GALATIŊ 3:1 - JAA TƏMARWAŊ

¹ Haaya! Aŋ kaanə Galatiŋ, aŋ kaa teŋ bay kəkəl gə cəərəŋ ta! Hulum kəman jəənəŋ wəra ada ji mo? Anaaŋa, ten topnoŋ bəlam də me kə Yeesu Kristu a kəbaŋ kə largaŋa wəra anə celel, maa bə jəənəŋ haa mo?

GALATIŊ 3:1 Iomraidhean Croise

MATIYE 24:24

Gud maa mo kaa gə minti ji kusri minti té kəna Kristu, Hulum bə minti Pepeŋ ŋəmnuŋ, kumundu ba kaa kə jogte ku mini kə Pepeŋ, bə pi diri yaŋ ablaw. Yə jəəti kar kəmtəŋ gə ŋili kaŋ yaŋ bə ge dər minti haa də səɓaki kə Pepeŋ, daana yə jəəti miɗi kəmtəŋ yaŋ gəm kir minti té sə a nakə laŋ, koo kaa gə minti Pepeŋ ŋəmnəy wəra a kusruŋ, té sə a ləŋəy wəra.

MATIYE 7:26

Səma, mindi mindi mo əskəŋ kel gə minti ten a wəətənəy kəna neŋ, wə paapa bə ji joŋre diiri baŋ, wə bə ŋarə-ŋere də hulum bə bay ase kel bə minti ɗeŋ a ge gud kuli nuutuŋ a ko bə caɓcaɓiŋa ana.

LIKI 24:25

Kəya Yeesu wəətənəy minti: «Aŋ kaa gə minti cəərəŋ paapa! Aŋ də liŋ-liŋ bə de gud kel gə minti kaa kə jogte ku mini kə Pepeŋ a wəətənəy!

JOŊRE 16:6

Anə Pol a bəlaŋ minti té koorə la bə ɗe a waate kel kə Pepeŋ wəra giidə seŋka də Aziŋa, səma Tiiru Cetcetaŋ həənəy kuy wəra. Gud teŋa ta, yə haŋ tew giidə seŋka də Firijiŋa daana də Galatiŋa bə koore a ko baalaŋ.

JOŊRE 6:7

Daŋgeŋ ha'aŋ, kel kə Pepeŋ wəra bə duusi pisi duusa. Aŋke də kaa kə doo-deŋ əsəŋ bə zuli pisi zulə Zeruzalema. *Kaa kə keere Pepeŋ ablaw əsəŋ bə humi kosoŋa cəərə de bə gud Yeesuŋa.

ROMEŊ 10:16

Səma sərdə kaŋ doŋ Kel pəsaŋ kəmarwaŋ teŋ ba. Ezay a waataŋ ne wəra minti: «Barkaŋ, mindi doŋ gud kel gə minti are a wəətənəy wəraŋ mo?»

ROMEŊ 2:8

Kə kaayaŋ gə minti gargaŋ də waŋ də Pepeŋ, yə haraŋ dər gəəziŋ warnaŋ, daana yə doŋ baymeleŋ ciiri kumnaŋ, waŋ daana kəəti kə Pepeŋ bə awe yaŋ ciiri gəm.

ROMEŊ 6:17

Áŋ jəə suuse la a Pepeŋ, gud maa mo aŋ a jəŋ kafkam kə baymeleŋ, səma bə hebkənaŋ, aŋ humuŋ kosoŋ wəra də ku tarməyaŋ soki məna cəərə kar gə minti yə a hatnaŋ dəŋ, gə minti gəəziŋ.

I KOREŊTƏŊ 11:26

Gud maa mo, saksaki bə minti aŋ bə hame mappaŋ daana bə se karman bə giidə kopi toŋ yaŋ, aŋ bə waate kaŋa wəra cəərə me də Barkaŋa. Aŋ jəətə la bədoona hãã bə minti wə hare daŋ.

I KOREŊTƏŊ 2:2

Gud maa mo, karman bə minti ten haŋ ɗikiŋ cuuru bə ɗe a wəətu wəra a nəənəŋ, haa Yeesu Kristu təwa, daŋgeŋ haa cəərə me du a kəbaŋ gə largaŋaŋ faɗi.

II KOREŊTƏŊ 10:5

Karman muntu muntu mo bə minti ji kusru minti tó bə ana ba kir minti tó gistə koŋ la wəra dər kaŋaŋ minti yə a ase Pepeŋ baŋ, are ɓəlku wəra gəm. Ɗiki kə kaa bə minti acukur də Pepeŋ are həru a kəkəya kir minti wə kolə la bə humi kosoŋa cəərə Kristu.

II KOREŊTƏŊ 11:3

Səma walka bə jəna minti aŋ yaake hulum bə ɓalkaŋ ɗiki dəŋa kir minti aŋ yaakə de dəŋ kaŋkaŋi daana *cetceti bə gud Kristuŋ la wəra damdi Eva yaakaŋ kusrə bə leŋe wəra ku tiwki kə hənjiŋa anaŋ.

GALATIŊ 1:6

Haaya! Karman bə minti aŋ juunuŋ ŋəlnən ablaw. Pepeŋ mantənaŋ haa gud pisi bə minti aŋ fəlu gud Kristuŋ. Bə jəŋ naanaanə minti aŋ koloŋ kerkeŋ ne anə cəlamma a kel nuutuŋ, bə ɗe máŋ gud *Kel pəsaŋ kəmarwaŋ gaalaŋaŋ ɗaw mo?

GALATIŊ 2:14

Bə minti ten ɗeŋ a ase kay minti yə paapa bə ɗe ɗeker a kəkəy bə gəəzi bə *Kel pəsaŋ kəmarwaŋ kə Pepeŋa baŋ, ten waataŋ Piyer wəra anə pəɗaki tiinə kaŋa faɗi minti: «Tam də kusrum, tam hulum bə Ziwifi, səma tam paapa bə ji kusruma bə hulum bə Ziwifi ana pəda tə kəm, tam bə he gud kaa gə minti teŋ paapa gə Ziwifi baŋ bə ji kusri bə kaanə Ziwifiŋ ana bə maa mo?»

GALATIŊ 3:3

Aŋ bə jəŋ wəra kəna kaa kə bay kəkəl gə cəərəŋ bədoona day, naanaanə mo? Aŋ məlaŋ gud joŋre də səɓaki kə Tiiru Cetcetaŋ ɗaw pəta, aŋ golde máŋ hebkəna minti aŋ ɗe a gaw cuuru də səɓaki dəŋ naanaanə pə mo?

GALATIŊ 4:9

Ana hebkəna bə minti aŋ asaŋ Pepeŋ wəraŋ, ten sə a waate haa kəna minti Pepeŋ asnaŋ wəraŋ ɗaw, bə jəŋ naanaanə minti aŋ haraŋ dərəŋ gud to'osi tá də boobo də minti paapa də nakə-neke karman baŋ, bə maa pə mo? Aŋ bele minti aŋ harə la kafkam kə to'osiŋ taŋ haa səm pə mo?

GALATIŊ 5:11

Kəsaananti, katən ha'aŋ, kaŋ bə ɗiki haa minti ten bə waate minti kaŋ kir ceme təntəri wəra bə kole kusri ɗeker dər Pepeŋa. Sə a jəə la kəna bədoonaŋ, kaanə Ziwifiŋ sə a ləsan ba. Kel gə minti Pepeŋ kole kaŋ wəra diiri ɗeker gud me kə Yeesuŋa wəra a kəbaŋ gə largaŋa, yə sə a gay warna bə gəm.

EFESIŊ 3:8

Adəwaldə kaa kə Pepeŋa keɗe, a bə kerpə-kerpeŋ aduubə di haa ten. Də teŋ keɗeŋ, Pepeŋ jəŋ pisi sarəna a kəkəy bə minti wə aynan nin haa waate bə kel a kaa gə minti teŋ paapa gə Ziwifi baŋ cəərə pisi boblo bə minti áŋ fəlu gud Kristuŋ. Pisi boblo toŋ, guudu əski kas huluma ba.

EFESIŊ 4:14

Bədoona kəya tə bə moŋ, áŋ bə ji paapa damdi kəmar koncoŋ kəman gə minti bə halye dər gidiirə hate hãy-hãyiŋa ana pəda. Gud maa mo yə damdi kətartawaŋ gə minti bə halye dər kan gə acceŋa minti kaŋkaw bə təkəyaŋ ana. Aye hate toŋ haa kaa gə minti ji kaŋ də tiwki bə ɗe a vay wəra dər kel kə ləŋəya.

EFESIŊ 5:15

Bədoona ta, aŋ amə ɗe dəŋ la pisi. Aŋ a ji kusrəŋ damdi kaa gənam-gənami ana ba, səma aŋ jəə la haa kaa kə zuuri kel.

II TESALONIKIŊ 1:8

Wə bi haa dər cəwa də do'ə-do'e hərhəra bə bi a lese kaa gə minti a bəlaŋ ase Pepeŋ ba, gə minti bəyaŋ *Kel pəsaŋ kəmarwaŋ gə waate sam Barkaŋ náŋ Yeesu wəraŋ gəm.

I TIMOTE 6:4

wə hulum bə he cəərə kusru apəya boobo. Wə asaŋ karman bə hasi. Wə hulum bə goldə-golde kel daana wə bele awəy ablaw cəərə kel kə waateŋa. A ko toŋa kəya, sərkəŋ pi dərə wəra ada, awəy də ablaw, sarteŋ, ɗəkti bə kel kə bayməlaŋ cəərə kumsumaŋ,

HEBEREŊ 11:8

Gud deŋa ha'aŋ, bə minti Pepeŋ mantaŋ *Abraham minti wə ɗee la giidə seŋka kəman də minti tó ɗe a əyu du yaŋ hõy, wə humuŋ kosoŋ cuuru faɗi. Kəya wə kooroŋ bay ase ko bə minti wə ɗe ada naŋ ceki.

HEBEREŊ 5:9

Bə minti wə koloŋ wəra bə doo-de ku a kara keɗeŋ, wə koloŋ máŋ hulum bə aye seere bə bay teweŋ a kaa gə minti humi kosoŋ cuuruŋ keɗe.

I PIYER 1:22

Aŋ humuŋ kosoŋ cəərə gəəzi kə Pepeŋa, kəya baymele nəətiŋ fəlaŋ vəəgə bə giidu ne gəm. Aŋ koloŋ gə nakə-neke bə bele kumsəŋ gəəzə-gəəzi. Bədoona ta, aŋ balə kumsu la adəwaldə kumsəŋa saksaki wəra də ku tarməyaŋ soki məna.

I PIYER 4:17

Koŋ wəra maŋ bə minti Pepeŋ ɗele jeme kəəti də kaŋ, wə məlu guudu acekjew haa cəərə kaa kə doo-deŋa faɗi. Jəəne minti wə jeme ajew haa kəəti də kaa nuutuŋ ɗaw, gəəli ablaw cəərə kaa gə minti doŋ gud *Kel pəsaŋ kəmarwaŋ nuutuŋa baŋ!

II PIYER 2:18

Yə waate haa kel kə hage sam kusriŋ saksaki, anaaŋa guudi paapa ta'a ba. Yə ji joŋreŋ də kusri bə hatə-hate də baymeleŋ bə tope kaa gə minti a ɓətəŋ warda kəmarwaŋ ku kaa kə laŋtə-laŋte da də vew neeteŋ.

VEƊE 18:3

Gud maa mo gidiirə kaŋ keɗe saŋ kumuy naataŋ. Kumuy bə waŋ toŋ haa dəglə naata də raawə-raawe hasaŋ. Kəkamna gə cəərə seŋkaŋ jəŋ piwpiw dəərə. Kaa kə celeere gə cəərə seŋkaŋ koloŋ kusri wəra də hurma gud həryəm də kar pəsaŋ naata gə səɓak-səɓakiŋa.»

VEƊE 2:20

Səma karman bə minti giidən yaakaŋ wəra sarəŋa guuduŋ ha'aŋ, aŋ yaakaŋ kəkəy a həlgə də minti yə manta Zezabel aduubə dəŋaŋ, həlgə taŋ də minti ji kusrə damdi həlgə də jogte ku mini kə Pepeŋ ana. Kəya a lentenen kaa kə joŋre nin wəra, a hətnəy bə jəəti kel kə piwpiwa daana bə hamte kusuki bə minti yə a keereŋ anə pepe kəman duuruŋ gəm.