GALATIŊ 1:7 - JAA TƏMARWAŊ

⁷ A gəəziŋa ha'aŋ, Kel pəsaŋ kəmarwaŋ gaalaŋ pa pəda. Səma sərdə kaa yaŋ bə ɓalkaŋ ɗiki dəŋa daana yə golde haa minti té kole Kel pəsaŋ kəmarwaŋ gə minti bə waate sam Kristuŋ, karman baalaŋ.

GALATIŊ 1:7 Iomraidhean Croise

MATIYE 24:24

Gud maa mo kaa gə minti ji kusri minti té kəna Kristu, Hulum bə minti Pepeŋ ŋəmnuŋ, kumundu ba kaa kə jogte ku mini kə Pepeŋ, bə pi diri yaŋ ablaw. Yə jəəti kar kəmtəŋ gə ŋili kaŋ yaŋ bə ge dər minti haa də səɓaki kə Pepeŋ, daana yə jəəti miɗi kəmtəŋ yaŋ gəm kir minti té sə a nakə laŋ, koo kaa gə minti Pepeŋ ŋəmnəy wəra a kusruŋ, té sə a ləŋəy wəra.

JOŊRE 13:10

wə wəətunu minti: «Tam kormə Nərtiti toŋ je'aŋ! Tam bə ji tiniini də kaŋa, sərkəŋ wəra də ɗosə-ɗose ku tarməyama, tam acukur də kel gə minti teŋ pəsaŋ neŋneŋ keɗe'i! Tam yaake ɓalke də kel ɗekeri gə minti Barkaŋ a kəənəy gədəəgi di warda minti yə jəə la bədoona hõy wəra nuutu mo?

JOŊRE 15:24

Are əskəŋ ne nuutu minti kəsaanə are gə doo-de kəman pətəŋ ger are na kanna bə ɗe a fəlaŋ. Yə ɗeŋ a hoyoŋ daana a lenteŋ ɗiki dəŋ wəra də kel gə minti yə waatənaŋ dəŋ. Ana yə ɗeŋ haa naŋ, are vəənəy na ba anə ceki.

JOŊRE 20:30

Kaa aduubə dəŋa toki bə piti yaŋ də kel kə ŋetə-ŋeteŋ bə ke ku kaa kə doo-deŋ wəra guudi.

II KOREŊTƏŊ 11:13

Kaa teŋ ha'aŋ, yə paapa *kaa kə vaa-ve gə gəəzə-gəəzi ba. Yə ji tiniini də kaŋ də joŋre neeteŋ, yə ji kusri bə kaa kə vaa-ve kə Kristuŋ ana faɗi.

II KOREŊTƏŊ 2:17

Kaa yaŋ ablaw faɗi ji celeere də kel kə Pepeŋ bə golde fele, səma are teŋ paapa bə té ana ba. Pepeŋ vaŋ are haa tó. Kəya gud tapi naareŋa də Kristuŋ, are waate kel nuutuŋ wəra a kuɗiŋa anə ɓet-ɓeti tiinu.

II KOREŊTƏŊ 4:2

Are de haa də kel gə minti kaŋ jiitiy dəgaaya-dəgaaya daana gə kes-keseŋ keɗeŋ ba. Are ji kel naareŋ paapa də kel kə tiwki ada ba, are paapa bə tapte dər kel kə Pepeŋa də kel kə ŋetə-ŋete bə gəm. Ana ɗaw ha'aŋ, are ke wəra haa gud gəəziŋ a kaŋ saksaki, kəya yə neke bə ase faɗi minti kel naareŋ wəra ɗeker tiinə Pepeŋa.

GALATIŊ 1:6

Haaya! Karman bə minti aŋ juunuŋ ŋəlnən ablaw. Pepeŋ mantənaŋ haa gud pisi bə minti aŋ fəlu gud Kristuŋ. Bə jəŋ naanaanə minti aŋ koloŋ kerkeŋ ne anə cəlamma a kel nuutuŋ, bə ɗe máŋ gud *Kel pəsaŋ kəmarwaŋ gaalaŋaŋ ɗaw mo?

GALATIŊ 2:4

Də teŋ keɗe kaa kəman yaŋ ada, jəŋ kusri damdi té kaa kə doo-de ana, anaaŋa paapa anə ceki. Yə a goldoŋ haa minti Titi jamə tənturu la wəra me'i. Yə vaŋ aduubə də are da dəgaaya-dəgaaya, bə bi a ase hel də kel gə minti Yeesu Kristu bədəŋ are wəra ku *ku gili kə *Moyisiŋa gud tepe naareŋa duuruŋ. Yə a goldoŋ doloy ha'aŋ minti té hare are kafkam kə ku gili toŋ pa.

GALATIŊ 4:17

Kaa té gə minti bə kunti kuurə Kel pəsaŋ kəmarwaŋa lamaŋ, bə ji wəra anə keɗe-keɗe damdi kel dəŋ bə ɗəməya ana. Səma, ɗiki neeteŋ paapa pisi ba. Yə golde ɓarse haa adəwaldə áŋ dəərəŋ kir minti aŋ kolə la wəra gud té faɗi.

GALATIŊ 5:10

Katən ha'aŋ, Barkaŋ malnan ɗiki dən pisi cəərəŋa. Gud maa mo wə gaanan dərən wəra kaŋkaŋ minti ɗiki dəŋ tapi məna'i də katən. Səma hulum bə minti bə hoyoŋ ɗiki dəŋa cawaŋ, wə jəə la nuutu hulum bə samsam ɗaw, paapa ɗaw, Pepeŋ bə jəw daŋgay du wəra pəraki.

GALATIŊ 5:12

Kaa té gə minti lam bə hoyoŋa də kel teŋ cəərə ceme bə tantəraŋaŋ, yə ɗee la a pi kiliini wəra gəm!

GALATIŊ 6:17

Hõy ajew naŋ, hulum a bi a hoyon pəda, gud maa mo, tarwa də minti ta'-ta'i sarənaŋ, ge dər kaŋ haa minti ten wəra kə Yeesu faɗi.

II TIMOTE 2:18

Yə yaakaŋ kəkəy bə gəəziŋ wəra, yə waate haa minti kaa kə Kristuŋ wəra gə harə-hare dədərgə adordə meŋa, hare bə dədərgə baalaŋ paapa ajew na pəda. Gud hate neete toŋa kəyaŋ, sərdə kaa yaakaŋ de neete bə gud Pepeŋ wəra.

I ZAŊ 2:26

Ten jeereneŋ kel teŋ haa kənaŋ cəərə kaa gə minti golde minti té ləŋaŋ wəraŋ.

I ZAŊ 4:1

Aŋ gə minti giidən bəlaŋ ablaw, aŋ a tope haa gud kaa gə minti waate minti Tiirə Pepeŋ giidə teŋ anə cəlam-cəlam faɗi ba. Səma aŋ guluy kuɗiy la wəra kəm, bə ase minti diiri haa nuutu Tiirə Pepeŋ gəəzi mo, paapa mo. Ten waataŋ bədoona haa gud bə minti *kaa gə jogte ku mini ablaw gə ceme teteŋ yaŋ wəra gə duusə-duusi giidə seŋkaŋa.

II ZAŊ 1:10

Gud teŋa ta, hulum bəŋ ne sarəŋa də hate bə minti dəra'i də kə Kristuŋ, aŋ a daw irku du ger dəŋa ba, aŋ a mirku bə gəm.

II ZAŊ 1:7

Ten jeereneŋ kel teŋ gud bə minti kaa kə ceme teteŋ yaŋ wəra gə duusə-duusi hebkəna ablaw cəərə seŋkaŋa. Kaa teŋ ɗempa a de haa minti Yeesu Kristu waŋ a kusukiŋa ba. Hulum bə minti bə ji bədoona anaŋ, wə laŋte kaa, wə haa hulum bə acukur də Kristu.

ZUDI 1:4

Gud maa mo sərdə kaa gə bay iski ku Pepeŋ, ɓəlwətəŋ aduubə dəŋ na dəgaaya-dəgaaya. Kel gə minti waate sam pisi kə Pepeŋ, yə kulnuy wəra dəra'i də ɗiki neeteŋ minti té jəŋ dəgləŋ ne nuutuŋ, cəərə Pepeŋ gaara yaŋ wəra. Yə koloŋ kirki a Yeesu Kristu, Barkaŋ náŋ, Bərdə náŋ ɗaaməna'iŋ. Kel gə jeerə-jeereŋ a waataŋ warda anə hãã faɗi minti kəəti kə Pepeŋ bə doy.

VEƊE 12:9

Dəragoŋ mooto wiriktikaŋ, haa hənji də dayday, hənji də minti yə mante minti Nərtitiŋ kumundu ba *Sataŋ. A haa karman bə minti vaŋ kaa gə cəərə seŋkaŋ bə ji baymeleŋaŋ. Yə zogna də kaa kə digi naataŋ keɗe warda apəy da cəərə seŋkaŋ da.

VEƊE 13:14

Wə lenteŋ kaa gə cəərə seŋkaŋ wəra də miɗi bə minti wə nəkaŋ bə jəw də dər bege bə ajew. Bege tó bə ɓasiŋ haŋ gud kaŋ minti yə ɗampə karman la damdi bege bə ajew ana bə əyu tokɗeŋ. Bege toŋ, yə a ŋiinu də caafay, wə haraŋ wəra dədərgə.

VEƊE 19:20

A ko toŋa kəyaŋ, yə humuŋ bege bə waraŋ də bege bə minti jogte ku mini bə laŋte kaŋ. Bege tó bə ɓasiŋ jəətəŋ miɗiŋ də dər bege bə ajew. Gud miɗi toŋa, wə koloŋ bə lente kaa gə minti yə a məltənəy tarwa kə bege bə ajew siriŋ wəra, gə minti a kaŋ awalna a karman bə minti yə a ɗəmpunu bə he bege bə ajew. Bege toŋ ɓasi keɗe, yə vəənu dədərgə zugi a ko bə cəwa də sufrə hərhəraŋa.

VEƊE 2:2

Ten bə asə-ase joŋre nəətiŋ, bande nəətiŋ, də mi bə ku gəəli nəətiŋ. Wəra də dərən minti aŋ paapa gə doo-de haa bə hale kaa kə sərkəŋ aduubə dəŋa ba. Kaa gə minti ji kusri minti té *kaa kə vaa-veŋ, aŋ gulnuy kuɗiy wəra, aŋ əsnəy wəra minti yə kaa kə ŋete kel.

VEƊE 2:20

Səma karman bə minti giidən yaakaŋ wəra sarəŋa guuduŋ ha'aŋ, aŋ yaakaŋ kəkəy a həlgə də minti yə manta Zezabel aduubə dəŋaŋ, həlgə taŋ də minti ji kusrə damdi həlgə də jogte ku mini kə Pepeŋ ana. Kəya a lentenen kaa kə joŋre nin wəra, a hətnəy bə jəəti kel kə piwpiwa daana bə hamte kusuki bə minti yə a keereŋ anə pepe kəman duuruŋ gəm.

VEƊE 2:6

Səma ten bə aŋkəŋa agal ha'aŋa gəm: aŋ məlaŋ dər joŋre kə kaa kə Nikolaŋ wəra, damdi ten a məlnu duru wəraŋ ana gəm.