tə kəm, wə tuusunu də kamkam guudu ada, bə naakte ku wəra anə koloŋ-koloŋ, bə hage də kan kə duru gəm. Kəya Pepeŋ uskunu ku gud humi bə kosoŋ nuutu bə cuuruŋa.

ZAKI 1:18

Gud giidu, wə jəŋ áŋ minti áŋ falə dədərgə la haa də kel gə gəəzi nuutuŋ. Wə jəŋ teŋ bədoona ana haa minti, kar gə minti tó jiiniy keɗe'i, áŋ kolə la kaa kə ajew aduubə də kar teŋa haa áŋ faɗi.

I ZAŊ 2:1

Karmanti, ten jeere kel teŋ a nəənəŋ haa minti aŋ a ji baymele ba. Səma jəəne minti hulum kəman jəŋ baymeleŋ neŋ, hulum bə keye cəərə áŋ tiinə Bar áŋ Pepeŋa yaŋ, haa Yeesu Kristu, hulum ɗekeriŋ.

I ZAŊ 2:12

Karmanti, ten jeere a nəənəŋ gud bə minti baymele nəətiŋ fəlaŋ vəəgi bə giiduŋ ne gud sam Yeesu.

I ZAŊ 5:21

Karmanti, aŋ amə kusrəŋ la pisi sar kar gə minti kaŋ guluy pepe neeteŋ, aŋ a tapte diiri ba.

III ZAŊ 1:4

Bə minti ten əski minti karman bə ɗe gud gəəziŋaŋ, karman baalaŋ bə jən waale bə deŋe kel teŋ kəya pa pəda.