GALATIŊ 1:24 - JAA TƏMARWAŊ

²⁴ Bə minti yə əskəŋ bədoona kəyaŋ, yə tokɗoŋ Pepeŋ gud kel dəna.

GALATIŊ 1:24 Iomraidhean Croise

MATIYE 9:8

Bə minti kaa kə ablaw asaŋ kel teŋ kəyaŋ, walka jəmnəy wəra, yə əsəŋ bə tokɗe Pepeŋa gud bə minti wə ayaŋ kumsə abay taŋ a kaa kəsarkaŋ gəm.

MARKƏ 2:12

Kəya, hulum faŋ, wə haŋ gisi nuutuŋ, wə kəlaŋ wəra, kaŋ bə gulu kirkir gil keɗe. Yə bəsaŋ máŋ kuy gə ha'tə-ha'te laki. Kəya yə əsəŋ bə tokɗe Pepeŋa minti: «Sar kel té kayiŋ, are əsnəy hõy ba!»

LIKI 15:10

Bədoona ana gəm ten waataŋ, waale ji yaŋ ablaw aduubə də *kaa kə digi kə Pepeŋa gud hulum məna'i bə minti koloŋ kirku ne a baymele nuutuŋ.»

LIKI 15:32

Áŋ a kir ji kəɗwəy daana kir ji waale, gud bə minti seenem gila a wəra damdi hulum bə mee-me ana, bə hebkənaŋ wə haraŋ ne wəra dədərgə; wə a damdi hulum bə lentə-lente ana, bə hebkənaŋ ten fəlnu ne.›» – 15 16

LIKI 2:14

«Tokɗeŋ jəə la kə Pep bə minti apəy naŋ; kəkaɓiŋ jəə la cəərə seŋkaŋa, cəərə kaa gə minti wə bələy.»

LIKI 7:16

Kaŋ keɗe jəŋ walka, yə tokɗoŋ Pepeŋ minti: «*Hulum boblo bə jogte ku mini kə Pepeŋ vəɗaŋ ne aduubə də áŋa. Pepeŋ bəŋ ne a keye kaa nuutuŋ.»

JOŊRE 11:18

Bə minti kaa gə minti a ŋoryoŋ suruŋ əskəŋ kel teŋ kəyaŋ, ku tərməyi arsaŋ wəra, yə əsəŋ bə tokɗe Pepeŋa bə waate minti: «Pepeŋ jəŋ doloy haa minti kaa gə minti teŋ paapa gə Ziwifi baŋ nakə la bə kole kirki a baymele neeteŋ bə fele dədərgə də gəəzə-gəəzi gəm!»

II KOREŊTƏŊ 9:13

Joŋre bə minti aŋ bə jəwaŋ bə gay diri yaŋ wəra cəərə ku tarməyaŋ pəsaŋa. Gud teŋa ta yə tokɗe Pepeŋ yaŋ gud humi bə kosoŋ nəəti bə cəərə kela minti aŋ ɓeti gud *Kel pəsaŋ kəmarwaŋ kə Kristuŋa, daana yə tukɗu yaŋ gud aye nəəti bə ɗiki pisiŋa a niini daana a kaa kaayaŋ keɗe gəm.

II TESALONIKIŊ 1:10

Kel teŋ bə ji haa dər hi bə minti wə bə bi yaŋ minti kaa nuutuŋ keɗe tukɗu la, kaa gə minti doŋ guuduŋ keɗe səənu la gəm. Aŋ də kusrəŋ bə ji yaŋ aduubə də kaa teŋa gud bə minti aŋ doŋ gud bar kəkəy bə minti are juunuŋ wəraŋ.

II TESALONIKIŊ 1:12

Bədoona, sam Barkaŋ náŋ Yeesu fele tokɗeŋ yaŋ guudəŋa; aŋ fele tokɗeŋ yaŋ guudu gəm, gud pisi kə Pep náŋa də kə Barkaŋ Yeesu Kristuŋ.