GALATIŊ 4:12 - JAA TƏMARWAŊ

¹² Kəsaananti, bə minti ten a jəŋ dəərəŋ daŋ, ten a koloŋ haa damdi aŋ gə minti paapa gə Ziwifi baŋ ana gəm. Bədoona ta, ten bə jəŋ kamkama minti aŋ kolə la akas tena ana gəm. Bə minti ten a jəŋ aduubə dəŋ daŋ, aŋ jəənən baymele ba.

GALATIŊ 4:12 Iomraidhean Croise

JOŊRE 21:21

Bə hebkənaŋ, yə əskənəm səmam wəra minti tam bə hate kaanə Ziwifi gə minti giidə seŋka kə kaa gaalaŋ-gaalaŋ na warna minti yə yaakə ku gili kə Moyisiŋ la wəra. Tam bə wəətiya minti yə a ceme tantar kəmar koncoŋ neeteŋ pəda, yə yaakə to'osi neeteŋ la wəra gəm.

II KOREŊTƏŊ 2:5

Hulum yaŋ adəwaldəŋa bə minti a jəŋ kel kə aye laawe a kaŋ, yə ayaŋ laaweŋ daŋge paapa a nəənən ba, yə əynu daŋge haa a aŋ keɗe, paapa-paapaŋ, a sərdəŋ adəwaldəŋa. Bə rəəwəy takəra baŋ, ten zene kəm anə ga'i.

II KOREŊTƏŊ 6:11

Aŋ kaanə Koreŋtəŋ, are waatənaŋ kel wəra kəkər, ku tarmə are jəŋ wəra də ayə-aye a nəənəŋ keɗe.

II KOREŊTƏŊ 6:13

Ten bə waataŋ kela haa bə karməyan gə giidən ana. Ku tarməyaŋ jəə la wəra də ayə-aye keɗe a are damdi naareŋ wəra də ayə-aye a nəənəŋ ha'aŋ ana gəm.

GALATIŊ 2:14

Bə minti ten ɗeŋ a ase kay minti yə paapa bə ɗe ɗeker a kəkəy bə gəəzi bə *Kel pəsaŋ kəmarwaŋ kə Pepeŋa baŋ, ten waataŋ Piyer wəra anə pəɗaki tiinə kaŋa faɗi minti: «Tam də kusrum, tam hulum bə Ziwifi, səma tam paapa bə ji kusruma bə hulum bə Ziwifi ana pəda tə kəm, tam bə he gud kaa gə minti teŋ paapa gə Ziwifi baŋ bə ji kusri bə kaanə Ziwifiŋ ana bə maa mo?»

GALATIŊ 4:11

Ana joŋre bə minti ten a jəənəŋ dəŋ tewe wəra haa boobo bədoona anəkay mo? Walka əsəŋ bə jəna wəra hasi guudəŋa.

GALATIŊ 4:13

Bə minti ten ɗeŋ gerdeŋ ajew faɗi, cəərəŋ kəm bay ge. Ten jəŋ ateŋa aduubə dəŋa haa kasi ɗemeŋ. Ten waatənaŋ *Kel pəsaŋ kəmarwaŋ wəra, haa də ko toŋ faɗi gəm.

GALATIŊ 6:14

Ten toŋ ha'aŋ, ten hage haa sam me də Barkaŋ náŋ Yeesu Kristu wəra a kəbaŋ gə largaŋa təwa, ten hage sam karman baalaŋ ba. Gud me kə Yeesuŋa tə bə moŋ, kar gə minti bə gole dər kaŋa pəsaŋ cəərə seŋkaŋaŋ, yə paapa bə gole dərəna karman pəda hasi, yə paapa gə əsə-isi kumna cəərəna pəda gəm.

GALATIŊ 6:18

Kəsaananti, pisi kə Barkaŋ náŋ Yeesu Kristu jəə la dəərəŋ məna-məna keɗe'i. *Amen.