GALATIŊ 3:21 - JAA TƏMARWAŊ

²¹ Anaaŋa *ku gili kə *Moyisiŋ haa karman bə minti ɓalke kel gə minti Pepeŋ a wəətənəy wəra a Abraham mo? Paapa anə ceki faɗi. A jəə la minti ku gili kəman a yaŋ anə məna'i bə aye dədərgəŋ a kaŋ, kaŋ sə a neke bə kole wəra ɗeker dər Pepeŋa gud ɗe neete ɓet-ɓeti bə gud ku gili toŋa. Səma ku giliŋ kole hulum ɗeker dər Pepeŋa ba.

GALATIŊ 3:21 Iomraidhean Croise

LIKI 20:16

Wə bə bi haa tó də kusru gadi faɗi, wə awe kaa teŋ yaŋ wəra, wə aye aka nuutuŋ máŋ kasi kaa gaalaŋa bə gole cəərə.» Bə minti kaŋ əskəŋ kel teŋ kəyaŋ, yə minti: «Teŋ kəya ji ba!»

ROMEŊ 3:31

Áŋ jəəne gə doo-de bədoonaŋ, kel teŋ ge dər haa minti áŋ koloŋ ku giliŋ wəra karman bə bay keye mo? Paapa anə ceki. Áŋ bə ge dəra wəra cəərə keye du bə gəəzə-gəəziŋa ɗaw!

ROMEŊ 3:4

Paapa bədoona ba anə ceki! Pepeŋ bə əsə-isi saksaki haa cəərə gəəziŋa, jəəne nuutu minti kaŋ ŋete kel keɗeŋ. Yə haa damdi wəra gə jeerə-jeere giidə kefter nuutuŋa cuuru ana minti: «Dər kel nəmti gə waateŋaŋ, kaŋ ase yaŋ wəra kaŋkaŋ minti tam saksaki ɗeker. Jəəne minti yə jamnam kəəti dəm neŋ, wə neke bə dom ba anə ceki gəm.»

ROMEŊ 3:6

Paapa bədoona ba anə ceki gəm! A jəə la minti Pepeŋ paapa ɗeker baŋ, wə bə ɗe a jeme kəəti də kaa gə cəərə seŋkaŋ hõy naanaanə pə mo?

ROMEŊ 9:31

Kə kaanə Israyel, yə goldoŋ *ku gili bə minti kuluy ɗeker dər Pepeŋaŋ, səma yə nəkaŋ bə daw ku wəra ba.

II KOREŊTƏŊ 3:7

Ku giliŋ a jəŋ bə maltə-malte də jeereŋ cəərə anə pərki pəmpərəŋi. Də ko bə minti wə bə jeereŋ ha'aŋ, boblo kə Pepeŋ vəɗaŋ kusru wəra, gud maa mo dər *Moyisi anəkayya koloŋ bə welɗe, hãã bə minti kaanə Israyel a nəkaŋ bə gulu duru pədaŋ. Ana ha'aŋ, welɗe toŋ haa bə hiti maki bagŋ. Jəəne minti ku gili tó bə minti joŋre duŋ haa bə mele kaŋ a meŋaŋ vəɗaŋ gud boblo kə Pepeŋ wəra a kəkəy bə ceme duŋa,

GALATIŊ 2:17

Áŋ gə Ziwifiŋ, áŋ golde haa minti Pepeŋ kolə áŋ la kaa ɗekeri gud de náŋ bə gud Kristuŋa. Bə minti áŋ bə golde bədoonaŋ, kaŋ waate yaŋ cəərə áŋ minti áŋ haa kaa kə ji baymele gəm gud bə minti áŋ paapa bə ɗe a ku gili kə Moyisiŋa pədaŋ. Ana gud kel teŋ haa minti Kristu məlaŋ áŋ bə ji baymeleŋa mo? Paapa anə ceki!

GALATIŊ 2:19

Katən ha'aŋ, ku giliŋ waatan haa minti ten wəra bə mee-me. Bə minti ten máŋ wəra akas hulum bə mee-meŋ anaŋ, ku giliŋ neke bə fəlan bə jəw joŋre pəda. Bədoona ta, ten máŋ wəra dədərgə agal kə Pepeŋa bə jəw joŋreŋ. Bə minti yə ɓəlaŋ Kristu wəraŋ, ten meŋ wəra duuru gəm.

GALATIŊ 2:21

Ten ge pisi kə Pepeŋ warna bə hasi. Gud maa mo, a jəə la kəna minti Pepeŋ kole hulum ɗeker duru haa gud ku giliŋaŋ, Kristu meŋ máŋ wəra haa boobo.

GALATIŊ 6:14

Ten toŋ ha'aŋ, ten hage haa sam me də Barkaŋ náŋ Yeesu Kristu wəra a kəbaŋ gə largaŋa təwa, ten hage sam karman baalaŋ ba. Gud me kə Yeesuŋa tə bə moŋ, kar gə minti bə gole dər kaŋa pəsaŋ cəərə seŋkaŋaŋ, yə paapa bə gole dərəna karman pəda hasi, yə paapa gə əsə-isi kumna cəərəna pəda gəm.

HEBEREŊ 11:7

Gud deŋa, Nowe jəŋ joŋreŋ də kel gə minti Pepeŋ a wəətunu du cəərə karman bə minti ɗe a ji yaŋ hõy na, səma wə kəm bay əsu də duru. Kəya wə ɗampaŋ turti mooto, yə luŋ giidə də gə girduŋ, yə seereŋ wəra ku meŋa faɗi. Bədoona ana, ɗe du gaŋ dər wəra minti ɗe də kaa kaayaŋ baymele daana wə goloŋ dər Pepeŋa hulum ɗekeri haa gud de nuutuŋa.

HEBEREŊ 7:18

Bədoona ana ta, gədəəgi də kel gə minti Pepeŋ a kəənəy, wə paapa bə əŋkəya cuuru pəda, gud bə minti yə kerpeteŋ wəra ku kela, yə nəkaŋ bə keye kaŋ bə gəm.

HEBEREŊ 7:19

Gud maa mo ku gili kə Moyisiŋ doŋ ku karman anə məna wəra kaŋkaŋ ba. Bə hebkənaŋ, karman baalaŋ bə minti áŋ gə malə-mele ɗiki də áŋ cuuruŋ yaŋ bə minti dəŋaŋ ku giliŋ. Áŋ gə nakə-neke bə ze sar Pepeŋa haa guudu.