GALATIŊ 2:15 - JAA TƏMARWAŊ

¹⁵ Ten waate haa áŋ gə Ziwifiŋ. Áŋ haa kaanə Ziwifi gəəzi gud bə minti kamnə áŋ haa gə Ziwifiŋ faɗi. Áŋ paapa kaasaw də kaa kaayaŋ té gə minti *ku gili kə Pepeŋ paapa də diri baŋ ba.

GALATIŊ 2:15 Iomraidhean Croise

MATIYE 9:11

Bə minti kaanə *Farisiyeŋ asaŋ kel teŋ kəyaŋ, yə əsəŋ bə waate kaa gə guuduŋa faɗi minti: «Hulum bə hataŋ hame də kaa kə tope lambaŋ də kaa kə bayməlaŋ haa naanaanə mo?»

LIKI 24:7

minti: ‹Doŋ kir minti yə ayə *Kormə Hulúm la wəra kasi kaa kə bayməlaŋa, yə ɓəlu la wəra a kəbaŋ gə largaŋa daana wə harə la wəra dədərgə a hi bə soopeŋa.›»

JOŊRE 22:21

Kəya Barkaŋ waatənan minti: ‹Ɗee la, gud maa mo ten bə gam haa warna tooto sar kaa gə minti teŋ paapa gə Ziwifiŋ baŋ.›»

ROMEŊ 3:9

Cəərə kel ge a ko toŋa ta'a minti harmə mo? Áŋ gə Ziwifiŋ, áŋ teŋ dəŋaŋ kaa kaayaŋ cəərə karmana nuutu mo? Paapa anə ceki. Gud maa mo ten a kaanaŋ gud kel da ne warda kanda minti: koo hulum bə Ziwifi, koo paapa bə Ziwifi ba, baymeleŋ ciiri kumna keɗe faɗi.

ROMEŊ 4:16

Gud teŋa ta, karman bə minti Pepeŋ a wəətunu səmu wəraŋ, bə əsə-isi haa cəərə deŋa kir minti wə jəə la wəra pəɗaki karman bə minti wə əynu a kaasaw də Abraham keɗe boobo. Wə əyu haa a kaa gə minti bə humi kosoŋa cəərə ku giliŋaŋ, daana a kaayaŋ gə minti doŋ damdi Abraham a doŋ anaŋ gəm. Gud maa mo, Abraham haa bar áŋ gə doo-deŋ keɗe

GALATIŊ 2:17

Áŋ gə Ziwifiŋ, áŋ golde haa minti Pepeŋ kolə áŋ la kaa ɗekeri gud de náŋ bə gud Kristuŋa. Bə minti áŋ bə golde bədoonaŋ, kaŋ waate yaŋ cəərə áŋ minti áŋ haa kaa kə ji baymele gəm gud bə minti áŋ paapa bə ɗe a ku gili kə Moyisiŋa pədaŋ. Ana gud kel teŋ haa minti Kristu məlaŋ áŋ bə ji baymeleŋa mo? Paapa anə ceki!

EFESIŊ 2:3

Áŋ keɗe, áŋ a jəŋ haa bə kaa teŋ ana gəm. Áŋ a bə ɗe haa gud kel gə minti kusrə áŋ bə hatə-hate də baymeleŋ a bə bələyaŋ. Kar məntə məntə mo keɗe minti kusukiŋ daana ɗiki dəŋ bələy, áŋ jiitiniy anə faɗ-faɗi. Bədoona ana, gud kusrə áŋ toŋa ta, áŋ a wəra gə sokə-soke haa minti kəəti kə Pepeŋ sə a humi áŋ damdi kaa kaayaŋ teŋ ana gəm.

FILIPIŊ 3:4

A jəə la minti to'osi kə kaa kəsarkaŋ haa karman bobloŋ, ten a bə nakə-neke bə mele ɗiki dən cəərə gəm. Hulum ɗəkəŋ ne minti haa pisi bə minti tó malə ɗiki də tó la cəərəŋ, ten a bə nakə-neke dəŋu ɗaw.

TITI 3:3

Gud maa mo, áŋ də kusrə áŋ ha'aŋ, áŋ a jəŋ dayday haa kaa gə minti kel paapa də dər áŋ ba, paapa bə de ku huluma ba, áŋ a wəra gə lentə-lente. Áŋ a jəŋ kafkam gə saane gidiirə kar keɗe gə minti giidə áŋ bələy. Áŋ a zugi haa dər sərkəŋa daana də lemlem də kar kə kaa. Kaŋ a maltaŋ dər áŋ wəra, áŋ maltaŋ dər kumsə áŋ wəra gəm.