GALATIŊ 4:18 - JAA TƏMARWAŊ

¹⁸ A nuutu haa karman pisi bə minti kel də kumsəŋ ɗəmaŋ, səma jəə la haa gud kel pəsaŋa. Bə minti áŋ a jəŋ də kumsə áŋ, kel dən ɗamnaŋ ablaw. Bə hebkənaŋ, ten bele haa minti aŋ raawə la bədoona, jəəne nuutu minti ten paapa saraŋ na pədaŋ.

GALATIŊ 4:18 Iomraidhean Croise

Kel pəsaŋ kəmarwaŋ gə minti Zaŋ jiiriniy 2:17

Kəya cəərə *kaa gə guuduŋ haraŋ bə ɗiki cəərə kel gə minti a jəŋ warda gə jeerə-jeere minti: «Tay də Kuli nəmtiŋ ɗəman haa damdi cəwaŋ bə hogtona ana.»

I KOREŊTƏŊ 15:58

Gud teŋa ta, aŋ kəsaanan gə minti giidən bəlaŋ, aŋ əsə la ŋəŋ, aŋ a yaake kusrəŋ bə daɓye ba. Aŋ jəə joŋre kə Barkaŋ la pisi jəə saksaki gud bə minti aŋ wəra gə asə-ase minti, joŋre bə minti aŋ jəw gud tepe nəətiŋa də Barkaŋ bese wəra boobo ba.

GALATIŊ 4:13

Bə minti ten ɗeŋ gerdeŋ ajew faɗi, cəərəŋ kəm bay ge. Ten jəŋ ateŋa aduubə dəŋa haa kasi ɗemeŋ. Ten waatənaŋ *Kel pəsaŋ kəmarwaŋ wəra, haa də ko toŋ faɗi gəm.

GALATIŊ 4:17

Kaa té gə minti bə kunti kuurə Kel pəsaŋ kəmarwaŋa lamaŋ, bə ji wəra anə keɗe-keɗe damdi kel dəŋ bə ɗəməya ana. Səma, ɗiki neeteŋ paapa pisi ba. Yə golde ɓarse haa adəwaldə áŋ dəərəŋ kir minti aŋ kolə la wəra gud té faɗi.

GALATIŊ 4:20

Giidən bə ɗamna wəra ablaw hasi faɗi minti ten sə a jəə la hebkəna haa saraŋ na, bə ɗe a waataŋ kel də hel daalaŋ faɗi. Gud maa mo, koŋ paapa bə dona gud kel dəŋa ba.

FILIPIŊ 1:27

Səma, ɗe dəŋ jəə la bə tapə-tepe haa də *Kel pəsaŋ kəmarwaŋ kə Kristuŋ. Bədoona ta, jəəne minti ten bə ɗe yaŋ na a goloŋ, kumundu ten ɗe na baŋ, ten əskəŋ səmaŋ la haa minti aŋ yaŋ gə əsə-isi saksaki ŋəŋ də ɗiki dəŋ məna'i, daana aŋ bə duuri haa də ku tarməyaŋ tapi gud de bə minti fəlaŋ kəsar du a Kel pəsaŋ kəmarwaŋ daŋ.

FILIPIŊ 2:12

Bədoona ana aŋ gədaarən gə minti giidən bəlaŋ, bə minti ten a səraŋ daŋ, aŋ a bə humi kosoŋa saksaki cəərə Pepeŋa. Də ko bə minti ten paapa hebkəna səraŋ na pədaŋ, aŋ humə kosoŋ la cuuru maŋ pisi humə ɗaw. Pepeŋ seereneŋ wəra tə gəm, aŋ jəə la haa joŋre bə minti tepe də seere toŋ. Aŋ jəə la də walka də jəw gud kese də Pepeŋa.

TITI 2:14

Tó də kusru wə ayaŋ kusru wəra bə miɗi áŋ wəra ku kel kə bayməlaŋa, bə kole áŋ wəra dər kaa nuutu gə minti wə pooroŋ wəra ciiri, daana gə minti məlaŋ ɗiki di wəra keɗe bə ji haa joŋre pisiŋ.

VEƊE 3:19

Kaa gə minti ten bələy, ten hərtəy a kəkəya daana ten giliy gəm. Bədoona ana, aŋ harə la máŋ də cəwa bə ɗe guudəna daana aŋ kolə kerkeŋ la a baymele nəətiŋ.