GALATIŊ 4:15 - JAA TƏMARWAŊ

¹⁵ Dər ko toŋ da ha'aŋ, aŋ a jəŋ wəra anə fənay-fənay, maa bə jəənəŋ hebkəna minti waale pa pədaŋ mo? Wəra də dərən minti ten a mantə la nuutu kaasəŋa maa ɗaw, aŋ sə a jən dən, koo nuutu dərəŋ, aŋ a wəra maŋ bə pən dən.

GALATIŊ 4:15 Iomraidhean Croise

LIKI 8:13

Sərdə kaayaŋ gə minti a ko bə pərkiŋaŋ, haa kaa gə minti əski kel kə Pepeŋ, kəya yə doy də waale faɗiŋ. Səma yə paapa gə vaa-ve kəsar a kel teŋa ba. Yə de anə sawəwa, gəəliŋ fəlnəy neŋ, kəya yə yaake kəkəy bə minti yə cuuruŋ faɗi.

ROMEŊ 10:2

Ten neke bə ji bərdə kəkəy ciiri minti yə gə ayə-aye kusri a kel kə Pepeŋa, səma paapa də kəkəy bə minti bə əsə-isi cəərə ase bə gəəzə-gəəzi bə Pepeŋa ba.

ROMEŊ 15:13

Pepeŋ, hulum bə minti mele bə ɗikiŋ bi haa kəəsu daŋ, ɗosoŋ tarməyaŋ la wəra də waaleŋ daana kəkaɓiŋ gud de nəəti bə guuduŋa. Kəya ɗiki dəŋ bə malə-meleŋ ji yaŋ wəra ablaw hasi gud səɓaki kə Tiiru Cetcetaŋa.

ROMEŊ 5:2

Bəŋəŋ kəkəy wəra cəərə áŋa minti áŋ falə pisi bə minti Pepeŋ jəw sar kaŋaŋ la boobo faɗiŋ haa tó, gud bə minti áŋ gə doo-de guuduŋ. Áŋ gə əsə-isi də səɓaki haa dər pisi toŋa gəm, daana áŋ ufi ku áŋ haa gud ɗiki də áŋ bə malə-mele bə cəərə Pepeŋa minti wə ɗe a ɓarse boblo nuutuŋ yaŋ də áŋ.

ROMEŊ 9:3

gud kəsaanan gə Ziwifi gə minti are a kaasaw gə məna a kusukiŋa diiriŋ. A jəə la minti kel teŋ kəya sə a kəyəy, ten a bə doo-de haa minti Pepeŋ gan guɗbusi la wəra daana minti ten a ji bə tapə-tepe də Kristu pəda.

II KOREŊTƏŊ 8:3

Ten ji bərdə kəkəy wəra minti, yə ayaŋ kar gə minti yə gə nakə-neke bə əyəy keɗeŋ, yə rəəwunu cuuru raawe pə ɗaw. Yə aytaŋ kar teŋ haa də ɗiki di.

GALATIŊ 3:14

Yeesu Kristu jəŋ teŋ bədoona haa minti, pisi bə minti Pepeŋ a wəətunu səmu wəraŋ minti tó jəw sar Abrahamaŋ, wə jəw la sar kaa gə minti paapa gə Ziwifi baŋ gəm. Wə jəŋ teŋ haa kir minti áŋ falə Tiiru də minti Pepeŋ a waatəna sama wəraŋ la, gud de náŋ bə guuduŋa.

GALATIŊ 4:14

Kusrən bə minti a bə ɗamnaŋ a koloŋ karman bə minti humuŋ kuŋ ablaw faɗi, səma də teŋ keɗeŋ, aŋ lasnan ba, aŋ haŋ giidiŋ wəra sarəna bə gəm. Aŋ doonon irku dən damdi aŋ sə a de haa irku də *hulum bə digi kə Pep kəman ana, ɗawba də Yeesu Kristu də kusru ana faɗi ɗaw.

GALATIŊ 4:16

Bə hebkənaŋ, ten koloŋ hulum bə acukur nəəti haa gud bə minti ten bə waataŋ gəəziŋaŋ mo?

GALATIŊ 4:19

Gəəzi karmanti, ten haraŋ bə se lasi kəm kampa məna guudəŋa pa. Lasi taŋ kəyaŋ, haa damdi kə həlgə də doo-de weŋ ana'i. Ten ji yaŋ dərə saksaki hãã bə minti aŋ haŋ sar kel kə Kristu ne wəra kəm dege'-dege'i gəm.

GALATIŊ 5:22

Səma kar gə minti Tiiru Cetcetaŋ jəy giidə hulumaŋ, yə haa kəna: kaŋ kole wəra bə bele kumsi, yə wəra də waale, yə isi kəkaɓiŋ aduubə di, yə ase mi bə kusri bə ku kel, yə ɗiki də kumsi pisi, yə ji pisi sar kumsi, yə kaa gə minti yə ɗeketi,

GALATIŊ 6:4

Pisi duŋ ana ɗaw ha'aŋ, mindi mindi mo golə dər ɗe du la tó də kusru. Wə duunu duru ne pisiŋ, wə waalə la gud joŋre nuutu bə minti wə a juunu, paapa gud bə minti tó dəŋaŋ hulum kəman ŋaanaanə moŋ, ba.

KOLOSIŊ 4:13

Ten bə nakə-neke bə waataŋ cuuru haa kənaŋ minti wə bə ji kusru wəra anə keɗe-keɗe bə ji joŋreŋa guudəŋa, gud kaayaŋ gə Lawdiseŋa daana gə Yerapoliŋa gəm.

1 TESALONIKIŊ 2:8

Are bəlaŋ ablaw səm moŋ, are waatənaŋ paapa Kel pəsaŋ kəmarwaŋ kə Pepeŋ təwa pəda; are a wəra máŋ bə aye kusrə are a meŋ guudəŋa ada pa, gud bə minti aŋ jəŋ wəra karman pis-pisi naare.

1 TESALONIKIŊ 5:13

Aŋ hay ciiri la apəya daana aŋ jəə beleŋ la siri gud joŋre bə minti yə bə jəwaŋ. Aŋ jəə la kəkaaɓa aduubə də kumsəŋa gəm.