GALATIŊ 3:10 - JAA TƏMARWAŊ

¹⁰ Səma kə kaa gə minti bə ɗiki minti ku giliŋ kole té yaŋ wəra ɗeker dər Pepeŋaŋ, kəəti kə Pepeŋ duuniy ne wəra ɗaw. Gud maa mo, Kefter kə Pepeŋ wəra bə jeerə-jeere minti: «Hulum bə minti paapa bə ji joŋre də kel gə giidə kefter bə ku gili kə Moyisiŋa wəra saksaki keɗe baŋ, kəəti kə Pepeŋ daw la.»

GALATIŊ 3:10 Iomraidhean Croise

MATIYE 25:41

Kəya wə waate kaayaŋ gə kəəsu gulaŋ yaŋ minti: ‹Aŋ zee la warna sarəna anə tooto, aŋ kaa gə minti kəəti kə Pepeŋ doonoŋ. Cəwa də bay teweŋ də minti Pepeŋ a ɗampəna cəərə Nərtitiŋa də kaa kə digi naataŋ, aŋ ɗee la a ve dərə.

ROMEŊ 4:15

Gud maa mo, ji minti Pepeŋ kolə waŋ la cəərə kaŋa haa ku giliŋ. Ku giliŋ a jəə la paapaŋ, hulum sə a neke bə ɓəlku bə gəm.

ROMEŊ 6:23

Gud maa mo werke bə gud baymeleŋ haa meŋ. Səma karman bə minti Pepeŋ əyu a kaŋ booboŋ haa dədərgə də bay tewe də minti wəra də tapə-tepe də Yeesu Kristu Barkaŋ náŋ.

ROMEŊ 8:7

Gud maa mo kaa gə minti ɗe gud karman bə minti giidə kusri bə hatə-hate də baymeleŋ bəluŋ, yə acukur də Pepeŋ, yə humi kosoŋ cəərə ku gili nuutuŋa bə gəm. Yə bəlaŋ ne nuutu minti té humi kosoŋ cuuruŋ, yə paapa gə nakə-neke ba.

II KOREŊTƏŊ 3:7

Ku giliŋ a jəŋ bə maltə-malte də jeereŋ cəərə anə pərki pəmpərəŋi. Də ko bə minti wə bə jeereŋ ha'aŋ, boblo kə Pepeŋ vəɗaŋ kusru wəra, gud maa mo dər *Moyisi anəkayya koloŋ bə welɗe, hãã bə minti kaanə Israyel a nəkaŋ bə gulu duru pədaŋ. Ana ha'aŋ, welɗe toŋ haa bə hiti maki bagŋ. Jəəne minti ku gili tó bə minti joŋre duŋ haa bə mele kaŋ a meŋaŋ vəɗaŋ gud boblo kə Pepeŋ wəra a kəkəy bə ceme duŋa,

GALATIŊ 2:16

Səma, áŋ gə Ziwifi də dər kusrə áŋ, wəra də dər áŋ gəm minti Pepeŋ kole hulum duru ɗeker haa bə minti wə doŋ haa ne də joŋre bə minti Yeesu Kristu juunu təwa faɗi, paapa gud bə minti wə doŋ ku giliŋ kə *Moyisiŋ wəra keɗe a kuɗuŋa ba. Áŋ gəm tá, áŋ doŋ gud Yeesu Kristu kir minti áŋ kolə la dər Pepeŋa ɗeker haa gud joŋre bə minti Kristu juunu, paapa gud bə minti áŋ ɗeŋ gud ku giliŋa a kuɗuŋa ba. Gud maa mo, hulum kole dər Pepeŋa anə məna ɗeker gud ɗe nuutu bə gud ku giliŋa ba.