GALATIŊ 3:23 - JAA TƏMARWAŊ

^23-24 Də ko bə minti Pepeŋ a kəm bay veɗe kəkəy bə minti kaŋ de gud Kristu wəraŋ, ku giliŋ naareŋ a bə gole cəərə are haa damdi kaa kə gole ku daŋgay ana. Ku giliŋ jəŋ bədoona hãã bə minti Kristu bəŋ wəra kəm, kir minti Pepeŋ kolə are la duru ɗeker gud de naare bə gud joŋre nuutuŋaŋ.

GALATIŊ 3:23 Iomraidhean Croise

Kel pəsaŋ kəmarwaŋ gə minti Zaŋ jiiriniy 3:34

Hulum bə minti Pepeŋ gəənu daŋ, wə joge haa kel kə Pepeŋ, gud maa mo Pepeŋ əyu Tiiruŋ bay gədəəgi də.

ROMEŊ 11:32

Bədoona ana Pepeŋ jəŋ kir minti kaŋ keɗe jəə la damdi yə a daŋgaya kasi humi bə bay kosoŋ bə cuuruŋa ana, kir minti tó nakə la bə ji giidə tó pəsaŋ wəra siri keɗe.

ROMEŊ 3:19

Ana áŋ wəra gə asə-ase minti, kel gə minti *ku giliŋ hətəy keɗeŋ, wə hətəy haa a kaa gə minti bə ɗe guuduŋ. Kel teŋ bədoona ana'i kir minti kəkəy a ji cəərə huluma anə məna bə biŋi ku ba daana minti kaŋ neŋneŋ keɗe asə la wəra minti kəəti kə Pepeŋ bə doo-de diiri.

GALATIŊ 3:19

Ãhãã, a jəəne doloy bədoona tə kəm, pisi bə ku giliŋ bə jəŋ haa maa mo? Pepeŋ a əynu a are haa bə ke dər are cəərə kel kə bayməlaŋ gə minti are a bə jiyaŋ. Wə a əynu kəm haa kaadəəməy kir minti kaasaw də Abraham tó bə minti Pepeŋ a wəətunu səmu wəraŋ, bəə la wəra kəm. Pepeŋ ayaŋ ku gili da a *kaa kə digi nuutuŋ minti yə ɗee la a jugu wəra a kaa kəsarkaŋ. A ko toŋa kəya, yə doŋ hulum aduubə də kaŋa də Pepeŋ bə harte də kel.

GALATIŊ 4:21

Aŋ kaa gə minti golde minti aŋ ɗe nəətiŋ gud *ku giliŋaŋ, aŋ gosə waatan la kəm mo, gud kel gə minti ku giliŋ wəətəy paapa də dərəŋ bə mo?

GALATIŊ 5:18

Səma, jəəne minti aŋ máŋ bə yaake Tiiru Cetcetaŋ bə ɗe dəərəŋ, *ku giliŋ neke bə ape səɓaki cəərəŋa pəda.

HEBEREŊ 11:13

Kaa teŋ gil daŋ keɗe doŋ gud Pepeŋa hãã a me di. Yə meŋ bay fele kar gə minti Pepeŋ a wəətənəy simiŋ, səma yə əsnəy ciiri wəra bə heere, daana yə waalaŋ wəra guudi faɗi. Yə a wəra bə waatete gəm minti té haa cəərə seŋkaŋa kənaŋ kaa kə aŋay daana kaa gə cə kampa faɗi.

HEBEREŊ 12:2

Áŋ malə dər áŋ la cəərə Yeesu, wə haa hulum bə minti məlaŋ gud deŋ giidə áŋaŋ daana wə bə ɗe a daw ku wəra a áŋ gəm. Wə asaŋ waale bə minti Pepeŋ bə ɗokə-ɗoke duuru na a nuunu tə bə moŋ, wə yaakaŋ kusru wəra bə me a kəbaŋ gə largaŋa, cuuru jəŋ a kel kə kes-kese gə gud me toŋa ba. Wə hebkəna bə əsə-isi agal kemer də jaaŋa də kumna kə Pepeŋa.