GALATIŊ 2:9 - JAA TƏMARWAŊ

⁹ Anə Zaki də Piyer daana Zaŋ, gə minti kaŋ a humnuy tiini kəmtəŋ neeteŋ, yə asaŋ wəra gəm minti Pepeŋ aynan joŋre nin bə jiŋ haa toŋ kəya. Bə ge dər minti ku are máŋ bə tapə-tepe diiri tə bə moŋ, yə topoŋ kasi are də Barnabasi faɗi. Bədoona kəya, are gaŋ ku are wəra məna minti are teŋ ɗee la a ji joŋreŋ adəwaldə kaa gə minti teŋ paapa gə Ziwifiŋ baŋ, té kaayaŋ ɗee la a ji joŋre adəwaldə kaanə Ziwifiŋa gəm.

GALATIŊ 2:9 Iomraidhean Croise

MATIYE 16:18

Ten gəm ta, ten waatam minti tam haa Piyer (haa minti pərki). Cəərə pərki toŋa ha'aŋ, ten tepe cəərə kaa gə guudəna yaŋ ada keɗe. Səɓaki də meŋ neke bə ji karman sar Tapi taŋa ba anə ceki.

LIKI 22:8

Kəya Yeesu vaŋ anə Piyer də Zaŋ ajew na, wə wəətənəy minti: «Aŋ ɗee la a ɗampe kar gə ji kəɗwəy gə Pakiŋ a áŋ minti áŋ həməy la.»

Kel pəsaŋ kəmarwaŋ gə minti Zaŋ jiiriniy 1:42

Kəya wə kooroŋ də Simoŋ sar Yeesu faɗi. Yeesu goloŋ Simoŋ, wə əsəŋ bə wəətu faɗi minti: «Tam haa Simoŋ, kormə Zaŋ. Yə bə mantam yaŋ máŋ minti Sefasi.» (Sefasiŋ haa minti Piyer, Piyer haa minti pərkiŋ.)

JOŊRE 12:17

Kəya Piyer haŋ kəəsu apəya, wə vilwiniy di anəkayya minti yə zenə la kəm mo. Yə zeneŋ sekeki, kəya wə əsəŋ bə tupuy bəlam də kel gə minti Barkaŋ gaŋ tó warda a daŋgay da haa naanaanə ge moŋ. Wə wəətənəy pa minti: «Aŋ ɗee la a waate kel teŋ a Zaki də kəsaanə áŋ kaayaŋ gəm.» Kəya wə kəlaŋ wəra, wə kooroŋ warna a ko baalaŋ na anə hoŋ.

JOŊRE 15:13

Ku anə Barnabasi də Pol ɗeŋ a awe adawra anəkay, Zaki faŋ apəya, wə əsəŋ bə waate kaŋa minti: «Kəsaananti, aŋ jeɓren kun la!

JOŊRE 15:7

Bə minti awəy gargaŋ anə taata tə bə moŋ, Piyer faŋ apəya, wə wəətənəy minti: «Kəsaananti, aŋ wəra gə asə-ase hebkəna hãã də hi bə ajew daŋ, Pepeŋ ŋamnan aduubə dəŋa bə waate *Kel pəsaŋ kəmarwaŋ wəra a kaa gə minti teŋ paapa gə Ziwifiŋ baŋ, kir minti yə əskə kel teŋ la, yə kolə la wəra kaa kə doo-de gəm.

JOŊRE 4:36

Bədoona ana, hulum kəman a jəŋ ada, yə məntu minti Zosefi. Wə haa a kaasaw də *Levi, wə waŋ giidə seŋka də Sipərəŋa. Hulum toŋ, kaa kə vaa-veŋ məlnu səmu minti Barnabasi. Gud sam toŋ haa minti: «Hulum bə teŋe dər kaŋ.»

ROMEŊ 1:5

Haa guudu ta minti Pepeŋ jəŋ pisi nuutuŋ sar are minti are jəə la kaa kə vaa-ve kə Kristu, kir minti gidiirə kaa gaalaŋ-gaalaŋ nakə la bə de guudu daana bə humi kosoŋa cuuru gəm. Kel teŋ jəŋ gila keɗe haa bə he cəərə Kristu apəya.

ROMEŊ 12:3

Gud pisi bə minti Pepeŋ juunu sarənaŋ, ten bə waate mindi mindi mo guudəŋa minti, aŋ a gole kusrəŋ dəŋaŋ karman bə minti aŋ lamaŋ ba. Aŋ kir gole dər kusrəŋ haa anə ɓeti də aŋar də de bə minti Pepeŋ aynaŋ dəŋ.

ROMEŊ 15:15

Də teŋ keɗe, a ko kəmana ta'-ta'i giidə kefter bə minti ten bə jeereŋ dəŋa kəyaŋ, ten topoŋ kun cəərə kela ba bə hare bə ɗəkəŋ cəərəŋa cəərə sərdə karaŋ. Ten jəŋ bədoona haa gud bə minti Pepeŋ gud pisi nuutuŋaŋ

I KOREŊTƏŊ 15:10

Səma Pepeŋ jəŋ pisi nuutuŋ sarəna, ten koloŋ hulum bə minti aŋ bə əsu hebkəna haa sə teŋ. Pisi bə minti wə juunu sarənaŋ ɓalkaŋ wəra boobo ba, ten jəŋ joŋre duuru ablaw dəŋaŋ kaa kə vaa-ve kaayaŋ ɗaw. Səma jəŋ joŋre toŋ haa paapa ten ba; pisi bə minti Pepeŋ juunu sarəna bə ɗe dəərən bə jəwa haa tó.

II KOREŊTƏŊ 11:5

A ɗiki dəna, *kaa kə vaa-ve gə samsam nəəti teŋ paapa bə daŋna a ko kəmana ba anə ceki.

II KOREŊTƏŊ 12:11

Ten waate kel damdi hulum bə mələr ana a kəkəy bə ufi kuna, səma haanan guudən bə ji bədoona haa aŋ. Aŋ sə a waate wəra cəərəna haa aŋ ɗaw. Gud maa mo ten jəəne nuutu paapa karman baŋ, ‹*kaa kə vaa-ve gə samsam› nəəti teŋ, yə paapa karman bə dəŋana anə weseki bə ɗaw.

II KOREŊTƏŊ 8:4

Yə mantaŋ kasi are ablaw faɗi minti kəkəy bə pisi toŋ jəə la cəərə té bə tepe a joŋre bə aye kara a kaa kə Pep gə giidə vil də Zeruzalem gəm.

GALATIŊ 1:16

Bədoona ana, bə minti kel teŋ duunu duru, wə vaɗnan Kurmuyuŋ dərəna minti ten waatə Kel pəsaŋ kəmarwaŋ gə minti waate cuuruŋ la wəra a kaa gə minti teŋ paapa gə Ziwifiŋ baŋ. Də ko toŋ kəya, ten ɗeŋ a golde hel kasi huluma ba,

GALATIŊ 1:18

Bə jəŋ kəya taŋ, laate jəŋ wəra kəm soope bə minti ten kooroŋ Zeruzalem bə ɗe a ŋefe də Piyer. Ten hətəŋ suru da hor cuuru wiiɗiw faɗi.

GALATIŊ 2:1

Laate jəŋ wəra hor cuuru waaɗe bə minti ten a yaakaŋ vil də Zeruzalem. Adoro are haraŋ ada na də Barnabasi, ten doŋ Titi guudəna ada na gəm.

GALATIŊ 2:2

Ten ɗeŋ ha'aŋ, gud bə minti Pepeŋ vaɗnan gəryi toŋ wəra minti ten ɗee la ada na. Bə minti are tuluŋ warna ada naŋ, are təpaŋ wəra kəm də kaa kəmtəŋ gə tiinə kaa kə Tapiŋ bay cəərə are. Kəya ten tupnuy bəlam də *Kel pəsaŋ kəmarwaŋ gə minti ten a bə wəətiya wəra a kaa gə minti teŋ paapa gə Ziwifi baŋ. Ten jəŋ bədoona haa minti, joŋre bə minti ten a juunu daana bə minti ten bə jəwa hebkənaŋ, yə a sərtu minti wə basə la wəra boobo ba. Bədoona ta, yə doŋ kel nin.

GALATIŊ 6:3

Jəəne minti hulum kəman yaŋ bə ɗiki minti tó paapa boomə-boome baŋ, anaaŋa wə paapa karman toŋ ada ta'i bə paŋ, wə leŋe kusru boobo.

EFESIŊ 2:20

Aŋ wəra hebkəna aduubə də kar gə minti Pepeŋ bə hərsi kuliŋa diiriŋ. *Kaa kə vaa-veŋ də *kaa kə jogte ku mini nuutuŋ, haa ge bə gud kuli toŋ. Yeesu Kristu də kusru haa pərki pisi bə de kuliŋ ŋəŋ.

EFESIŊ 3:8

Adəwaldə kaa kə Pepeŋa keɗe, a bə kerpə-kerpeŋ aduubə di haa ten. Də teŋ keɗeŋ, Pepeŋ jəŋ pisi sarəna a kəkəy bə minti wə aynan nin haa waate bə kel a kaa gə minti teŋ paapa gə Ziwifi baŋ cəərə pisi boblo bə minti áŋ fəlu gud Kristuŋ. Pisi boblo toŋ, guudu əski kas huluma ba.

KOLOSIŊ 1:29

Haa gud teŋa ta minti ten a joŋreŋa daana bə bandə-bande wəra anə keɗe-keɗe də səɓaki kə Kristu də minti bə ji joŋreŋa də səɓaki giidən daŋ.

I TIMOTE 3:15

minti, jəəne nuutu minti ten tuukuŋ səram na ga'i baŋ, kefter toŋ gam dərəm yaŋ minti ɗe kə kaa kə Pepeŋ jəə la giidə Tapiŋa naanaanə mo. Kaa teŋ haa kaa gə tapə-tepe ciiri kə Pep bə dədərgəŋ. Yə haa səɓaki də de kel kə gəəziŋ.

I ZAŊ 1:3

Bədoona ana, kel gə minti are əsnəy, gə minti are jiɓriniŋ, are waataŋ dəŋ wəra gəm kir minti aŋ tapə la məna də are. Tepe naareŋ haa minti are gə tapə-tepe də Bar áŋ Pepeŋ, də Kurmuyuŋ Yeesu Kristuŋ gəm.

VEƊE 3:12

Hulum bə minti pəŋ bulum neŋ, ten kulu yaŋ damdi larga də garə-gere giidə *Kuli kə Pep katəna bə daw kay ana, wə kele wəra hõy pəda anə hasi faɗi. Ten jiiru sam Pep katən yaŋ suru də sam Zeruzalem təmarwaŋ gəm, haa vil kə Pep katən də minti sorke warda apəy da sar Pepeŋ daŋ. Ten jiiru səman kimirwiŋ yaŋ suru gəm.