GALATIŊ 3:18 - JAA TƏMARWAŊ

¹⁸ Ana haa paŋ, Pepeŋ sə a jəə la bə aye karman toŋa a kaŋ kəna gud bə minti yə bə ɗe də ku giliŋ, kel gə minti Pepeŋ a wəətənəy wəraŋ minti tó bə əyu yaŋ, kel teŋ koloŋ wəra ko bə boobo. Səma, yə paapa bədoona ba. Pepeŋ jəŋ pisi nuutuŋ sar Abrahama ha'aŋ, gud karman bə minti wə a wəətunu səmu warda ajew daŋ təwa faɗi.

GALATIŊ 3:18 Iomraidhean Croise

ROMEŊ 8:17

Áŋ karmə Pepeŋ ta ŋaanaanə moŋ, áŋ ɗe a fele kar pəsaŋ gə minti Pepeŋ əyəy a kaa nuutuŋ. Áŋ də Kristuŋ, áŋ ɗe a ɓarse karman bə minti Pepeŋ əyu duŋ yaŋ gəm, gud bə minti, áŋ gə minti bə se lasiŋa duuruŋ ɓarse boblo nuutuŋ yaŋ də kumsə áŋ gəm.

GALATIŊ 2:21

Ten ge pisi kə Pepeŋ warna bə hasi. Gud maa mo, a jəə la kəna minti Pepeŋ kole hulum ɗeker duru haa gud ku giliŋaŋ, Kristu meŋ máŋ wəra haa boobo.

GALATIŊ 3:10

Səma kə kaa gə minti bə ɗiki minti ku giliŋ kole té yaŋ wəra ɗeker dər Pepeŋaŋ, kəəti kə Pepeŋ duuniy ne wəra ɗaw. Gud maa mo, Kefter kə Pepeŋ wəra bə jeerə-jeere minti: «Hulum bə minti paapa bə ji joŋre də kel gə giidə kefter bə ku gili kə Moyisiŋa wəra saksaki keɗe baŋ, kəəti kə Pepeŋ daw la.»

GALATIŊ 3:12

Kel teŋ wəra gə jeerə-jeere pa minti: «Hulum bə minti doŋ ku ku giliŋ ne wəra keɗeŋ, wə fele dədərgə də gəəzə-gəəziŋ guudu gəm.» Bədoona ta, ɗe bə gud ku giliŋ kə Moyisi daana de bə gud kel kə Pepeŋ, haa paapa kel kə məna ba.

GALATIŊ 3:16

Pepeŋ jəŋ haa bədoona gəm. Áŋ fele giidə kefter nuutuŋa minti wə waataŋ sam pisi bə minti tó bə ɗe a jəw cəərə *Abrahama daana cəərə kaasaw duŋ. Wə waate paapa sam kaa kə ablaw gə minti a kaasaw du keɗe'iŋ ba. Wə waate sam hulum məna, haa Kristu.

GALATIŊ 3:26

Aŋ keɗe, aŋ koloŋ wəra karmə Pepeŋ haa gud bə minti aŋ doŋ gud Yeesu Kristuŋ. Kəya aŋ máŋ wəra tapi duuru.

GALATIŊ 3:29

Gud tepe nəətiŋa də Kristu tə bə moŋ, aŋ koloŋ máŋ haa kaasaw də *Abrahamaŋ. Bədoona kəya, kar gə minti Pepeŋ a waataŋ wəra minti tó bə əyəy yaŋ a Abraham, aŋ bə fələy yaŋ gəm.