GALATIŊ 3:15 - JAA TƏMARWAŊ

¹⁵ Kəsaananti, bə kaŋ gud kel wəraŋ, ten he karman bə minti áŋ bə ase toŋa bə jəəti sar áŋa kəna saksakiŋ: bə minti kaa kəman ɓasi doŋ jaa ne wəra də kumsiŋ, yə jeerəna kel dəŋ a keftera daana yə maltaŋ kəəsi ne wəra adaŋ, hulum neke bə ge kel cəərə neeteŋa ada pəda daana wə neke bə ɓalka pəda gəm.

GALATIŊ 3:15 Iomraidhean Croise

JOŊRE 1:15

Dəyaŋ hõy məna gud hiti toŋ da gil daŋ, də ko bə minti kaa kə doo-deŋ gə tapə-tepe ciiri gil kampar kəsi də hor-hor ɓasiŋ, Piyer faŋ apəya aduubə di, wə əsəŋ bə wəətiya minti:

ROMEŊ 1:13

Kəsaananti, ten bele minti aŋ asə la minti ten goldoŋ kəkəy kampa ablaw bə ɗe gerdeŋ na, səma ten jəŋ wəra bə laŋtə-laŋte hãã hebkəna. Gud maa mo ten bə balə-bele minti ten ɗee la a ji joŋreŋ aduubə dəŋa kir minti wə falə we la a tiiruŋa damdi wə jəətəŋ aduubə də gidiirə kaa kaayaŋa ana gəm.

ROMEŊ 3:5

Hebkəna ten waate kel haa də aŋar də ɗiki bə minti cəərə kaŋaŋ. Yə waataŋ ne minti baymele bə minti áŋ bə jəwaŋ keye bə ge gud ɗeker kə Pepeŋ wəra pəɗaki a kaŋ, áŋ neke bə waate minti harmə mo? Haa minti Pepeŋ paapa ɗeker ba bə minti wə kole waŋ daana wə ji daŋgay də áŋ mo?

ROMEŊ 6:19

Ten humtuŋ kar gə minti bə jəəti sar aŋ kaa kəsarkaŋa kənaŋ bə waataŋ kel, gud bə minti aŋ iski cəlam baŋ. A dayday aŋ ayaŋ kar də kusrəŋ damdi kafkam ana bə jəəti gidiirə baymeleŋa daana kar kə bay koloŋ cetcetiŋ gəm. Kel teŋ kəya malnaŋ a bay humi bə kosoŋ bə cəərə Pepeŋa faɗi. Bə hebkənaŋ, aŋ ayə kar də kusrəŋ la wəra keɗe a Pepeŋ bədoona ana gəm, bə ji kel ɗekeri gə ɗe a məlaŋ cəərə ɗe cetcetiŋaŋ.

I KOREŊTƏŊ 15:32

Kel gə minti kaŋ jəənən diiri giidə seŋka də Efesiŋaŋ haa damdi kuuri bə minti kaŋ kuuri kar kə waraŋ duuruŋ ana. Jəəne minti ten hale kel haa gud ɗiki bə kusukiŋa təwa faɗiŋ, ten fele maa ada mo? Jəəne minti kaŋ hare wəra dədərgə adordə meŋa baŋ, áŋ jəə la damdi kaŋ bə waate wəraŋ ana: «Áŋ hamə la, áŋ saa la nuutu ta, gud maa mo dibiini yaakaŋ cəərə áŋa haa meŋ!»

GALATIŊ 6:18

Kəsaananti, pisi kə Barkaŋ náŋ Yeesu Kristu jəə la dəərəŋ məna-məna keɗe'i. *Amen.

HEBEREŊ 6:13

Dər dayday daŋ, bə minti Pepeŋ a waataŋ sam karman wəra a *Abraham, wə kəlaŋ ku haa kele. Karman baalaŋ bə dəŋu boblo paapa tə kəm, wə kəlaŋ ku haa də səmu faɗi.

HEBEREŊ 6:16

Bə minti hulum kele ku ha'aŋ, wə ge ada haa sam karman bə minti dəŋu cuuruŋ. Bədoona ana ta, awəy raawe ajewa pəda.

HEBEREŊ 9:17

Jəəne minti bərdə kefter toŋ kəm caw, áŋ neke bə ji joŋre duuru ba. Áŋ ji joŋre duuru ha'aŋ, adordə me du.