GALATIŊ 1:1 - JAA TƏMARWAŊ

^1-2 Jeereŋ kefter toŋ haa ten Pol. Ten *hulum bə gaa-ge kə Yeesu ha'aŋ, ŋaɓnan paapa hulum ba daana gaanan paapa hulum bə gəm. Gaanan haa Yeesu Kristu faɗi, də Pep Abaŋ bə minti hərnu wəra dədərgə adordə meŋaŋ. Ten jeereŋ haa a aŋ kaa kə Tapi gə giidə seŋka də Galatiŋ. Ten, də kaa kə doo-de gə minti sarəna kəna a ko toŋa keɗe'iŋ, are bə mirkiŋ na.

GALATIŊ 1:1 Iomraidhean Croise

Kel pəsaŋ kəmarwaŋ gə minti Zaŋ jiiriniy 10:30

Barən gəm, ten gəm, are wəra gə tapə-tepe məna'i.»

Kel pəsaŋ kəmarwaŋ gə minti Zaŋ jiiriniy 20:21

Kəya wə wəətənəy pa minti: «Kəkaɓiŋ jəə la cəərəŋa! Damdi Barən a gaanan da anaŋ, hebkəna ten vaŋ gəm.»

Kel pəsaŋ kəmarwaŋ gə minti Zaŋ jiiriniy 5:19

Yeesu haraŋ kel a kaanə Ziwifiŋ minti: «Gəəzi, gəəzi, ten waataŋ, ten Kormə Pepeŋ neke bə ji karman bay cəərən ba. Ten ji haa kar gə minti ten asaŋ Barən bə jiitiyaŋ təwa faɗi. Kar gə minti wə jəy keɗeŋ, ten jəy bədoona dege'-dege'i gəm.

JOŊRE 22:10

Kəya ten haraŋ bə law ku minti: ‹Kumnaŋ, ten jəə la hebkəna haa naanaanə tə mo?› Wə harnan kel minti: ‹Bə hebkənaŋ, faa la apəya, ɗee la nəmti Damasi ta, kəya hulum bə waatam kel gə minti tam bə jəy yaŋ wəra məna-məna keɗe.›

JOŊRE 3:15

Bədoona ana, aŋ awaŋ Bərdə Dədərgəŋ wəra. Səma Pepeŋ hərnu wəra dədərgə adordə meŋa; are kəmnə də kəkəy də kel teŋ.

JOŊRE 9:6

Bə hebkənaŋ, faa la apəya, kalə la giidə vilaŋ na aker na. Kəya hulum waatam kel gə minti tam bə jəy yaŋ.»

ROMEŊ 1:1

Jeere kefter toŋ haa ten Pol, hulum bə joŋre kə Yeesu Kristuŋ. Pepeŋ mantənan minti ten kolə la *hulum bə gaa-ge daana wə əsnən wəra dəra'i a kusru bə waate *Kel pəsaŋ kəmarwaŋ nuutuŋ wəra.

ROMEŊ 10:9

Jəəne minti tam waate wəra kəkər də kum tiinə kaŋa minti Yeesu haa Barkaŋ, daana tam jəəne bə doo-de ku tarməyama minti Pepeŋ hərnu wəra dədərgə adordə meŋaŋ, tam fele seereŋ yaŋ.

ROMEŊ 14:9

Gud maa mo Kristu meŋ wəra daana wə haraŋ wəra dədərgə adordə meŋaŋ haa kir minti tó nakə la bə ji Barkaŋ kə kaa kə mee-meŋ, kə kaa gə minti kəm dədərgəŋ gəm.

I KOREŊTƏŊ 1:1

Jeere kefter toŋ haa ten Pol, ten bə minti Pepeŋ mantənan gud bele bə giiduŋa minti ten kolə la *hulum bə gaa-ge kə Kristu Yeesuŋ. Are təpaŋ bə jiiru də seenə áŋ Sosten.

II KOREŊTƏŊ 1:1

Jeereŋ kefter toŋ kəya haa ten Pol, *hulum bə gaa-ge kə Kristu Yeesuŋ, gud giidu gə bele kə Pepeŋa. Are jiirunu haa də seenə áŋ Timoteŋ, a aŋ kaa kə Tapi gə Koreŋtəŋ daana a kaa kə Pep gə giidə seŋka də Akay keɗe gəm.

GALATIŊ 1:15

Ana doloy ha'aŋ, Pepeŋ gud pisi nuutuŋa tə bə moŋ, wə ŋamnan warda hãã ajew də we dən da, daana wə mantənan warda haa minti ten jəə joŋre la a tó.

GALATIŊ 1:17

ten ɗeŋ sar *kaa kaayaŋ gə vaa-ve gə ajew dən Zeruzalem bə gəm. Ten kooroŋ nin cəlam ɗaw ha'aŋ, giidə seŋka də Arabiŋ. Adoro, ten haraŋ giidə vil də Damasiŋ da.

EFESIŊ 3:8

Adəwaldə kaa kə Pepeŋa keɗe, a bə kerpə-kerpeŋ aduubə di haa ten. Də teŋ keɗeŋ, Pepeŋ jəŋ pisi sarəna a kəkəy bə minti wə aynan nin haa waate bə kel a kaa gə minti teŋ paapa gə Ziwifi baŋ cəərə pisi boblo bə minti áŋ fəlu gud Kristuŋ. Pisi boblo toŋ, guudu əski kas huluma ba.

II TIMOTE 1:1

Jeere kefter toŋ kəya haa ten Pol, ten bə minti Kristu Yeesu *gaanan bə waate kela də səmu damdi giidə Pepeŋ bəlaŋ ana. Wə gaanan bə waate sam dədərgə də minti Pepeŋ a waatəna sam wəra, dədərgə tá də minti kaŋ fəla gud tepe neeteŋa də Yeesu Kristuŋ.

TITI 1:3

Də bə minti ko bə minti wə a ŋəmnu nəkaŋ wəraŋ, wə gaŋ gud dədərgə táŋ wəra də kel kə waate nuutuŋ. Pepeŋ Hulum bə seere áŋ aynan kel teŋ kaasəna minti ten wəətəy la wəra a kaŋ.

HEBEREŊ 13:20

Pepeŋ bə kəkaɓiŋ haraŋ Barkaŋ náŋ Yeesu wəra dədərgə adordə meŋa. Wə kulnu hulum boblo bə ameŋ bə gole cəərə áŋ, daana wə doŋ *jaa təmarwa də faɗnə-faɗna də kaŋ haa gud kor du.

I PIYER 1:21

Gud Kristu tə bə moŋ, aŋ doŋ gud Pep bə minti hərnu wəra dədərgə adordə meŋa daana bə minti əynu tokɗeŋ. Bədoona ana, de nəətiŋ daana ɗiki dəŋ wəra bə malə-mele cuuru.

VEƊE 1:18

daana bə minti caw dədərgəŋ. Ten a meŋ wəra, ten haraŋ wəra dədərgə, ten máŋ caw dədərgə bə faɗnə-faɗna. Səɓaki də cəərə meŋ daana də cəərə ko kə kaa kə mee-meŋa kaasəna.

VEƊE 2:8

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Simirnəŋaŋ minti: ‹Hulum bə ajew, hulum bə adoroŋ, bə minti a meŋ wəra daana haraŋ wəra dədərgəŋ, bə waataŋa minti: