GALATIŊ 2:20 - JAA TƏMARWAŊ

²⁰ Səma, bə hebkənaŋ, ten kəm caw dədərgə. Bədoona ta, ten paapa cəərə kusrəna ten pəda, Kristu máŋ cəərəna haa tó. Karman bə minti ten jəw dər caw dəna hebkəna, haa bə de gud kormə Pepeŋ bə minti balnan daana bə minti ayaŋ kusru wəra a meŋ a koɗonaŋ.

GALATIŊ 2:20 Iomraidhean Croise

MATIYE 20:28

Gud maa mo, *Kormə Hulúm bəŋ haa paapa minti kaa jəw joŋre la ba. Wə bəŋ haa minti wə jəə joŋre la a kaŋ ɗaw daana bə aye dədərgə du wəra bə miɗi kaa ablaw.»

MATIYE 4:3

Kəya Nər kə ku kaŋ zeŋ suru da, a wəətunu minti: «Tam jəəne kormə Pepeŋ gəəziŋ, waatə pərki la laka minti wə kolə la wəra so.»

Kel pəsaŋ kəmarwaŋ gə minti Zaŋ jiiriniy 1:49

Kəya Nataniyel minti: «Hulum bə hateŋ, tam kəna Kormə Pepeŋ, tam haa Kumna kə kaanə *Israyel.»

Kel pəsaŋ kəmarwaŋ gə minti Zaŋ jiiriniy 10:11

Ten kəna bərdə kaamaŋ bə minti wəra maŋ bə aye kusru gud kaamaŋ nuutuŋa.

Kel pəsaŋ kəmarwaŋ gə minti Zaŋ jiiriniy 15:13

Bele bə deŋe kumsuŋ haa bə minti hulum aye kusru a meŋ gud gədəəruŋaŋ.

Kel pəsaŋ kəmarwaŋ gə minti Zaŋ jiiriniy 17:21

Abaŋ, ten toosom haa minti yə jəə la keɗe gə tapə-tepe məna. Yə jəə la gə tapə-tepe də áŋ damdi tam bə tapə-tepe dəərən daana ten bə tapə-tepe dəərəm ana gəm, kir minti kaa gə cəərə seŋkaŋ doo la gud kela minti gaanan da haa tam.

Kel pəsaŋ kəmarwaŋ gə minti Zaŋ jiiriniy 3:16

Gud maa mo Pepeŋ bəlaŋ kaa gə adawraŋ wəra kə ablaw. Gud teŋa ta, wə ayaŋ kurmuyu məna'iŋ da minti mindi mindi mo doŋ ne guuduŋ, wə a bese wəra ba, səma wə falə nuutu la haa dədərgə də bay teweŋ.

Kel pəsaŋ kəmarwaŋ gə minti Zaŋ jiiriniy 3:35

Pep Abaŋ bele Kurmuyuŋ, wə əynu kar neŋneŋ keɗe wəra kəəsu.

Kel pəsaŋ kəmarwaŋ gə minti Zaŋ jiiriniy 6:57

Aba bə dədərgəŋ gaanan da, ten caw haa kir kəəsu gəm. Gud teŋa ta, hulum bə minti hamnan kusuki dən neŋ, ji caw haa kir kaasən gəm.

Kel pəsaŋ kəmarwaŋ gə minti Zaŋ jiiriniy 6:69

Are teŋ, are doŋ guuduma, are asaŋ wəra gəm minti tam haa Hulum Cetceti bə minti Pepeŋ gəənu daŋ.»

JOŊRE 8:36

Də bə minti yə raawaŋ kəm bə ɗe də kumsi a kəkəy naŋ, yə tuluŋ sar ko bə kan kəmana maŋ. Kəya hulum bə Etiyopiŋ waataŋ Filipi faɗi minti: «Golə la, ha'aŋ kan bə mo? Karman bə han kun bay ji batem yaŋ kəm ada pə mo?» [

JOŊRE 9:20

A ko toŋa kəya, wə məŋ ba, wə əsəŋ bə waate kela giidə *kuli bə toose kə kaanə Ziwifi bə minti Damasi adaŋ faɗi. Wə wəətənəy kel cəərə Yeesu Kristu, minti wə haa Kormə Pepeŋ.

ROMEŊ 1:17

Gud maa mo, Pepeŋ kole kaŋ duru ɗeker naanaanə moŋ, Kel pəsaŋ kəmarwaŋ wəra gə vaɗə-veɗe diiri. Kəkəy bə ɗeker toŋ mele guudu haa də deŋ, wə raawe hãã a tewe du na də deŋ gəm, damdi wəra bə jeerə-jeere giidə Kefter kə Pepeŋa ana minti: «Hulum bə minti dər ten Pepeŋa ɗeker ji yaŋ caw gud de nuutu bə guudəna.»

ROMEŊ 14:7

Hulum anə məna gud áŋa caw a kusruŋ, paapa. Wə me paapa a kusru bə gəm.

ROMEŊ 3:22

Pepeŋ kole kaŋ duru ɗeker haa gud de neete bə gud Yeesu Kristuŋa. Wə ji də hulum mundu mundu mo bə minti doŋ neŋ haa bədoona ana, gud maa mo wə gole kaŋ gəga'-gəga'i

ROMEŊ 4:25

Pepeŋ əynu wəra a meŋ gud baymele náŋa, wə hərnu wəra dədərgə haa minti tó kole áŋ la wəra dər tó ɗeker.

ROMEŊ 5:2

Bəŋəŋ kəkəy wəra cəərə áŋa minti áŋ falə pisi bə minti Pepeŋ jəw sar kaŋaŋ la boobo faɗiŋ haa tó, gud bə minti áŋ gə doo-de guuduŋ. Áŋ gə əsə-isi də səɓaki haa dər pisi toŋa gəm, daana áŋ ufi ku áŋ haa gud ɗiki də áŋ bə malə-mele bə cəərə Pepeŋa minti wə ɗe a ɓarse boblo nuutuŋ yaŋ də áŋ.

ROMEŊ 5:6

Gəəzi, bə minti áŋ a saksaki paapa bə he baymele bə sar áŋa wəra baŋ, Kristu bəŋ a me wəra gud áŋ kaa kə ji baymeleŋa bə pəw wəraŋ. A ŋəmaŋ ko toŋ haa Pepeŋ.

ROMEŊ 5:8

Səma Pepeŋ gaŋ gud bele nuutu bə cəərə áŋ wəra haa də bə minti Kristu bəŋ a me wəra gud áŋa də ko bə minti áŋ kəm kaa kə bayməlaŋ ɗaw.

ROMEŊ 6:13

Aŋ a yaake kəkəy a karman dəŋ anə məna bə ji baymele minti wə kolə la wəra karman bə joŋre bə kel kə gul-gulaŋ ba. Ana ɗaw ha'aŋ, aŋ haraŋ wəra dədərgə adordə meŋa tə kəm, aŋ ayə kusrəŋ la wəra keɗe a Pepeŋ kir minti wə jəə joŋre la dəərəŋ bə jəəti kel ɗekeriŋ.

ROMEŊ 6:8

Áŋ meŋ wəra də Kristu ŋaanaanə moŋ, wəra cəərə áŋa faɗi gəm minti áŋ bə ji haa zugi dədərgə duuru.

ROMEŊ 8:10

Jəəne minti Kristu bə əsə-isi giidəŋaŋ, də teŋ keɗe kusrəŋ ɗe a meŋa pərak-pəraki gud baymeleŋa. Səma Tiirə Pepeŋ ayaŋ dədərgəŋ gud bə minti Pepeŋ kolnoŋ wəra duru ɗeker.

ROMEŊ 8:37

Səma dər kel teŋa keɗe, áŋ raawaŋ cəərə bulum wəra ɗaw gud Hulum bə minti bə bele áŋaŋ.

I KOREŊTƏŊ 6:17

Bədoona ana hulum bə minti təpaŋ ne də Barkaŋ, yə kole a tiiruŋa wəra məna gəm.

II KOREŊTƏŊ 1:24

Are golde haa paapa minti are haŋ guuduŋ cəərə deŋa ba. Gud maa mo are wəra gə asə-ase minti aŋ gə doo-de də səɓaki ɗaw. Are ji joŋreŋ dəərəŋ haa bə zeŋ gud waale nəətiŋ ajewa.

II KOREŊTƏŊ 10:3

Are nuutu kaa kəsarkaŋ, səma are duuri naareŋ paapa cəərə ɗiki bə kusukiŋa ba.

II KOREŊTƏŊ 11:10

Gud gəəzi kə Kristu bə minti sarənaŋ, ten bə waate wəra haa kənaŋ minti giidə seŋka də Akayaŋ, hulum neke bə han kun wəra cəərə ufi bə kun bə gud toŋa kəya ba ana hasi faɗi.

II KOREŊTƏŊ 13:3

Aŋ bə golde minti waate kel kuna haa Kristu moŋ, aŋ əsu yaŋ wəra ada faɗi. Kristu paapa də nalnal tiinəŋa ba, wə bə ji joŋre də səɓaki aduubə dəŋa faɗi ɗaw.

II KOREŊTƏŊ 13:5

Aŋ yaŋ nuutu bə ɗe gud de nəəti bə gud Pepeŋa moŋ, aŋ latə ku kusrəŋ la bə gole koɗ kusrəŋ. Wəra də dərəŋ minti Kristu bə əsə-isi giidəŋa, jəəne minti gole bə koɗ kusrəŋ koloŋ karman bə gaŋ dərəŋ minti aŋ dər deŋaŋ.

II KOREŊTƏŊ 5:14

Gud maa mo, bə zogte gud are ada haa bele kə Kristuŋ, gud bə minti are gə asə-ase cəərə are wəra kaŋkaŋ minti hulum məna meŋ wəra gud kaŋa keɗe. Bədoona kəya, kaŋ wəra keɗe gə mee-me haa duuru.

II KOREŊTƏŊ 5:15

Wə meŋ wəra gud kaŋa keɗe haa minti kaa gə minti zugiŋ, a ji kir kasi kusri pəda, yə jəə la máŋ kir kasi hulum bə minti a meŋ wəra daana haraŋ wəra dədərgə guudiŋ.

II KOREŊTƏŊ 5:7

Haa bə waate minti are bə ɗe paapa gud karman bə minti are bə əsuŋ ba, are bə ɗe haa gud de naareŋa.

GALATIŊ 1:4

Kristu yaakaŋ kusru bə me gud áŋa bə seere áŋ wəra ku baymele náŋa, kir minti baymele bə cəərə seŋkaŋ a isi kumna cəərə áŋa pəda. Bədoona ana, wə doŋ ku kel gə minti giidə Pep Bar áŋ a bəlnəy wəra.

GALATIŊ 2:16

Səma, áŋ gə Ziwifi də dər kusrə áŋ, wəra də dər áŋ gəm minti Pepeŋ kole hulum duru ɗeker haa bə minti wə doŋ haa ne də joŋre bə minti Yeesu Kristu juunu təwa faɗi, paapa gud bə minti wə doŋ ku giliŋ kə *Moyisiŋ wəra keɗe a kuɗuŋa ba. Áŋ gəm tá, áŋ doŋ gud Yeesu Kristu kir minti áŋ kolə la dər Pepeŋa ɗeker haa gud joŋre bə minti Kristu juunu, paapa gud bə minti áŋ ɗeŋ gud ku giliŋa a kuɗuŋa ba. Gud maa mo, hulum kole dər Pepeŋa anə məna ɗeker gud ɗe nuutu bə gud ku giliŋa ba.

GALATIŊ 3:11

Pepeŋ kole hulum anə məna wəra duru ɗeker kas minti wə bə ɗe gud ku giliŋa anə ɓet-ɓetiŋ ba. Teŋ wəra anə pəɗaki, gud maa mo Kefter kə Pepeŋ wəra bə jeerə-jeere minti: «Hulum bə minti dər Pepeŋa ɗeker ji yaŋ caw gud de nuutu bə guudəna.»

GALATIŊ 5:24

Kaa gə minti teŋ wəra kə Yeesu Kristuŋ, yə ŋoryoŋ kusri bə hatə-hate də baymeleŋ warna haa ŋorye faɗi. Yə ŋoryoŋ wəra haa kar gə bayməlaŋ gə minti yə a bə bələya ablaw gəm. Yə ɓəlnəy wəra apəya də Yeesu a kəbaŋ gə largaŋa.

GALATIŊ 6:14

Ten toŋ ha'aŋ, ten hage haa sam me də Barkaŋ náŋ Yeesu Kristu wəra a kəbaŋ gə largaŋa təwa, ten hage sam karman baalaŋ ba. Gud me kə Yeesuŋa tə bə moŋ, kar gə minti bə gole dər kaŋa pəsaŋ cəərə seŋkaŋaŋ, yə paapa bə gole dərəna karman pəda hasi, yə paapa gə əsə-isi kumna cəərəna pəda gəm.

EFESIŊ 3:17

daana minti Kristu əsə la ku tarməyaŋa gud de nəətiŋa. Dədərgə dəŋ jəə la də vaa-ve kəsar də daana də əsə-isi ŋəŋ-ŋəŋ wəra haa dər beleŋa.

EFESIŊ 5:2

Ɗe dəŋ haa la gud beleŋa tew-tew, damdi ɗe də Kristu a haŋ guuduŋ ana gəm. Gud maa mo, wə bəlaŋ áŋ ablaw daana wə ayaŋ kusru wəra a Pepeŋ gud áŋa damdi karman bə ayə-aye daana keere bə minti siisi duŋ siisunu warna fərəy-fərəy ana.

EFESIŊ 5:25

Aŋ kaa kaŋkar, aŋ balə kəram nəətiŋ la damdi Kristu bəlaŋ kaa kə Tapiŋ ana. Wə bəlnəy hãã bə minti wə ayaŋ kusru wəra a meŋ guudi,

FILIPIŊ 1:21

Gud maa mo nin ha'aŋ, karman bə minti ten caw cuuruŋ, haa bə he cəərə Kristu apəya təwa faɗi. Ten meŋ neŋ, haa pis-pisi pə ɗaw!

FILIPIŊ 4:13

Ten bə nakə-neke bə ji bədoona cəərə kara keɗe haa gud səɓaki də minti Kristu bə ayan dənaŋ.

KOLOSIŊ 1:27

Gud maa mo, Pepeŋ a bəlaŋ gay diri cəərə pisi də hel nuutu də metə-meteŋa də fele bə guudəŋ ada keɗe, də minti wə a ɗampəna a gidiirə kaŋ keɗeŋ. Hel tá də metə-meteŋ haa minti Kristu gal giidəŋa. Məlaŋ ɗiki dəŋ wəra kaŋkaŋ minti aŋ ɗe a fele boblo kə Pepeŋ yaŋ haa tó.

1 TESALONIKIŊ 1:10

daana bə mi kurmuy Yeesu bə minti bi yaŋ da apəy daŋ, kurmuy tó bə minti wə hərnu wəra dədərgə adordə meŋaŋ. Wə haa hulum bə minti bə de áŋ wəra ku waŋ də kəəti kə Pep də minti bə biŋ.

1 TESALONIKIŊ 5:10

Kristu meŋ wəra gud áŋa minti áŋ jəə la duuru akaceŋa bə minti wə hare daŋ. Jəəne nuutu minti áŋ wəra gə mee-me, áŋ bay me, áŋ ji yaŋ saksaki duuru.

TITI 2:14

Tó də kusru wə ayaŋ kusru wəra bə miɗi áŋ wəra ku kel kə bayməlaŋa, bə kole áŋ wəra dər kaa nuutu gə minti wə pooroŋ wəra ciiri, daana gə minti məlaŋ ɗiki di wəra keɗe bə ji haa joŋre pisiŋ.

HEBEREŊ 8:3

Hulum boblo bə keere muntu muntu mo bə əsə-isi haa bə aye kar daana bə ji keere a Pepeŋ. Bədoona ana gəm, hulum náŋ boblo bə ji keereŋ doŋ kir ji də karman bə aye a nuunu gəm.

I PIYER 1:8

Aŋ asaŋ Yeesu Kristu kəm hõy də dərəŋ ba, də teŋ keɗe aŋ bə bəlu. Hebkəna aŋ əsnu kəm bə pa, də teŋ keɗe aŋ gə doo-de guudu. Bədoona ana, waale boblo bə minti hulum neke bə wəətu səmu də ku baŋ, ɗosnoŋ ku tarməyaŋ ne wəra

I ZAŊ 1:7

Səma jəəne minti áŋ bə ɗe dər pəɗakiŋa damdi Pepeŋ də kusru dər pəɗakiŋa anaŋ, áŋ wəra gə tapə-tepe də kumsə áŋ, kəya kor də Kurmuyuŋ Yeesu pi baymele náŋ wəra neŋneŋ keɗe.

I ZAŊ 4:14

Are ji kəmnə də kəkəy haa cəərə kel gə minti are əsnəy də kusrə areŋ minti: Bar áŋ Pepeŋ gaŋ Kurmuyuŋ da minti wə jəə la Hulum bə seere kaa gə cəərə seŋkaŋ.

I ZAŊ 5:20

Áŋ asaŋ wəra minti Kormə Pepeŋ a bəŋ ne wəra. Wə ayaŋ hel də əskiŋ a áŋ minti áŋ asə Pep bə gəəziŋ la. Áŋ də Pep bə gəəziŋ saksaki gud tepe náŋa də Kurmuyu Yeesu Kristuŋ. Yeesu haa Pep bə gəəziŋ, wə dədərgə də bay teweŋ gəm.

VEƊE 3:20

Aŋ golə la, ten bə əsə-isi ku kuliŋa, ten bə lete ku kuliŋa cəərəŋa minti ten kele na. Hulum bə minti əskənən dordən neŋ, wə bəŋəŋ ku kuli neŋ, ten kele girdu, are hame yaŋ də kumsi.