GALATIŊ 1:4 - JAA TƏMARWAŊ

⁴ Kristu yaakaŋ kusru bə me gud áŋa bə seere áŋ wəra ku baymele náŋa, kir minti baymele bə cəərə seŋkaŋ a isi kumna cəərə áŋa pəda. Bədoona ana, wə doŋ ku kel gə minti giidə Pep Bar áŋ a bəlnəy wəra.

GALATIŊ 1:4 Iomraidhean Croise

MATIYE 13:22

Kaa gaalaŋ yaŋ, teŋ haa damdi ko bə kəjəma bə minti dər kar vaŋ adaŋ ana. Yə iski kel kə Pepeŋ, səma ɗiki də kel gə minti bə ji siri cəərə seŋkaŋaŋ huyuy ablaw, yə bə ji haa tiniini də kusri a kəkəy bə golde hurmaŋaŋ. Gud teŋa ta, kar teŋ huufi kel kə Pepeŋ wəra, de neeteŋ si ajewa pəda gəm.

MATIYE 20:28

Gud maa mo, *Kormə Hulúm bəŋ haa paapa minti kaa jəw joŋre la ba. Wə bəŋ haa minti wə jəə joŋre la a kaŋ ɗaw daana bə aye dədərgə du wəra bə miɗi kaa ablaw.»

MATIYE 26:28

gud maa mo haa kor dən bə minti Pepeŋ doŋ *jaa təmarwaŋ də kaŋ duuruŋ. Wə bə ge yaŋ wəra gud kaa kə ablawa minti Pepeŋ vəəgə giidu la wəra cəərə baymele neeteŋa.

MATIYE 26:42

Kəya wə haraŋ bə ze na warna kas anə ɗawəwa kampa bə ɓasiŋ pa. Wə əsəŋ bə toose minti: «Barən, jəəne minti kopi tó bə lasiŋ ze wəra ba minti ten saw laŋ, kel teŋ jəə la haa damdi giidim bəlaŋ ana.»

MATIYE 6:9

Aŋ ɗəlaŋ toose neŋ, aŋ golə sar kel té la haa kənaŋ: ‹Bar are bə minti apəy daŋ, kaŋ tokɗə səmam cetceti la gud bə minti tam Pepeŋ.

MARKƏ 10:45

Gud maa mo, *Kormə Hulúm bəŋ haa paapa minti kaa jəw joŋre la ba. Wə bəŋ haa minti wə jəə joŋre la a kaŋ ɗaw daana bə aye dədərgə du wəra bə miɗi kaa ablaw.»

LIKI 22:19

Adoro wə haŋ mappaŋ kəəsu, wə jəŋ suuse a Pepeŋ cəərə jəə kəya, wə ɗoklona dərə, wə əynəy di. Wə wəətənəy minti: «Kəya haa kusrən [bə minti ten əyu guudəŋaŋ. Aŋ jəətə kel teŋ la kəya bə ɗəkti cəərəŋ cəərəna.»

LIKI 22:42

Wə əsəŋ bə toose minti: «Aba, tam bəlaŋ neŋ, zenə kopi bə lasi toŋ la wəra sarəna. Səma kel teŋ jəə la paapa damdi giidən bəlaŋ ana ba, yə jəə la damdi giidim bəlaŋ ana.» [

Kel pəsaŋ kəmarwaŋ gə minti Zaŋ jiiriniy 10:11

Ten kəna bərdə kaamaŋ bə minti wəra maŋ bə aye kusru gud kaamaŋ nuutuŋa.

Kel pəsaŋ kəmarwaŋ gə minti Zaŋ jiiriniy 12:31

Máŋ hebkəna haa cəwa də minti Pepeŋ bə jeme kəəti də kaa gə cəərə seŋkaŋ daana də minti wə bə sarme kumna bə cəərə seŋkaŋ warnaŋ.

Kel pəsaŋ kəmarwaŋ gə minti Zaŋ jiiriniy 5:30

Ten paapa də abay də ji karman ten də kusrən ba, ten jeme kəətiŋ haa damdi Barən a waatənan səmu wəraŋ anə dege'-dege'i faɗi. Kəəti katən a kuɗuŋa gud minti ten golde haa paapa bə ji kel gə minti giidən bələy baŋ, ten golde haa ji bə kel gə minti giidə Barən bə minti gaanan daŋ bələy.

Kel pəsaŋ kəmarwaŋ gə minti Zaŋ jiiriniy 6:38

Gud maa mo ten bəŋ apəy da haa bə bi a ji kar gə minti giidə Pep bə minti gaanan daŋ bələy, paapa gə minti giidən bələy ba.

ROMEŊ 1:7

Ten jeere kefter toŋ haa a aŋ gə giidə vil də Rom, aŋ gə minti giidə Pepeŋ bəlaŋ keɗeŋ, daana wə mantənaŋ wəra minti aŋ jəə la kaa kə toŋ. Pisiŋ, də kəkaɓiŋ kə Bar áŋ Pepeŋ daana kə Barkaŋ Yeesu Kristuŋ jəə la cəərəŋa!

ROMEŊ 12:2

Aŋ a tepe ɗe dəŋ də kə kaa gə dər ko bə hebkənaŋ ba. Aŋ yaakə Pepeŋ la bə koloŋa də ɗiki kimirwi bə minti wə bə ayaŋ dəŋaŋ ɗaw, kir minti aŋ nakə la bə ase karman bə minti giidə Pepeŋ bəluŋ, haa karman bə minti pisi, bə minti daw duruŋ, daana bə minti a kuɗuŋa damdi wə sə a ji bədoona anaŋ.

ROMEŊ 4:25

Pepeŋ əynu wəra a meŋ gud baymele náŋa, wə hərnu wəra dədərgə haa minti tó kole áŋ la wəra dər tó ɗeker.

ROMEŊ 8:27

Pepeŋ ase karman bə ku tarmə kaŋ tə kəm, wə ase karman bə minti Tiiruŋ bə ɗukuŋ gəm gud bə minti a tuusu a koɗ kaa nuutuŋa haa damdi giidu beleŋ ana'i.

ROMEŊ 8:3

Bədoona ana ta, Pepeŋ jəŋ karman bə minti *ku gili kə *Moyisiŋ a nəkaŋ bə jəw ba gud bə minti hulum a kusukiŋa wəra də dewe hasi bə ɗe də ku giliŋ. Wə jəŋ karman toŋ haa də bə minti wə gaŋ Kurmuyu derra'iŋ da də kusrə hulum kisirkiŋ suru damdi bə sar kaa kəsarkaŋ gə minti jəəti baymeleŋ ana gəm, bə əyu damdi karman bə keere ana cəərə baymeleŋa. Haa də hel taŋ minti wə təwaŋ baymele bə giidə kusrə kaa bə hatə-hate də baymeleŋ wəraŋ.

ROMEŊ 8:32

Wə yaakaŋ Kurmuyu derra'iŋ eŋ bay ɗoote ba, wə əynu wəra a meŋ gud áŋa keɗe. Wə ayaŋ Kurmuyuŋ wəra gud áŋa ɗaw tə kəm, wə bə aye kar kaayaŋ keɗe a áŋ baŋ naanaanə mo?

I KOREŊTƏŊ 15:3

Hate pis-pisi bə daŋə-deŋe kumsu bə minti ten a fəlnu kəm ten də kusrən, ten jognoŋ dəŋ wəra. Kel teŋ haa minti: Kristu meŋ wəra gud baymele náŋa damdi wəra bə jeerə-jeere giidə Kefter kə Pepeŋaŋ ana.

II KOREŊTƏŊ 4:4

Yə iski ba gud bə minti Nərtitiŋ, kumna bə cəərə seŋkaŋ, biwini ɗiki di wəra. A hay kuy wəra minti yə a ase pəɗaki də Kel pəsaŋ kəmarwaŋ gə minti waate sam boblo kə Kristuŋ wəraŋ ba. Tó Kristu bə haa-he haa Pepeŋ derra faɗi.

GALATIŊ 2:20

Səma, bə hebkənaŋ, ten kəm caw dədərgə. Bədoona ta, ten paapa cəərə kusrəna ten pəda, Kristu máŋ cəərəna haa tó. Karman bə minti ten jəw dər caw dəna hebkəna, haa bə de gud kormə Pepeŋ bə minti balnan daana bə minti ayaŋ kusru wəra a meŋ a koɗonaŋ.

GALATIŊ 6:14

Ten toŋ ha'aŋ, ten hage haa sam me də Barkaŋ náŋ Yeesu Kristu wəra a kəbaŋ gə largaŋa təwa, ten hage sam karman baalaŋ ba. Gud me kə Yeesuŋa tə bə moŋ, kar gə minti bə gole dər kaŋa pəsaŋ cəərə seŋkaŋaŋ, yə paapa bə gole dərəna karman pəda hasi, yə paapa gə əsə-isi kumna cəərəna pəda gəm.

EFESIŊ 1:11

A tepe náŋa də Kristu, wə ŋamtaŋ áŋ warda minti áŋ jəə la kə tó gud hel də minti wə a ɗampəna warda hãã ajew daŋ. Wə haa hulum bə minti de ku kar wəra keɗe'i, damdi giidu bəlaŋ ana'iŋ.

EFESIŊ 2:2

Aŋ a jəŋ ateŋa toŋ ha'aŋ, ɗe dəŋ a haa anə derra damdi kə kaa gə cəərə seŋkaŋ ana faɗi. Aŋ a jəŋ bə ɗe haa gud kumna kə kəwala. Tiiru taŋ ha'aŋ, ji joŋreŋ hebkəna giidə kaa gə minti paapa bə de ku Pepeŋa baŋ haa tá.

EFESIŊ 5:16

Dərəŋ fəlaŋ ne nuutu a ko anə weseka bə zuuri kel, aŋ jəy la faɗi, gud maa mo ko bə minti áŋ hebkəna duruŋ, baymeleŋ kəlaŋ ada ablaw.

EFESIŊ 5:2

Ɗe dəŋ haa la gud beleŋa tew-tew, damdi ɗe də Kristu a haŋ guuduŋ ana gəm. Gud maa mo, wə bəlaŋ áŋ ablaw daana wə ayaŋ kusru wəra a Pepeŋ gud áŋa damdi karman bə ayə-aye daana keere bə minti siisi duŋ siisunu warna fərəy-fərəy ana.

EFESIŊ 6:12

Gud maa mo, duuri náŋ paapa də kaa kəsarkaŋ ba, duuri náŋ haa də kəkamna gə apəyaŋ, kar kə səɓakiŋ, kəmnə də ko bə tilməŋ daana kəwal gə minti dər ko bə apəyaŋaŋ keɗe.

FILIPIŊ 4:20

Tokɗeŋ jəə la kə Bar áŋ Pepeŋ bə faɗnə-faɗna. Amen.

1 TESALONIKIŊ 1:3

Bədoona ana, a tooseŋa tiinə Pep Bar áŋaŋ, are bə ɗiki cəərə joŋre bə minti aŋ bə jəwa gud de nəəti bə gud Yeesu Kristuŋ, cəərə bele nəəti bə minti ji joŋre, daana cəərə mele bə ɗiki bə minti aŋ məlnu wəra anə kaŋkaŋ bə mi Barkaŋ náŋ Yeesu Kristuŋ.

1 TESALONIKIŊ 3:11

Doŋ kir minti Bar áŋ Pepeŋ də kusru, də Yeesu Barkaŋ náŋ, ayə kəkəy la a are bə ɗe a helɗeŋ!

1 TESALONIKIŊ 3:13

Bədoona ana, wə ayaŋ səɓaki la ku tarməyaŋa minti aŋ jəə la *cetceti bay kel kə malə-meleŋ saraŋa tiinə Bar áŋ Pepeŋa dər hi bə minti Yeesu Barkaŋ náŋ hare da də kaa nuutuŋ keɗe'iŋ.

II TESALONIKIŊ 2:16

Barkaŋ náŋ Yeesu Kristu də kusru daana Bar áŋ Pepeŋ bəlaŋ áŋ ablaw daana gud pisi bə minti yə jəw sar kaŋaŋ, yə ayaŋ teŋe bə dər daana ɗiki bə malə-mele pisi gə minti tewe baŋ a áŋ.

I TIMOTE 2:6

Wə ayaŋ kusru wəra bə miɗi kaŋ wəra keɗe. Wə jəŋ bədoona ha'aŋ bə ge dər kaŋ wəra a ko duŋa anə ɓeti minti Pepeŋ bele haa minti kaŋ keɗe seerə la wəra.

TITI 2:14

Tó də kusru wə ayaŋ kusru wəra bə miɗi áŋ wəra ku kel kə bayməlaŋa, bə kole áŋ wəra dər kaa nuutu gə minti wə pooroŋ wəra ciiri, daana gə minti məlaŋ ɗiki di wəra keɗe bə ji haa joŋre pisiŋ.

HEBEREŊ 2:5

Gud maa mo, Pepeŋ ayaŋ ame bə ko bə ajew bə minti áŋ bə wəətu səmu haa kənaŋ paapa kasi *kaa kə digi nuutuŋa ba.

HEBEREŊ 9:14

Jəəne doloy bədoona ana tə kəm, səɓaki də kor də Kristu bə ji naanaanə ba ga'i pə mo! Də səɓaki kə Tiiru də bay teweŋ, wə ayaŋ kusru wəra a Pepeŋ damdi karman bə keere bə minti bay kel kə malə-mele suru ana'i. Kor du kole ɗiki də áŋ wəra cetceti kir minti áŋ a jəəti joŋre bə minti ɗe a mele áŋ a meŋa pəda, áŋ jəə joŋre la máŋ a Pep bə dədərgəŋ ɗaw.

ZAKI 4:4

Aŋ kaa teŋ gə minti paapa bə isi gud Pepeŋa ɗeketi baŋ! Aŋ nuutu gə asə-ase minti tam jəəne jaa də kar gə cəərə seŋkaŋ tam wəra acukur də Pepeŋ mo? Bədoona ta, hulum bə minti bəlaŋ ne minti tó jəə la jaa də kar gə cəərə seŋkaŋ kənaŋ, wə kole kusru wəra haa acukur də Pepeŋ.

I PIYER 2:24

Wə də kusru, wə haŋ baymele náŋ cuuru, wə saŋ lasiŋ də baymele náŋ toŋ warna suru na də bə minti yə ɓəlnu wəra a kəbaŋ gə largaŋaŋ, kir minti aŋ jəə la wəra gə mee-me agal də ji bə baymeleŋa, səma aŋ jəə la máŋ dədərgə agal də ɗe ɗekeriŋa ɗaw. Wə saŋ lasiŋ bədoona tə bə moŋ, aŋ seereŋ wəra haa gud teŋa.

I PIYER 3:18

Kristu də kusru ləsaŋ warna gud baymele kə kaŋ na kampa məna faɗi. Tó bə minti jəŋ baymele hõy baŋ, wə ləsaŋ a koɗ kaa kə baymeleŋa kir minti tó ɗee la dəərəŋ a Pepeŋ. Kaŋ awaŋ haa kusuki du, səma Tiiru Cetcetaŋ haraŋ bə əyu dədərgəŋa.

I ZAŊ 2:2

Wə də kusru haa keere bə arse tarmə Pepeŋ wəra cəərə baymele náŋaŋ, paapa cəərə baymele náŋa təwa ba, səma wəra cəərə kə kaŋa keɗe.

I ZAŊ 3:16

Yeesu ayaŋ kusru wəra a meŋ gud áŋa. Haa kel gə minti ge dər áŋ minti beleŋ haa bədoona anaŋ. Áŋ gəm, áŋ kir aye kusrə áŋ wəra a meŋ gud kəsaanə áŋa gəm.

VEƊE 5:9

Yə bə ge gudul kimirwi bə tokɗe Kormə Taaməkaŋa minti: «Tam bə nakə-neke bə he kefter, daana bə poke kaknay gə kuŋ wəra. Gud maa mo yə awnam wəra bə ji keereŋ, tam məɗəŋ cəərə kaŋ a Pepeŋ də kor dəm gə aduubə də kaasaw də kaŋ keɗe, ku kaŋ keɗe, gidiirə kaŋ keɗe, gə giidə seŋkaŋ keɗe gəm.

VEƊE 7:9

Adordə kel teŋaŋ, ɗeŋ a gole kəyaŋ, ten asaŋ kaa ablaw anə hə̃ə̃'a, paapa kir aŋke ba. Kaa teŋ pəətəŋ warda a seŋka da keɗe, a kaasaw də kaŋ da keɗe, a gidiirə kaŋ da keɗe, a ku kaŋ da keɗe gəm. Yə əsəŋ tiinə jaaŋa kə Pepeŋa daana tiinə Kormə Taaməkaŋa gəm. Yə də dəməəmə bərwa siri, gaavaw kəəsi ada kay.