GALATIŊ 3:17 - JAA TƏMARWAŊ

¹⁷ Karman bə minti ten wəətuŋ, guuduŋ haa minti: bə minti Pepeŋ doŋ *jaŋ də Abraham, wə waataŋ wəra minti a jəə la saksaki ajew na. Pepeŋ bə ɗeŋ a aye *ku giliŋ kəm haa adoro, laate wəra bə jəə-ji kəs-kəsi waaɗe də hor-hor soope. Bədoona ta, ku giliŋ neke bə ɓalke jaa də minti Pepeŋ a doonaŋ wəra ba, daana karman bə minti wə a wəətunu səmuŋ wəra bə gəm.

GALATIŊ 3:17 Iomraidhean Croise

Kel pəsaŋ kəmarwaŋ gə minti Zaŋ jiiriniy 1:17

Pepeŋ a ayaŋ *ku giliŋ a áŋ haa kasi *Moyisi da, səma pisi bə minti wə jəw sar kaŋa daana gəəziŋ bəŋ kasi Yeesu Kristu da.

JOŊRE 7:6

Kəya Pepeŋ wəətunu minti: ‹Kaa gə minti a kaasaw dəma ɗe a kole yaŋ warna a seŋka də irku na. Kaa gə ko toŋ humuy yaŋ damdi kafkam neete ana, yə jəy daŋgay di yaŋ də ada laate kəs-kəsi waaɗe.

ROMEŊ 3:25

Pepeŋ ayaŋ damdi karman bə keere ana haa tó faɗi, kir minti wə pəə baymele kə kaa gə minti doŋ ne guuduŋ la wəra də kor du. Karman bə minti wə juunuŋ ge dər minti tó jəŋ haa ɗeker bə minti tó sə a ji daŋgay də kaa kə dayday gud baymele bə minti yə a bə juutuŋ,

ROMEŊ 3:3

Gəəzi sirdi jəŋ ɓeti gud kel teŋa ba. Ana gud kel teŋ haa minti Pepeŋ bə ji saksaki ɓeti pəda gud bə minti yə a əsəŋ ɓeti baŋ mo?

I KOREŊTƏŊ 1:12

Ten topoŋ gud kel teŋ: mindi mindi mo guudəŋa bə waate minti: «Ten toŋ gud Pola», naytoŋ minti: «Ten toŋ gud Apolo», kumundu pa minti: «Ten toŋ gud Piyera», baalaŋ pa minti: «Ten toŋ gud Kristu».

I KOREŊTƏŊ 1:17

Kristu gaanan paapa bə jəəti batem ba, wə gaanan haa bə waate *Kel pəsaŋ kəmarwaŋa wəra. Ten wəətəy wəra haa paapa də hel də waate kel də minti de dər kaa kəsarkaŋ ba, kir minti me də Kristu a kəbaŋ gə largaŋa a kole wəra karman bə boobo ba.

I KOREŊTƏŊ 10:19

Ten waate haa minti harmə mo? Kusuki bə minti yə keere kar gə minti kaŋ guluy pepe neeteŋ duuruŋ dəŋaŋ kumsuŋ mo? Kumundu ba kar teŋ, yaŋ ada na karman kəman mo?

I KOREŊTƏŊ 7:29

Kəsaananti, ten bə waataŋa haa kənaŋ minti: koŋ wəra bə kosə-kose. Bədoona ta, də ko bə hebkənaŋ hãã ajew naŋ, hulum bə minti a jəəne də həlgəŋ, wə jəə la haa damdi wə paapa də həlgə ba ana.

II KOREŊTƏŊ 1:20

Gud maa mo kar gə minti Pepeŋ a wəətənəy səməy wəra keɗeŋ, yə doŋ kuy wəra haa də Yeesu. Áŋ de haa minti «*Amen» haa də sam Yeesu gəm, kir minti cəərə Pepeŋ jəə la bə haa-he apəya.

II KOREŊTƏŊ 9:6

Jəə la wəra də dərəŋ minti: «Hulum jo'oŋ ne wesekaŋ, wə ɗe a ceme haa weseka gəm. Wə jo'oŋ ne hayaŋ, wə ɗe a ceme haa hayaŋ gəm.»

GALATIŊ 3:15

Kəsaananti, bə kaŋ gud kel wəraŋ, ten he karman bə minti áŋ bə ase toŋa bə jəəti sar áŋa kəna saksakiŋ: bə minti kaa kəman ɓasi doŋ jaa ne wəra də kumsiŋ, yə jeerəna kel dəŋ a keftera daana yə maltaŋ kəəsi ne wəra adaŋ, hulum neke bə ge kel cəərə neeteŋa ada pəda daana wə neke bə ɓalka pəda gəm.

GALATIŊ 3:21

Anaaŋa *ku gili kə *Moyisiŋ haa karman bə minti ɓalke kel gə minti Pepeŋ a wəətənəy wəra a Abraham mo? Paapa anə ceki faɗi. A jəə la minti ku gili kəman a yaŋ anə məna'i bə aye dədərgəŋ a kaŋ, kaŋ sə a neke bə kole wəra ɗeker dər Pepeŋa gud ɗe neete ɓet-ɓeti bə gud ku gili toŋa. Səma ku giliŋ kole hulum ɗeker dər Pepeŋa ba.

GALATIŊ 5:16

Ten bele waataŋ haa minti: aŋ yaakə Tiiru Cetcetaŋa la bə ɗe dəərəŋ. Bədoona kəyaŋ, aŋ bə ɗe a kəkəy bə minti kusrə áŋ bə hatə-hate də baymeleŋ bəluŋ pəda.

GALATIŊ 5:4

Aŋ kaa gə minti bə ɗiki minti aŋ kole yaŋ ɗeker dər Pepeŋa gud de bə ku giliŋ kə Moyisiŋa wəra a kuɗuŋa, aŋ teŋ jəmaŋ adəwaldəŋ wəra də Kristu haa jeme faɗi daana aŋ neke bə fele pisi kə Pepeŋ bə minti wə jəw cəərəŋa pəda gəm.

EFESIŊ 2:12

Də ko toŋ ateŋa ha'aŋ, adəwaldəŋ a wəra də jamə-jeme də Kristu, kəkəy a paapa cəərəŋa minti yə aŋkaŋ adəwaldə kaanə *Israyela ba. *Jaa də minti Pepeŋ a topna də kaŋ gud kel gə minti wə a wəətənəy wəraŋ, a paapa də dərəŋ bə gəm. Aŋ a nuutu lam cəərə seŋkaŋaŋ, səma aŋ a paapa gə nakə-neke bə mele ɗiki dəŋ cəərə karmana ba, Pepeŋ a paapa də dərəŋ bə gəm.

EFESIŊ 4:17

Bədoona ana, day ta'i kənaŋ haa karman bə minti ten jəŋ kamkam cuuru gud sam Barkaŋaŋ minti: aŋ a ji kusrəŋ damdi kaa gə minti Pepeŋ paapa də diri baŋ ana pəda. Ɗiki neete bə minti yə bə ɗe guuduŋ wəra haa ko bə boobo.

KOLOSIŊ 2:4

Ten waataŋ bədoona haa kir minti hulum a jəŋ tiniini dəŋ də kel kə dəsəŋ kəman ba.

HEBEREŊ 11:13

Kaa teŋ gil daŋ keɗe doŋ gud Pepeŋa hãã a me di. Yə meŋ bay fele kar gə minti Pepeŋ a wəətənəy simiŋ, səma yə əsnəy ciiri wəra bə heere, daana yə waalaŋ wəra guudi faɗi. Yə a wəra bə waatete gəm minti té haa cəərə seŋkaŋa kənaŋ kaa kə aŋay daana kaa gə cə kampa faɗi.

HEBEREŊ 7:18

Bədoona ana ta, gədəəgi də kel gə minti Pepeŋ a kəənəy, wə paapa bə əŋkəya cuuru pəda, gud bə minti yə kerpeteŋ wəra ku kela, yə nəkaŋ bə keye kaŋ bə gəm.

I PIYER 1:20

Də ko bə minti Pepeŋ a kəm bay ji seŋkaŋ, wə a ŋəmaŋ Kristu warda hãã daana wə vəɗnu wəra dər ko tó bə adoroŋa haa guudəŋa.