GALATIŊ 1:6 - JAA TƏMARWAŊ

⁶ Haaya! Karman bə minti aŋ juunuŋ ŋəlnən ablaw. Pepeŋ mantənaŋ haa gud pisi bə minti aŋ fəlu gud Kristuŋ. Bə jəŋ naanaanə minti aŋ koloŋ kerkeŋ ne anə cəlamma a kel nuutuŋ, bə ɗe máŋ gud *Kel pəsaŋ kəmarwaŋ gaalaŋaŋ ɗaw mo?

GALATIŊ 1:6 Iomraidhean Croise

MARKƏ 6:6

Wə ŋələŋ ablaw gud bay de neeteŋa. Yeesu əsəŋ bə gəryi giidə anə wəlasi də agəjaŋ də koŋa bə hate kaŋa ada.

Kel pəsaŋ kəmarwaŋ gə minti Zaŋ jiiriniy 9:30

Wə minti: «Haa kəna kel kə ŋələ-ŋili dogna tə gəm bəŋa, ko bə minti wə bəŋ da adaŋ paapa də dərəŋ ba, anaaŋa wə bəŋnən dərən wəra!

JOŊRE 15:11

Ana ɗaw, áŋ a wəra gə doo-de gud kela minti: áŋ gə Ziwifiŋ fele seereŋ haa gud pisi bə jəə-ji bə sar kaŋ kə Barkaŋ náŋ Yeesuŋ, bə kaayaŋ ana gəm.»

ROMEŊ 10:3

Yə əskəŋ gud hel də minti Pepeŋ kole kaŋ wəra duru ɗeker dəərəŋ ba, yə goldoŋ dər hel neete bə kole kusri wəra ɗeker duruŋ. Bədoona ana yə doŋ haa də nayta də minti Pepeŋ a ɗampəna wəraŋ ba.

ROMEŊ 5:2

Bəŋəŋ kəkəy wəra cəərə áŋa minti áŋ falə pisi bə minti Pepeŋ jəw sar kaŋaŋ la boobo faɗiŋ haa tó, gud bə minti áŋ gə doo-de guuduŋ. Áŋ gə əsə-isi də səɓaki haa dər pisi toŋa gəm, daana áŋ ufi ku áŋ haa gud ɗiki də áŋ bə malə-mele bə cəərə Pepeŋa minti wə ɗe a ɓarse boblo nuutuŋ yaŋ də áŋ.

ROMEŊ 8:28

Áŋ gə asə-ase gəm minti, kə kaa gə minti bele Pepeŋ, gə minti wə a məntənəy wəra bə de ku karman bə minti wə a ɗəmpunu wardaŋ, karman muntu muntu mo bə minti tuli ciiriŋ, wə ɗe a awe cuuru diiri haa a pisiŋa.

ROMEŊ 8:30

Kaayaŋ gə minti wə haŋ ɗikiŋ bə zey wəra dəra'i a kusruŋ, wə məntənəy wəra gəm minti yə kolə la kə tó. Té gə minti wə a məntənəy wəraŋ, wə kulnuy wəra duru ɗeker gəm. Té gə minti wə kulnuy wəra duru ɗeker, wə əynəy boblo nuutuŋ gəm.

I KOREŊTƏŊ 4:15

Gud maa mo, jəəne nuutu minti kaa gə minti tiinəŋa bə maləŋa a kəkəy kə Kristuŋa guɓ-guɓi hor ɗaw, bəraŋ haa saksaki məna. Dər ɗe nəətiŋa gud Yeesu Kristuŋ, ten koloŋ haa bəraŋ gud bə minti waatənaŋ *Kel pəsaŋ kəmarwaŋ wəra haa ten.

II KOREŊTƏŊ 11:4

Gud maa mo hulum kəman bəŋ ne a waataŋ sam Yeesu wəra də kel dəra'i də kaayaŋ gə minti are a waatənaŋ dəŋ, aŋ de toŋ sarəŋa bay gəəli ɗaw. Aŋ wəra maŋ bə de haa də tiiru də minti paapa Tiiru Cetcetaŋ də minti aŋ a falnaŋ baŋ, aŋ wəra maŋ bə de kel gə minti paapa *Kel pəsaŋ kəmarwaŋ gə minti aŋ a duuni kasi areŋ bə gəm.

II KOREŊTƏŊ 2:17

Kaa yaŋ ablaw faɗi ji celeere də kel kə Pepeŋ bə golde fele, səma are teŋ paapa bə té ana ba. Pepeŋ vaŋ are haa tó. Kəya gud tapi naareŋa də Kristuŋ, are waate kel nuutuŋ wəra a kuɗiŋa anə ɓet-ɓeti tiinu.

GALATIŊ 1:11

Kəsaananti, ten waataŋ minti: Kel pəsaŋ kəmarwaŋ gə minti ten waatənaŋ diŋ, hulum jəmnəy paapa də cuuru jeme ba.

GALATIŊ 1:15

Ana doloy ha'aŋ, Pepeŋ gud pisi nuutuŋa tə bə moŋ, wə ŋamnan warda hãã ajew də we dən da, daana wə mantənan warda haa minti ten jəə joŋre la a tó.

GALATIŊ 1:7

A gəəziŋa ha'aŋ, Kel pəsaŋ kəmarwaŋ gaalaŋ pa pəda. Səma sərdə kaa yaŋ bə ɓalkaŋ ɗiki dəŋa daana yə golde haa minti té kole Kel pəsaŋ kəmarwaŋ gə minti bə waate sam Kristuŋ, karman baalaŋ.

GALATIŊ 2:14

Bə minti ten ɗeŋ a ase kay minti yə paapa bə ɗe ɗeker a kəkəy bə gəəzi bə *Kel pəsaŋ kəmarwaŋ kə Pepeŋa baŋ, ten waataŋ Piyer wəra anə pəɗaki tiinə kaŋa faɗi minti: «Tam də kusrum, tam hulum bə Ziwifi, səma tam paapa bə ji kusruma bə hulum bə Ziwifi ana pəda tə kəm, tam bə he gud kaa gə minti teŋ paapa gə Ziwifi baŋ bə ji kusri bə kaanə Ziwifiŋ ana bə maa mo?»

GALATIŊ 2:2

Ten ɗeŋ ha'aŋ, gud bə minti Pepeŋ vaɗnan gəryi toŋ wəra minti ten ɗee la ada na. Bə minti are tuluŋ warna ada naŋ, are təpaŋ wəra kəm də kaa kəmtəŋ gə tiinə kaa kə Tapiŋ bay cəərə are. Kəya ten tupnuy bəlam də *Kel pəsaŋ kəmarwaŋ gə minti ten a bə wəətiya wəra a kaa gə minti teŋ paapa gə Ziwifi baŋ. Ten jəŋ bədoona haa minti, joŋre bə minti ten a juunu daana bə minti ten bə jəwa hebkənaŋ, yə a sərtu minti wə basə la wəra boobo ba. Bədoona ta, yə doŋ kel nin.

GALATIŊ 2:5

Səma are yaakaŋ kusrə are bə reeme a ko kəmana anə weseka a niini ba. Are jəŋ teŋ haa minti yə a ɓalke gəəzi də Kel pəsaŋ kəmarwaŋ wəra ba, kir minti aŋ ɗee la a iskiy a kuɗiŋa.

GALATIŊ 2:7

Ana ɗaw ha'aŋ, yə asaŋ faɗi minti Pepeŋ aynan joŋre bə waate Kel pəsaŋ kəmarwaŋ wəra a kaa gə minti teŋ paapa gə Ziwifi baŋ, damdi wə əynu a Piyer bə ɗe a wəətəy wəra a kaanə Ziwifiŋ ana gəm.

GALATIŊ 5:14

Gud maa mo, ku gili neŋneŋ keɗe wəra bə gaa-ge cuuru giidə ku gili tó məna'iŋa, bə minti waate minti: «Tam balə kumsum la damdi kusrum ana faɗi.»

GALATIŊ 5:4

Aŋ kaa gə minti bə ɗiki minti aŋ kole yaŋ ɗeker dər Pepeŋa gud de bə ku giliŋ kə Moyisiŋa wəra a kuɗuŋa, aŋ teŋ jəmaŋ adəwaldəŋ wəra də Kristu haa jeme faɗi daana aŋ neke bə fele pisi kə Pepeŋ bə minti wə jəw cəərəŋa pəda gəm.

II TESALONIKIŊ 2:14

Wə mantənaŋ a seere nuutu toŋa haa də *Kel pəsaŋ kəmarwaŋ gə minti are waatənaŋ dəŋ, minti aŋ falə boblo kə Barkaŋ náŋ Yeesu Kristuŋ la.

I TIMOTE 1:14

Bədoona ana, Barkaŋ náŋ jəŋ pisiŋ sarəna pisi jəə, wə aynan deŋ daana beleŋ gud tepe náŋa də Kristu Yeesu.

I TIMOTE 1:3

Bədoona ana, bə minti ten ɗəlaŋ koore warda bə ɗe Masedəwan, ten waatənam minti tam əsə la Efesi. Kaa kəman yaŋ ada bə duusi hate bə bay bəlam du. Gud teŋa ta, ten bele minti tam əsə la ada bə waate kaa teŋa minti yə yaakə hatə toŋ la.

II TIMOTE 1:9

Pepeŋ seereŋ áŋ wəra haa tó, daana wə mantaŋ áŋ wəra minti áŋ kolə la wəra kaa kə tó. Wə jəŋ teŋ gila keɗe haa paapa gud joŋre náŋ pisi bə minti áŋ a juunu ba, səma gud minti wə bəlaŋ bədoona ana daana wə jəŋ pisiŋ sar áŋa. Wə jəŋ giidu pəsaŋ wəra cəərə áŋa gud Kristu Yeesu wəra hãã ajew də mele bə gud koŋa.

II TIMOTE 2:1

Bədoona ta kormonti, nəmti ha'aŋ, tam toŋ teŋə dərəm la də səɓaki gud pisi bə minti áŋ fəlu a tepe náŋa də Kristu Yeesu.

I PIYER 1:15

Pepeŋ ha'aŋ, wə wəra dəra də kar kaayaŋ keɗe. Bədoona ana, dər ɗe nəətiŋa keɗe, aŋ gaa gud kusrəŋ la wəra ada minti aŋ wəra gə ayə-aye kusrəŋ a Pepeŋ.

II PIYER 1:3

Gud səɓaki kə Pepeŋa, Yeesu ayaŋ kar gə minti keye áŋ a ɗe də áŋa guuduŋ, bə kole áŋ bə aye kusrə áŋa wəra keɗe a Pepeŋ. Wə jəŋ kel teŋ haa də bə minti wə gaŋ dər áŋ wəra cəərə Pepeŋaŋ, Pep tó bə minti a mantaŋ áŋ minti áŋ tapə la bə hame boblo kə toŋa daana a joŋre pisi kə toŋaŋ.

VEƊE 22:21

Pisi kə Barkaŋ Yeesu jəə la dəərəŋ keɗe. Amen.