GALATIŊ 2:5 - JAA TƏMARWAŊ

⁵ Səma are yaakaŋ kusrə are bə reeme a ko kəmana anə weseka a niini ba. Are jəŋ teŋ haa minti yə a ɓalke gəəzi də Kel pəsaŋ kəmarwaŋ wəra ba, kir minti aŋ ɗee la a iskiy a kuɗiŋa.

GALATIŊ 2:5 Iomraidhean Croise

JOŊRE 15:2

Kəya anə Pol daana Barnabasi paapa gə doo-de haa gud kel teŋa ba. Awəy mooto awaŋ aduubə di də kaa teŋ faɗi. Kəya cəərə kel ɗeŋ a awe haa minti, marya diŋ anə Pol, Barnabasi də sərdə kaa kə doo-de gə Antiyosiŋ ɗee la Zeruzalem a gole dər kel teŋ da kəm də *kaa kə vaa-veŋ daana də kaa kəmtəŋ gə tiinə kaa kə Tapi gə ko toŋ.

GALATIŊ 1:6

Haaya! Karman bə minti aŋ juunuŋ ŋəlnən ablaw. Pepeŋ mantənaŋ haa gud pisi bə minti aŋ fəlu gud Kristuŋ. Bə jəŋ naanaanə minti aŋ koloŋ kerkeŋ ne anə cəlamma a kel nuutuŋ, bə ɗe máŋ gud *Kel pəsaŋ kəmarwaŋ gaalaŋaŋ ɗaw mo?

GALATIŊ 2:14

Bə minti ten ɗeŋ a ase kay minti yə paapa bə ɗe ɗeker a kəkəy bə gəəzi bə *Kel pəsaŋ kəmarwaŋ kə Pepeŋa baŋ, ten waataŋ Piyer wəra anə pəɗaki tiinə kaŋa faɗi minti: «Tam də kusrum, tam hulum bə Ziwifi, səma tam paapa bə ji kusruma bə hulum bə Ziwifi ana pəda tə kəm, tam bə he gud kaa gə minti teŋ paapa gə Ziwifi baŋ bə ji kusri bə kaanə Ziwifiŋ ana bə maa mo?»

GALATIŊ 4:16

Bə hebkənaŋ, ten koloŋ hulum bə acukur nəəti haa gud bə minti ten bə waataŋ gəəziŋaŋ mo?

EFESIŊ 1:13

Aŋ gə minti əskəŋ kel kə gəəziŋ, *Kel pəsaŋ kəmarwaŋ gə minti aŋ fele seereŋ guudiŋ, aŋ wəra gə tapə-tepe də Kristu. Bədoona ana, aŋ doŋ gud Kristu gəm, kəya Pepeŋ aynaŋ Tiiru Cetcetaŋ də minti wə a waatənaŋ sam wəra a nəənəŋ. A gaŋ dərəŋ haa minti aŋ wəra kaa kə tó.

KOLOSIŊ 1:5

De toŋ daana bele toŋ bə əsə-isi haa cəərə karman bə minti Pepeŋ bə ɗokoŋ dəŋ na apəya naŋ. Haa karman bə minti aŋ wəra gə malə-mele ɗiki dəŋ cuuruŋ. Bə minti yə waatənaŋ kel kə gəəziŋ wəraŋ, *Kel pəsaŋ kəmarwaŋ, aŋ fəlaŋ ɗiki dəŋ tó bə malə-meleŋ haa də ko toŋ faɗi.

1 TESALONIKIŊ 2:13

Are saksaki bə ji suuse a Pepeŋ pa gud bə minti, are waatənaŋ kel kə Pepeŋ ha'aŋ, aŋ duuniy bə kel kə hulum ana ba, aŋ duuniy damdi karman bə minti yə bədoona ana gəəzi, kel kə Pepeŋ faɗi. Yə bə ji joŋre giidiŋa, aŋ kaa kə doo-de.

ZUDI 1:3

Gədaarən gə agŋ-agŋ, ten a bə bandə-bande bə jeereŋ kefter cəərə kel kə seere bə minti áŋ keɗe, áŋ fəlnuŋ. Bə hebkənaŋ, wə koloŋ máŋ karman bə han guudən minti ten jeereŋ la bə zeŋ guudəŋ minti aŋ duurə la gud kel kə de gə minti Pepeŋ jugnuy a kaa nuutuŋ na kampa ɗaaməna faɗiŋ.