GALATIŊ 4:14 - JAA TƏMARWAŊ

¹⁴ Kusrən bə minti a bə ɗamnaŋ a koloŋ karman bə minti humuŋ kuŋ ablaw faɗi, səma də teŋ keɗeŋ, aŋ lasnan ba, aŋ haŋ giidiŋ wəra sarəna bə gəm. Aŋ doonon irku dən damdi aŋ sə a de haa irku də *hulum bə digi kə Pep kəman ana, ɗawba də Yeesu Kristu də kusru ana faɗi ɗaw.

GALATIŊ 4:14 Iomraidhean Croise

MATIYE 10:40

«Hulum bə minti doonoŋ irku dəŋ ne, wə doonon haa irku dən faɗi. Hulum bə minti doonon irku dən neŋ, wə doŋ haa irku də Hulum bə minti a gaanan da.

MATIYE 18:5

Hulum bə minti doŋ kel də beebe konce ne damdi naytoŋ gil kəna ana gud səmanaŋ, wə doŋ haa kel katən gadi faɗi.

MATIYE 25:40

Kəya kumnaŋ wəətəy yaŋ minti: ‹Gəəzi ten waataŋ, saksaki də bə minti aŋ jəŋ kumsə kel teŋ ne kəya sar kəsaanaŋ té gə kerpə-kerpeŋa lakaŋ, aŋ jəŋ kel teŋ haa sarəna faɗi.›

LIKI 10:16

Yeesu waataŋ *kaa gə guuduŋ pa minti: «Hulum bə minti bə iski guudəŋaŋ, wə bə iski haa guudəna. Hulum bə minti balnaŋ kel dəŋ baŋ, wə bəlaŋ ba haa kel dən. Hulum bə minti balnan kel dən baŋ, wə bəlaŋ ba haa kel də hulum bə minti gaanan daŋ gəm.»

Kel pəsaŋ kəmarwaŋ gə minti Zaŋ jiiriniy 13:20

Gəəzi, gəəzi, ten waataŋ, hulum bə minti doŋ kel də hulum bə minti ten a gəənu neŋ, wə doŋ haa kel dən faɗi gəm. Hulum bə minti doŋ kel dən neŋ, wə doŋ haa kel də Hulum bə minti a gaanan da.»

I KOREŊTƏŊ 1:28

Wə ŋəmaŋ kaa gə minti sam abay paapa siri baŋ, gə minti kaŋ məlnəy diri wəra daana yə gole diri paapa karman baŋ, bə hare kaayaŋ gə minti kaŋ bə guluya minti yə karman, paapa karman ba anə ceki faɗi.

I KOREŊTƏŊ 4:10

Are teŋ damdi kaa gə tiniini gud Kristu ana, səma aŋ teŋ, gud tapi nəətiŋa də Kristuŋ, aŋ ɗiki haa minti aŋ gə asə-ase. Are teŋ golə dər kaŋa kaa kə bay səɓaki, səma aŋ teŋ ɗiki minti aŋ də səɓaki. Aŋ teŋ, kaŋ təkaŋ cəərəŋ apəya, are teŋ gole dər kaŋa paapa karman bə ɗaw.

II KOREŊTƏŊ 5:20

Are haa kaa gə minti Kristu vaŋ are warda bə bi a əsti a kuɗuŋ. Kel teŋ haa minti Pepeŋ mantaŋ də kel gə ku areŋ haa tó. Gud sam Kristu, are jəŋ kamkam, aŋ ayə kusrəŋ la a Pepeŋ bə tepe aduubə dəŋ duuru.

GALATIŊ 3:26

Aŋ keɗe, aŋ koloŋ wəra karmə Pepeŋ haa gud bə minti aŋ doŋ gud Yeesu Kristuŋ. Kəya aŋ máŋ wəra tapi duuru.

GALATIŊ 3:28

Bədoona ta, hulum bə Ziwifiŋ paapa hal də hulum bə minti paapa bə Ziwifi baŋ ba. Kafkam paapa hal də hulum bə minti paapa kafkam baŋ ba. Hulum koŋkor paapa hal də həlgəŋ bə gəm. Gud maa mo aŋ təpaŋ wəra də Yeesu Kristu, kəya aŋ koloŋ wəra hulum məna'i.

GALATIŊ 4:13

Bə minti ten ɗeŋ gerdeŋ ajew faɗi, cəərəŋ kəm bay ge. Ten jəŋ ateŋa aduubə dəŋa haa kasi ɗemeŋ. Ten waatənaŋ *Kel pəsaŋ kəmarwaŋ wəra, haa də ko toŋ faɗi gəm.

GALATIŊ 4:15

Dər ko toŋ da ha'aŋ, aŋ a jəŋ wəra anə fənay-fənay, maa bə jəənəŋ hebkəna minti waale pa pədaŋ mo? Wəra də dərən minti ten a mantə la nuutu kaasəŋa maa ɗaw, aŋ sə a jən dən, koo nuutu dərəŋ, aŋ a wəra maŋ bə pən dən.

1 TESALONIKIŊ 2:13

Are saksaki bə ji suuse a Pepeŋ pa gud bə minti, are waatənaŋ kel kə Pepeŋ ha'aŋ, aŋ duuniy bə kel kə hulum ana ba, aŋ duuniy damdi karman bə minti yə bədoona ana gəəzi, kel kə Pepeŋ faɗi. Yə bə ji joŋre giidiŋa, aŋ kaa kə doo-de.

1 TESALONIKIŊ 4:8

Gud teŋa ta, hulum bə minti ŋoryoŋ hate toŋ ne wəra kəyaŋ, wə ŋoryoŋ wəra haa paapa ku hulum ba, wə ŋoryoŋ wəra haa ku Pep bə minti aynaŋ Tiiru nuutu Cetcetaŋ.

HEBEREŊ 13:2

Cəərəŋ a ge tope bə kə irkuŋa ba. Gud maa mo, a kəkəy bə tope ke irkuŋaŋ, sərdə kaa kəman topoŋ kə irku də *kaa kə digi kə Pepeŋ bay ase ceki.