GALATIŊ 1:18 - JAA TƏMARWAŊ

¹⁸ Bə jəŋ kəya taŋ, laate jəŋ wəra kəm soope bə minti ten kooroŋ Zeruzalem bə ɗe a ŋefe də Piyer. Ten hətəŋ suru da hor cuuru wiiɗiw faɗi.

GALATIŊ 1:18 Iomraidhean Croise

Kel pəsaŋ kəmarwaŋ gə minti Zaŋ jiiriniy 1:42

Kəya wə kooroŋ də Simoŋ sar Yeesu faɗi. Yeesu goloŋ Simoŋ, wə əsəŋ bə wəətu faɗi minti: «Tam haa Simoŋ, kormə Zaŋ. Yə bə mantam yaŋ máŋ minti Sefasi.» (Sefasiŋ haa minti Piyer, Piyer haa minti pərkiŋ.)

GALATIŊ 2:11

Ɗeŋ a ɗeye hõy, Piyer tuluŋ giidə vil də Antiyosiŋa. Wə jeŋ karman bə minti paapa akəsa ba, kəya ten juunu gəbaŋ wəra anə pəɗaki tiinə kaŋa.

GALATIŊ 2:14

Bə minti ten ɗeŋ a ase kay minti yə paapa bə ɗe ɗeker a kəkəy bə gəəzi bə *Kel pəsaŋ kəmarwaŋ kə Pepeŋa baŋ, ten waataŋ Piyer wəra anə pəɗaki tiinə kaŋa faɗi minti: «Tam də kusrum, tam hulum bə Ziwifi, səma tam paapa bə ji kusruma bə hulum bə Ziwifi ana pəda tə kəm, tam bə he gud kaa gə minti teŋ paapa gə Ziwifi baŋ bə ji kusri bə kaanə Ziwifiŋ ana bə maa mo?»

GALATIŊ 2:7

Ana ɗaw ha'aŋ, yə asaŋ faɗi minti Pepeŋ aynan joŋre bə waate Kel pəsaŋ kəmarwaŋ wəra a kaa gə minti teŋ paapa gə Ziwifi baŋ, damdi wə əynu a Piyer bə ɗe a wəətəy wəra a kaanə Ziwifiŋ ana gəm.

GALATIŊ 2:9

Anə Zaki də Piyer daana Zaŋ, gə minti kaŋ a humnuy tiini kəmtəŋ neeteŋ, yə asaŋ wəra gəm minti Pepeŋ aynan joŋre nin bə jiŋ haa toŋ kəya. Bə ge dər minti ku are máŋ bə tapə-tepe diiri tə bə moŋ, yə topoŋ kasi are də Barnabasi faɗi. Bədoona kəya, are gaŋ ku are wəra məna minti are teŋ ɗee la a ji joŋreŋ adəwaldə kaa gə minti teŋ paapa gə Ziwifiŋ baŋ, té kaayaŋ ɗee la a ji joŋre adəwaldə kaanə Ziwifiŋa gəm.