GALATIŊ 2:2 - JAA TƏMARWAŊ

² Ten ɗeŋ ha'aŋ, gud bə minti Pepeŋ vaɗnan gəryi toŋ wəra minti ten ɗee la ada na. Bə minti are tuluŋ warna ada naŋ, are təpaŋ wəra kəm də kaa kəmtəŋ gə tiinə kaa kə Tapiŋ bay cəərə are. Kəya ten tupnuy bəlam də *Kel pəsaŋ kəmarwaŋ gə minti ten a bə wəətiya wəra a kaa gə minti teŋ paapa gə Ziwifi baŋ. Ten jəŋ bədoona haa minti, joŋre bə minti ten a juunu daana bə minti ten bə jəwa hebkənaŋ, yə a sərtu minti wə basə la wəra boobo ba. Bədoona ta, yə doŋ kel nin.

GALATIŊ 2:2 Iomraidhean Croise

MATIYE 10:16

«Aŋ golə la, ten vaŋ ha'aŋ damdi kaamaŋ adəwaldə kaaya kə pəəri ana. Aŋ jəə kusrəŋ la də hel damdi hənjiŋ ana, daana kel kə bayməlaŋ a ji ku tarməyaŋa ba, damdi abaakuŋ ana.

JOŊRE 15:12

Kaa gə minti a jəŋ gə lawə-lewe ciiriŋ lakaŋ, yə zemeŋ wəra seɗem keɗe. Kəya yə əsəŋ bə jeɓre kel gə minti anə Barnabasi daana Pol bə tupuy bəlam di wəra neŋneŋ keɗe cəərə kar gə məɗ-miɗiŋa, də kar gə ŋili kaŋ, gə minti Pepeŋ a jiiniy də teŋ aduubə də kaa gə minti paapa gə Ziwifiŋ ba.

JOŊRE 15:2

Kəya anə Pol daana Barnabasi paapa gə doo-de haa gud kel teŋa ba. Awəy mooto awaŋ aduubə di də kaa teŋ faɗi. Kəya cəərə kel ɗeŋ a awe haa minti, marya diŋ anə Pol, Barnabasi də sərdə kaa kə doo-de gə Antiyosiŋ ɗee la Zeruzalem a gole dər kel teŋ da kəm də *kaa kə vaa-veŋ daana də kaa kəmtəŋ gə tiinə kaa kə Tapi gə ko toŋ.

JOŊRE 15:4

Bə minti yə ɗeŋ a tuuki Zeruzalem na anəkay, kaa kə Tapiŋ, kaa kə vaa-veŋ də kaa kəmtəŋ gə tiinə kaŋ duuniy irku di pisi. Anə Pol tupnuy bəlam də kel gə minti Pepeŋ a jəŋ joŋreŋ də té naanaanə ji moŋ wəra keɗe.

JOŊRE 18:9

Dəyaŋ dər duugŋ kəmana, Barkaŋ waataŋ kel a Pol dər soone minti: «Walka a jəm ba, waatə kel la wəra a kaŋ saksaki, a zene ba,

JOŊRE 23:11

Ɗeŋ a deye dər duugŋa, Barkaŋ vəɗaŋ kusru wəra dər Pola, wə wəətunu minti: «Dərəm teŋe! Gud maa mo tam jəŋ bərdə kəkəy wəra cəərəna Zeruzalema. Bədoona ana ta, tam kir ɗe a ji bərdə kəkəy wəra cəərəna Roma gəm.»

JOŊRE 5:34

Səma hulum kəman bə *Farisiyeŋ gud kaa kəmtəŋ gə jeme kəəti kə kaanə Ziwifiŋ ada toki, yə məntu minti Gamaleyel, faŋ apəya bə waate kela. Wə haa *hulum boblo bə hate ku gili kə Pepeŋ, kaŋ neŋneŋ keɗe jəw kese du. Kəya wə minti yə vaa kaa kə vaa-veŋ la wəra kəm tiilima bə isi anə sawəwa bagŋ.

ROMEŊ 9:16

Wə ji kel teŋ gud giidu pəsaŋ gə minti wə jəy sar kaŋaŋ, paapa gud bele bə giidu kə huluma ba, paapa gud joŋre nuutuŋa bə gəm.

I KOREŊTƏŊ 1:23

Səma áŋ teŋ, áŋ waate wəra haa sam Kristu, *Hulum bə minti Pepeŋ ŋəmnuŋ, bə minti yə ɓəlnu wəra a kəbaŋ gə largaŋaŋ. Haa kel kə supi tarmə kaanə Ziwifiŋ, kel kə tiniini dər kaayaŋ gə minti paapa gə Ziwifi baŋ gəm.

I KOREŊTƏŊ 2:2

Gud maa mo, karman bə minti ten haŋ ɗikiŋ cuuru bə ɗe a wəətu wəra a nəənəŋ, haa Yeesu Kristu təwa, daŋgeŋ haa cəərə me du a kəbaŋ gə largaŋaŋ faɗi.

I KOREŊTƏŊ 9:24

Wəra də dərəŋ minti a ko bə minti kaŋ fi taraŋ adaŋ, kaa gə fi taraŋ mele guudi bə fəərə keɗe, səma ɗe a he werke bə bulum haa hulum məna təwa. Aŋ fəə taraŋ la haa bə hulum toŋ ana bə ɗe a he werke toŋ gəm.

I KOREŊTƏŊ 9:26

Gud teŋa ta, ten fi tara katən paapa dər bəwiŋ na anə hãy ba. Ten haa damdi hulum bə le godboŋ ana, səma ten lete koŋ warna boobo ba.

II KOREŊTƏŊ 12:1

Ten kir raawe də hage bə sam kusrən tə bə moŋ, də teŋ keɗe wəra haa kel kə boobo. Hebkəna ha'aŋ, ten waate sam kar gə minti Barkaŋ gaanan dərən ciiri a sooneŋa daana vaɗnan dən.

GALATIŊ 1:12

Ten fəlnəy paapa ku huluma fele bə gəm, hulum hatnan dən hate bə gəm. Vaɗnan dən wəra keɗe haa Yeesu Kristu də kusru faɗi.

GALATIŊ 1:16

Bədoona ana, bə minti kel teŋ duunu duru, wə vaɗnan Kurmuyuŋ dərəna minti ten waatə Kel pəsaŋ kəmarwaŋ gə minti waate cuuruŋ la wəra a kaa gə minti teŋ paapa gə Ziwifiŋ baŋ. Də ko toŋ kəya, ten ɗeŋ a golde hel kasi huluma ba,

GALATIŊ 1:6

Haaya! Karman bə minti aŋ juunuŋ ŋəlnən ablaw. Pepeŋ mantənaŋ haa gud pisi bə minti aŋ fəlu gud Kristuŋ. Bə jəŋ naanaanə minti aŋ koloŋ kerkeŋ ne anə cəlamma a kel nuutuŋ, bə ɗe máŋ gud *Kel pəsaŋ kəmarwaŋ gaalaŋaŋ ɗaw mo?

GALATIŊ 2:6

Áŋ harə la kəm bə waate cəərə kaa kəmtəŋ gə tiinə kaŋaŋ. (Yə jəŋ ne nuutu kəmtəŋ, kumundu ba paapa, kel nin ada mo, gud bə minti kaŋ dər Pepeŋa haa kaa kə məna'i.) Kaa kəmtəŋ teŋ, bə minti ten tupnuy bəlam də Kel pəsaŋ kəmarwaŋ wəra topiŋ, yə waataŋ kel gaalaŋ ciiri ada ba.

GALATIŊ 2:9

Anə Zaki də Piyer daana Zaŋ, gə minti kaŋ a humnuy tiini kəmtəŋ neeteŋ, yə asaŋ wəra gəm minti Pepeŋ aynan joŋre nin bə jiŋ haa toŋ kəya. Bə ge dər minti ku are máŋ bə tapə-tepe diiri tə bə moŋ, yə topoŋ kasi are də Barnabasi faɗi. Bədoona kəya, are gaŋ ku are wəra məna minti are teŋ ɗee la a ji joŋreŋ adəwaldə kaa gə minti teŋ paapa gə Ziwifiŋ baŋ, té kaayaŋ ɗee la a ji joŋre adəwaldə kaanə Ziwifiŋa gəm.

GALATIŊ 5:7

A jəŋ ajew, aŋ a bə ɗe də Kel kə Pepeŋ pisi faɗi. Bə haanaŋ ku wəra hebkəna bə bay ɗe gud gəəziŋa haa mindi mo?

FILIPIŊ 2:16

a waate bə kel kə aye dədərgəŋa a kaŋ. Aŋ jəəne bə ji bədoonaŋ, dər hi bə hare kə Kristuŋ daŋ, cəərən ji yaŋ ateŋa də haa-he apəya gud kel dəŋa, gud bə minti joŋre bə gəəli-gəəli bə minti ten juunu guudəŋaŋ bəsaŋ wəra sarəna boobo ba.

FILIPIŊ 2:29

Bədoona ana, aŋ daw irku du la pis-pisi də waale ku tarməyaŋa ablaw gud bə minti wə haa seeneŋ bə doo-de gud Barkaŋa. Kumsə kaa kə Kristuŋ damdi tó ana ha'aŋ, aŋ təkəy ciiri la apəya.

1 TESALONIKIŊ 3:5

Bədoona ana, ten nəkaŋ bə mi na anə hoŋ pəda. Kəya ten gaanaŋ Timote haa naŋ minti wə jeɓrə kel gə cəərə de nəətiŋ da. Walka də minti Nər ke ku kaŋ kəna kaanaŋ kuŋ ne wəra hãã kir minti joŋre naare bə adəwaldəŋ basə la wəra booboŋ, a jəənən faɗi.

II TIMOTE 4:7

Ten duuruŋ duuri pisiŋ ne wəra. Ten fəŋ taraŋ a koɗoŋa anə ɓeti, ten tawnə wəra. Ten taakaŋ de nin bə gud Pepeŋ wəra ba.

HEBEREŊ 12:1

Bədoona ana, kaa teŋ gila keɗe gə minti jəŋ bərdə kəkəy cəərə de neeteŋa, yə wəra bə ɓəkə-ɓiki cəərə áŋ cẽẽ tə pə moŋ, áŋ raytə kar kə eele gə sar áŋ la wəra keɗe, bə fi taraŋ də minti áŋ kir fəərəŋ tat-tatiŋ bay dere hor. Kar kə eeleŋ daŋgeŋ haa baymele bə minti larkete sar áŋa bay gəəli anə faɗ-faɗi.