GALATIŊ 3:5 - JAA TƏMARWAŊ

⁵ Pepeŋ ayaŋ Tiiru Cetcetaŋ daana wə ji miɗiŋ adəwaldəŋa, haa gud bə minti aŋ bə ɗe gud ku giliŋa ɓet-ɓetiŋ mo? Paapa anə ceki faɗi. Wə ji bədoona ha'aŋ, gud bə minti aŋ əskəŋ Kel pəsaŋ kəmarwaŋ daana aŋ doŋ guudiŋ.

GALATIŊ 3:5 Iomraidhean Croise

JOŊRE 14:3

Də teŋ keɗe anə Pol daana Barnabasi hətəŋ neete kəm a ko toŋa ada anə taata. Yə bə waate kela saksaki bay walka gud bə minti ɗiki di wəra bə malə-mele cəərə Barkaŋaŋ. Yə bə waate kaŋa minti Pepeŋ bə ji pisiŋa siriya ŋaanaanə mo. Barkaŋ gaŋ dər kaŋ minti anə Pol waate haa gəəziŋ a kəkəy bə minti wə əynəy səɓaki bə jəəti anə miɗi daana kar gə ŋili kaŋ.

ROMEŊ 10:17

Aŋ asaŋ ne, aŋ fele deŋ haa gud əski bə kel kə waatə-waateŋa wəra, kel té gə minti waate wəra cəərə Kristuŋ faɗi.

ROMEŊ 15:19

də kar gə minti veɗe səɓaki kə Pepeŋ wəraŋ, də kar gə məɗ-miɗiŋ, daana də səɓaki kə Tiiru Pepeŋ gəm. Məlaŋ guudu Zeruzalema hãã warna giidə seŋka də Iliriŋ naŋ, a ko bə minti ten kaltaŋ adaŋ keɗe, ten waataŋ Kel pəsaŋ kəmarwaŋ gə cəərə Kristuŋ wəra ada.

I KOREŊTƏŊ 12:10

A aye a hulum haa jəəti bə miɗiŋ, a baalaŋ haa joge bə ku Pepeŋ wəra, a baalaŋ pa haa ɓarse bə dər tiiru wəra minti kəya kə Pepeŋ, kəya kə Nərtitiŋ. A aye a baalaŋ haa waate bə ku karman bə minti kaŋ uskunu hõy baŋ, a baalaŋ haa joge bə ku karman toŋ wəraŋ.

II KOREŊTƏŊ 10:4

Kar naare gə duuriŋ, jiiniy paapa hulum kisirki ba. Yə haa kar gə səɓaki gə minti Pepeŋ əynəy a are bə ɓalke karman muntu muntu mo bə minti garge tiinu, daana ɗiki bə gul-gula bə minti kaŋ mele ɗiki di cuuruŋ.

II KOREŊTƏŊ 12:12

Bə minti ten a jəŋ gerdeŋ daŋ, Pepeŋ jəŋ kar gə ge dər wəra dəərən minti ten hulum bə gaa-ge kə Kristu wəra aduubə dəŋa: mi bə ku gidiirə kel keɗeŋ, kel kə məɗ-miɗiŋ, də kar kə ŋili kaŋ, də kel gə veɗe səɓakiŋ wəraŋ.

II KOREŊTƏŊ 13:3

Aŋ bə golde minti waate kel kuna haa Kristu moŋ, aŋ əsu yaŋ wəra ada faɗi. Kristu paapa də nalnal tiinəŋa ba, wə bə ji joŋre də səɓaki aduubə dəŋa faɗi ɗaw.

II KOREŊTƏŊ 3:8

máŋ bə joŋre kə Tiiru Cetcetaŋ mo? A veɗe gud boblo kə Pepeŋ wəra a kaŋ kampa ablaw dəŋaŋ nayto bə gud joŋre kə Moyisiŋ bə ɗaw mo?

II KOREŊTƏŊ 9:10

Pep bə minti aye adara də jo'eŋ a kaŋ daana əyəy so bə hameŋ, ayaŋ kar yaŋ gəm. Wə zuluy yaŋ pisi zuli kir minti pisi bə minti aŋ bə jəwaŋ zee guudu la ablaw sar kaŋa.

GALATIŊ 3:2

Ten bele minti aŋ haran kel la məna faɗi: aŋ apaŋ Tiiru Cetcetaŋ haa gud bə minti aŋ bə ɗe gud *ku giliŋa ɓet-ɓetiŋ mo? Paapa anə ceki. Pepeŋ aynaŋ Tiiru Cetcetaŋ haa gud bə minti aŋ əskəŋ *Kel pəsaŋ kəmarwaŋ daana aŋ doŋ guudiŋ.

FILIPIŊ 1:19

Gud maa mo, ten wəra bə asə-ase minti, kel teŋ gila keɗe ɗe a awe ciiri haa bə seeren, gud bə minti aŋ bə toose cəərəna daana Tiiru kə Yeesu Kristu bə kəyana ada gəm.