GALATIŊ 1:10 - JAA TƏMARWAŊ

¹⁰ Ten waataŋ bədoona ha'aŋ, minti kaa tokɗon la mo? Paapa! Ten golde haa tokɗe bə kasi Pepeŋ. Ten waataŋ bədoona ha'aŋ, minti ten doo dər kaa la mo? Paapa! A jəə la kəna minti ten ji kəm hebkəna haa karman bə minti doo dər kaa kəsarkaŋ la paŋ, ten sə a ji paapa hulum bə joŋre kə Kristu ba.

GALATIŊ 1:10 Iomraidhean Croise

MATIYE 22:16

Yə vəənu sərdə kaa gə guudi hiw, də *kaa gə gud *Erodiŋ suru. Yə əsəŋ bə wəətu minti: «Hulum bə hateŋ, are gə asə-ase minti tam waate kel wəra bay kan dərəma. Pepeŋ bele minti áŋ ɗee la haa naanaanə moŋ, tam hate anə ɗeker ciiri faɗi. Jəəne nuutu hulum mundu mundu mo, tam kole kel nəmtiŋ kəəsu ba, gud maa mo tam paapa bə gole agal də minti kəna mindi moŋ ba.

MATIYE 28:14

Jəəne minti kumna *Pilati iski kel teŋ, are bə ərsu tərmuyu yaŋ haa are minti gəəli toŋ a awe cəərəŋa ba.»

MATIYE 6:24

«Hulum bə joŋre neke bə jəw a kəkamna ɓasi ba. Ɗalba wə bele naayaw toŋ daana wə mele dər naayaw toŋ wəra, ɗalba wə he cəərə naayaw toŋ apəya daana wə gole naayaw toŋ wəra ko bə boobo. Aŋ neke bə aye kusrəŋ a Pepeŋ daana a soloy ɓasi keɗe ba!

JOŊRE 12:20

*Erodi bə kolə-kole waŋ ablaw cəərə kaanə Tir daana kaanə Sidoŋ. Gud teŋa ta, kaa teŋ təpaŋ kuy minti té vaw kaa la suru. Səma yə bandaŋ ablaw bə de jaa wəra kəm də Bəlastusi kir minti wə kayə té la, gud bə minti wə haa hulum bə ame cəərə kuli kə kumnaŋ faɗi. Adoro kəya, yə ɗeŋ a waate Erodi minti té a ji gəbaŋ aduubə də kumsə té duuru pəda, gud bə minti yə hame haa də kar gə giidə seŋka kə Erodiŋ.

JOŊRE 5:29

Səma Piyer də kaa kə vaa-veŋ hərnəy kel minti: «Are teŋ, are kir jeɓre haa ku Pepeŋ dəŋaŋ bə minti are jeɓre ku kaa kəsarkaŋ.

ROMEŊ 1:1

Jeere kefter toŋ haa ten Pol, hulum bə joŋre kə Yeesu Kristuŋ. Pepeŋ mantənan minti ten kolə la *hulum bə gaa-ge daana wə əsnən wəra dəra'i a kusru bə waate *Kel pəsaŋ kəmarwaŋ nuutuŋ wəra.

ROMEŊ 2:29

Səma ji hulum hulum bə Ziwifi bə gəəzə-gəəziŋ haa karman bə minti gal giidu daŋ. Tanta də jamə-jeme də gəəzə-gəəziŋ haa nayta də minti Tiirə Pepeŋ jəərə də ku tarmə hulum; joŋre kə ku gili bə jeerə-jeereŋ paapa ada ba. Hulum toŋ fele tokɗe nuutuŋ haa kasi Pepeŋa, paapa kasi kaa kəsarkaŋa ba.

ROMEŊ 2:8

Kə kaayaŋ gə minti gargaŋ də waŋ də Pepeŋ, yə haraŋ dər gəəziŋ warnaŋ, daana yə doŋ baymeleŋ ciiri kumnaŋ, waŋ daana kəəti kə Pepeŋ bə awe yaŋ ciiri gəm.

I KOREŊTƏŊ 10:33

Aŋ jəə la bə ten ana: kar gə minti ten jəy keɗeŋ, ten bə ji wəra anə keɗe-keɗe minti yə doo giidə mindi mindi la mo keɗe. Ten golde paapa karman bə cəərə kusrən təwa ba, ten golde haa karman bə minti ji yaŋ ɗəwa a kaa kə ablaw kir minti yə falə seereŋ la.

II KOREŊTƏŊ 12:19

Ɗalba aŋ bə ɗiki haa minti, are anə hãã bə waate da cəərə ɗeker də kusrə are tiiniŋa ɗawmay mo? Paapa bədoona ba. Are waate haa tiinə Pepeŋa, gud tapi naareŋa də Kristu. Gədaarə are gə agŋ-agŋ, are waate kel gila keɗe haa bə zeŋ gud de nəətiŋ ajewa.

EFESIŊ 6:6

Aŋ a ji joŋre nəətiŋ a ko bə minti yə bə goloŋ cəərəŋaŋ təwa'i də ɗiki minti aŋ jəə la diri pəsaŋ ŋaanaanə mo ba. Səma aŋ jəə joŋre la damdi kafkam kə Kristu gə minti ji kel gə de giidə Pepeŋ wəra də ku tərməyi anə soki məna ana.

FILIPIŊ 1:1

Jeere kefter toŋ haa are anə Pol də Timote, are kaa kə joŋre kə Yeesu Kristuŋ. Are jiiru haa a kaa kə Pepeŋ gud tapi neeteŋa də Yeesu Kristuŋ, gə minti giidə seŋka də Filipiŋaŋ, a kaa kəmtəŋ gə tiinə kaŋ daana a kaa kə joŋre neeteŋ gə giidə kuli kə Pepeŋ.

KOLOSIŊ 3:22

Aŋ kafkam, aŋ humi kosoŋ la cəərə kəmnə dəŋa kəna adawra cəərə kela keɗe. Aŋ a ji joŋre nəətiŋ a ko bə minti yə bə goloŋ cəərəŋaŋ təwa, də ɗikiŋ minti aŋ jəə la diri pəsaŋ ŋaanaanə moŋ ba. Səma aŋ jəə joŋreŋ la də ku tarməyaŋ pəsaŋ gud bə minti aŋ bə ji kese də Barkaŋa.

1 TESALONIKIŊ 2:4

Səma, Pepeŋ goloŋ koɗ are bə aye Kel nuutu pəsaŋ a areŋ. Bədoona ana, are waate kel a kaŋ ha'aŋ, paapa minti yə doy diri la me'i ba, səma yə doo la haa dər Pepeŋ gud bə minti gole koɗ ku tarmə are haa tó.

ZAKI 4:4

Aŋ kaa teŋ gə minti paapa bə isi gud Pepeŋa ɗeketi baŋ! Aŋ nuutu gə asə-ase minti tam jəəne jaa də kar gə cəərə seŋkaŋ tam wəra acukur də Pepeŋ mo? Bədoona ta, hulum bə minti bəlaŋ ne minti tó jəə la jaa də kar gə cəərə seŋkaŋ kənaŋ, wə kole kusru wəra haa acukur də Pepeŋ.

I ZAŊ 3:9

Hulum bə minti jəəne kormə Pepeŋ, wə jəəti baymele pəda, gud bə minti dədərgə də ger Pepeŋ giidu. Wə neke bə jəəti baymeleŋ pəda gud bə minti Pepeŋ buru.