GALATIŊ 4:13 - JAA TƏMARWAŊ

¹³ Bə minti ten ɗeŋ gerdeŋ ajew faɗi, cəərəŋ kəm bay ge. Ten jəŋ ateŋa aduubə dəŋa haa kasi ɗemeŋ. Ten waatənaŋ *Kel pəsaŋ kəmarwaŋ wəra, haa də ko toŋ faɗi gəm.

GALATIŊ 4:13 Iomraidhean Croise

MATIYE 4:23

Kəya Yeesu ɗeeteŋ wəra giidə seŋka də Galileŋa keɗe bə hate kaŋa giidə *kuli bə toose kə kaanə Ziwifiŋa. Wə waatətaŋ *Kel pəsaŋ kəmarwaŋ wəra cəərə *Kumna kə Pepeŋa. Wə seerteteŋ kaa kə ɗemeŋ daana kaa kə dagtə-dagteŋ wəra keɗe gəm.

JOŊRE 16:6

Anə Pol a bəlaŋ minti té koorə la bə ɗe a waate kel kə Pepeŋ wəra giidə seŋka də Aziŋa, səma Tiiru Cetcetaŋ həənəy kuy wəra. Gud teŋa ta, yə haŋ tew giidə seŋka də Firijiŋa daana də Galatiŋa bə koore a ko baalaŋ.

I KOREŊTƏŊ 2:3

Gud teŋa ta, bə minti ten a jəŋ adəwaldəŋaŋ, ten jəŋ sarəŋa cawa damdi hulum bə bay səɓaki ana, ten nuutu ba ana caw də walka bə miiri.

II KOREŊTƏŊ 10:10

Sərdə kaa kəman bə waate minti: «Kefter kə Pol hogte kaa, wə də gəbaŋ ku. Anaaŋa wə jəəne aduubə də áŋaŋ, abay taŋ paapa suru ada ta'i bə gəm, hel də kel kə waateŋ paapa də duru bə gəm.»

II KOREŊTƏŊ 11:30

Jəəne minti ten hagə sam kusrən laŋ, ten həgu haa minti ten də nalnal faɗi.

II KOREŊTƏŊ 11:6

Hel də waate kel paapa sarəna bə té ana ba ɗawmay moŋ, səma a ase bə karaŋ, ten paapa bə kerpə-kerpe ba. Də gidiirə kel keɗe, də ko mundu mundu mo, are vaɗnaŋ dəŋ wəra.

II KOREŊTƏŊ 13:4

Bə minti yə ɓəlnu wəra a kəbaŋ kə largaŋaŋ, kusru jəŋ də nalnal gəəzi, səma bə hebkənaŋ, wə caw dədərgə haa gud səɓaki kə Pepeŋa. Are gə tapə-tepe duuru gəm ŋaanaanə moŋ, are dər nalnal nuutuŋa gəm, səma guudu ha'aŋ, aŋ ase yaŋ gud joŋre naareŋa aduubə dəŋa minti are zugi dədərgə haa gud səɓaki kə Pepeŋa gəm.

GALATIŊ 1:6

Haaya! Karman bə minti aŋ juunuŋ ŋəlnən ablaw. Pepeŋ mantənaŋ haa gud pisi bə minti aŋ fəlu gud Kristuŋ. Bə jəŋ naanaanə minti aŋ koloŋ kerkeŋ ne anə cəlamma a kel nuutuŋ, bə ɗe máŋ gud *Kel pəsaŋ kəmarwaŋ gaalaŋaŋ ɗaw mo?

GALATIŊ 4:12

Kəsaananti, bə minti ten a jəŋ dəərəŋ daŋ, ten a koloŋ haa damdi aŋ gə minti paapa gə Ziwifi baŋ ana gəm. Bədoona ta, ten bə jəŋ kamkama minti aŋ kolə la akas tena ana gəm. Bə minti ten a jəŋ aduubə dəŋ daŋ, aŋ jəənən baymele ba.

GALATIŊ 4:14

Kusrən bə minti a bə ɗamnaŋ a koloŋ karman bə minti humuŋ kuŋ ablaw faɗi, səma də teŋ keɗeŋ, aŋ lasnan ba, aŋ haŋ giidiŋ wəra sarəna bə gəm. Aŋ doonon irku dən damdi aŋ sə a de haa irku də *hulum bə digi kə Pep kəman ana, ɗawba də Yeesu Kristu də kusru ana faɗi ɗaw.

GALATIŊ 4:18

A nuutu haa karman pisi bə minti kel də kumsəŋ ɗəmaŋ, səma jəə la haa gud kel pəsaŋa. Bə minti áŋ a jəŋ də kumsə áŋ, kel dən ɗamnaŋ ablaw. Bə hebkənaŋ, ten bele haa minti aŋ raawə la bədoona, jəəne nuutu minti ten paapa saraŋ na pədaŋ.