GALATIŊ 4:17 - JAA TƏMARWAŊ

¹⁷ Kaa té gə minti bə kunti kuurə Kel pəsaŋ kəmarwaŋa lamaŋ, bə ji wəra anə keɗe-keɗe damdi kel dəŋ bə ɗəməya ana. Səma, ɗiki neeteŋ paapa pisi ba. Yə golde ɓarse haa adəwaldə áŋ dəərəŋ kir minti aŋ kolə la wəra gud té faɗi.

GALATIŊ 4:17 Iomraidhean Croise

MATIYE 23:15

Gəəliŋ nəəti aŋ kaanə Farisiyeŋ də kaa kə hate ku gili kə Pep gə minti waate kel nəətiŋ də kuŋ təwaŋ! Gud maa mo aŋ gəryi cəərə seŋkaŋa daana dər kan kəmtəŋa bə fele hulum koo nuutu məna minti toŋ tapə la guudəŋa. Aŋ fəlnuŋ ne kəyaŋ, aŋ kulu bə ji baymeleŋa kir se gəəliŋ dər cəwa də bay teweŋa dəŋaŋ nəətiŋ kəm pə ɗaw!

ROMEŊ 10:2

Ten neke bə ji bərdə kəkəy ciiri minti yə gə ayə-aye kusri a kel kə Pepeŋa, səma paapa də kəkəy bə minti bə əsə-isi cəərə ase bə gəəzə-gəəzi bə Pepeŋa ba.

ROMEŊ 16:18

gud maa mo gom də kaa teŋ ji joŋreŋ paapa a Kristu Barkaŋ náŋ ba, yə jəw haa gud giidi. Də durdi də keŋ daana də kel kə waate pəsaŋ neeteŋ, yə ji tiniini də kaa gə minti paapa gə jeŋə-jeŋe bə ase gom də kel teŋ kəya baŋ.

I KOREŊTƏŊ 11:2

Ten bə tokɗoŋa gud bə minti aŋ saksaki bə ɗəkti cəərə kel nina keɗe, daana minti aŋ bə ɗe gud hateŋa damdi ten a jognoŋ dəŋ wəraŋ ana.

I KOREŊTƏŊ 4:18

Kaŋ ɗəkəŋ haa minti ten hare hõy gerdeŋ na pəda ŋaanaanə moŋ, sirdiŋ əsəŋ bə ji kusri máŋ haa minti té karman gadi faɗi.

I KOREŊTƏŊ 4:8

Hebkəna aŋ bə ɗiki minti aŋ wəra gə seepə-seepe ɗaw! Aŋ wəra kaa kə hurma a tiiruŋa! Aŋ wəra gə topə-tope kusrəŋ kəkamna bay are kəm ceki ɗaw! Aŋ a jəə la kəkamna gəəziŋ, a haa pisi ta, are a sə a ve kuŋa ada vaa, aŋ a sə a hame abay taŋ ta!

II KOREŊTƏŊ 11:3

Səma walka bə jəna minti aŋ yaake hulum bə ɓalkaŋ ɗiki dəŋa kir minti aŋ yaakə de dəŋ kaŋkaŋi daana *cetceti bə gud Kristuŋ la wəra damdi Eva yaakaŋ kusrə bə leŋe wəra ku tiwki kə hənjiŋa anaŋ.

GALATIŊ 4:16

Bə hebkənaŋ, ten koloŋ hulum bə acukur nəəti haa gud bə minti ten bə waataŋ gəəziŋaŋ mo?

GALATIŊ 4:18

A nuutu haa karman pisi bə minti kel də kumsəŋ ɗəmaŋ, səma jəə la haa gud kel pəsaŋa. Bə minti áŋ a jəŋ də kumsə áŋ, kel dən ɗamnaŋ ablaw. Bə hebkənaŋ, ten bele haa minti aŋ raawə la bədoona, jəəne nuutu minti ten paapa saraŋ na pədaŋ.

FILIPIŊ 2:21

Kaa kaayaŋ keɗe, ɗiki haa kar neeteŋ anə kepi məna, yə paapa bə ɗiki agal kə Yeesu Kristuŋa ba.

II PIYER 2:18

Yə waate haa kel kə hage sam kusriŋ saksaki, anaaŋa guudi paapa ta'a ba. Yə ji joŋreŋ də kusri bə hatə-hate də baymeleŋ bə tope kaa gə minti a ɓətəŋ warda kəmarwaŋ ku kaa kə laŋtə-laŋte da də vew neeteŋ.

II PIYER 2:3

Yə də həryəm də kar, gud teŋa ta yə bə hamaŋ yaŋ də kel neete gə tiwkiŋ. Warda anə hãã faɗi, Pepeŋ wəra maŋ bə doy də kəəti, yə bə ji bay bese wəra ba.