GALATIŊ 2:19 - JAA TƏMARWAŊ

¹⁹ Katən ha'aŋ, ku giliŋ waatan haa minti ten wəra bə mee-me. Bə minti ten máŋ wəra akas hulum bə mee-meŋ anaŋ, ku giliŋ neke bə fəlan bə jəw joŋre pəda. Bədoona ta, ten máŋ wəra dədərgə agal kə Pepeŋa bə jəw joŋreŋ. Bə minti yə ɓəlaŋ Kristu wəraŋ, ten meŋ wəra duuru gəm.

GALATIŊ 2:19 Iomraidhean Croise

ROMEŊ 4:15

Gud maa mo, ji minti Pepeŋ kolə waŋ la cəərə kaŋa haa ku giliŋ. Ku giliŋ a jəə la paapaŋ, hulum sə a neke bə ɓəlku bə gəm.

ROMEŊ 5:20

Bə minti ku giliŋ əsəŋ bə ji joŋreŋ, baymeleŋ jəwaŋ ablaw faɗi. Baymeleŋ jəwaŋ kəya ŋaanaanə moŋ, pisi bə minti Pepeŋ jəw cəərə kaŋaŋ dəŋnu cuuru máŋ pisi daŋə ɗaw.

ROMEŊ 6:11

Bədoona ana, aŋ gəm ha'aŋ, aŋ golə kusrəŋ la damdi me dəŋ wəra bə ɓarsə-ɓarse dəərəŋ də baymeleŋ ana daana aŋ máŋ dədərgə haa a Pepeŋ gud tepe nəətiŋa də Yeesu Kristu.

ROMEŊ 6:14

Bədoona ana ta, baymeleŋ bə ji abay cəərəŋa pəda gud bə minti aŋ paapa kir kasi *ku giliŋ ba, aŋ máŋ kir kasi pisi bə minti Pepeŋ jəw cəərə kaŋaŋ.

ROMEŊ 6:2

Paapa anə ceki! Me bə minti áŋ miinuŋ cəmaŋ adəwaldə áŋ wəra də baymeleŋ tə bə moŋ, áŋ neke bə raawe duru naanaanə mo?

ROMEŊ 7:14

Áŋ wəra gə asə-ase minti *ku giliŋ haa a tiiruŋa, səma ten toŋ haa a kusukiŋa, bə gusə-gusi wəra kafkam a baymeleŋ.

ROMEŊ 7:4

Kəsaananti, kel dəərəŋ haa bədoona ana gəm. Gud tapi nəətiŋa də Kristuŋ, aŋ meŋ wəra duuru bə minti wə meŋ wəra a kəbaŋ gə largaŋaŋ, kəya me dəŋ ɓarsənaŋ wəra də ku giliŋ. Aŋ máŋ kə hulum baalaŋ, hulum tó bə minti haraŋ wəra dədərgə adordə meŋaŋ, kir minti aŋ jəə la haa kar gə keye agal kə Pepeŋa.

ROMEŊ 8:2

Gud maa mo Tiiru Cetcetaŋ də minti aye dədərgəŋ a kaŋ gud tepe neeteŋa də Yeesu Kristuŋ, abay cəərəna haa tá, daana doonon wəra ku abay kə baymele bə minti bə əsə-isi cəərəna bə ɗe a məlan a meŋa, haa tá gəm.

I KOREŊTƏŊ 10:31

Bədoona ana, aŋ hamaŋ ne haa hame, aŋ saŋ ne haa se, karman muntu muntu mo bə minti aŋ jəw keɗe, aŋ jəw la haa minti Pepeŋ falə tokɗeŋ la guudu.

I KOREŊTƏŊ 9:20

Ten jəŋ ne də kaanə Ziwifiŋ, ten ɗe haa bə té ana gəm bə fələy da a nuunu. Ji abay cəərəna paapa ku gili kə Moyisiŋ pəda. Səma ten jəŋ ne də kaa gə minti bə humi kosoŋa cuuruŋ, ten ɗe haa bə té ana gəm, kir minti ten fələy da a Kristu.

II KOREŊTƏŊ 5:15

Wə meŋ wəra gud kaŋa keɗe haa minti kaa gə minti zugiŋ, a ji kir kasi kusri pəda, yə jəə la máŋ kir kasi hulum bə minti a meŋ wəra daana haraŋ wəra dədərgə guudiŋ.

GALATIŊ 2:20

Səma, bə hebkənaŋ, ten kəm caw dədərgə. Bədoona ta, ten paapa cəərə kusrəna ten pəda, Kristu máŋ cəərəna haa tó. Karman bə minti ten jəw dər caw dəna hebkəna, haa bə de gud kormə Pepeŋ bə minti balnan daana bə minti ayaŋ kusru wəra a meŋ a koɗonaŋ.

GALATIŊ 3:10

Səma kə kaa gə minti bə ɗiki minti ku giliŋ kole té yaŋ wəra ɗeker dər Pepeŋaŋ, kəəti kə Pepeŋ duuniy ne wəra ɗaw. Gud maa mo, Kefter kə Pepeŋ wəra bə jeerə-jeere minti: «Hulum bə minti paapa bə ji joŋre də kel gə giidə kefter bə ku gili kə Moyisiŋa wəra saksaki keɗe baŋ, kəəti kə Pepeŋ daw la.»

GALATIŊ 6:14

Ten toŋ ha'aŋ, ten hage haa sam me də Barkaŋ náŋ Yeesu Kristu wəra a kəbaŋ gə largaŋa təwa, ten hage sam karman baalaŋ ba. Gud me kə Yeesuŋa tə bə moŋ, kar gə minti bə gole dər kaŋa pəsaŋ cəərə seŋkaŋaŋ, yə paapa bə gole dərəna karman pəda hasi, yə paapa gə əsə-isi kumna cəərəna pəda gəm.

KOLOSIŊ 2:20

Aŋ wəra gə mee-me də Kristu daana aŋ wəra gə bədə-bidi ku səɓaki kə kəwal gə minti gə əsə-isi kəkamna cəərə seŋkaŋaŋ. Bədoona ana tə kəm, aŋ bə ji kusrəŋ damdi aŋ kəm kir kasi kar té gə cəərə seŋka ana, bə tope haa də sar ku gili tó kay-kayiŋ minti:

KOLOSIŊ 3:3

Gud maa mo, aŋ wəra haa damdi gə mee-me ana. Dədərgə dəŋ də gəəzə-gəəziŋ wəra də ŋoyə-ŋoye kasi Pepeŋa də kə Kristuŋ.

1 TESALONIKIŊ 5:10

Kristu meŋ wəra gud áŋa minti áŋ jəə la duuru akaceŋa bə minti wə hare daŋ. Jəəne nuutu minti áŋ wəra gə mee-me, áŋ bay me, áŋ ji yaŋ saksaki duuru.

TITI 2:14

Tó də kusru wə ayaŋ kusru wəra bə miɗi áŋ wəra ku kel kə bayməlaŋa, bə kole áŋ wəra dər kaa nuutu gə minti wə pooroŋ wəra ciiri, daana gə minti məlaŋ ɗiki di wəra keɗe bə ji haa joŋre pisiŋ.

HEBEREŊ 9:14

Jəəne doloy bədoona ana tə kəm, səɓaki də kor də Kristu bə ji naanaanə ba ga'i pə mo! Də səɓaki kə Tiiru də bay teweŋ, wə ayaŋ kusru wəra a Pepeŋ damdi karman bə keere bə minti bay kel kə malə-mele suru ana'i. Kor du kole ɗiki də áŋ wəra cetceti kir minti áŋ a jəəti joŋre bə minti ɗe a mele áŋ a meŋa pəda, áŋ jəə joŋre la máŋ a Pep bə dədərgəŋ ɗaw.

I PIYER 2:24

Wə də kusru, wə haŋ baymele náŋ cuuru, wə saŋ lasiŋ də baymele náŋ toŋ warna suru na də bə minti yə ɓəlnu wəra a kəbaŋ gə largaŋaŋ, kir minti aŋ jəə la wəra gə mee-me agal də ji bə baymeleŋa, səma aŋ jəə la máŋ dədərgə agal də ɗe ɗekeriŋa ɗaw. Wə saŋ lasiŋ bədoona tə bə moŋ, aŋ seereŋ wəra haa gud teŋa.

I PIYER 4:6

Kaa kə mee-meŋ, bə minti yə a kəm zugi cəərə seŋkaŋaŋ, Pepeŋ jəmnəy kəəti di damdi wə jeme kəəti kə kaŋ keɗe'iŋ ana. Bə minti yə wəra gə mee-meŋ, Kristu wəətənəy *Kel pəsaŋ kəmarwaŋ warda gəm kir minti, də səɓaki kə Tiiru Cetcetaŋ, dədərgə di jəə la haa nayta də minti giidə Pepeŋ bəlaŋ.